Blind Guardian - und ähnliches (meh Pagan!!)

[Vyse]

Dark Tranquility sind härt guet, aber bescht Melodic Deathmätlband uuf Planet isch Insomnium!!!


Quelle


Quelle

[G-ay-lien]

Wennd scho Insomnium nännsch, denn dörfsch au gern Lieder vo Above the weeping World verlinke


Quelle

Quelle

oder

Quelle

Neues Album sitem 14. in Europa
(Wobii mir z.b. through the shadows chli angscht macht ...)


Quelle


Ich find aber de Thread ez denn nüm so guet Ich han praktisch die glich Entwicklig gmacht aagfange mit Nightwish, über Korpiklaani, Ensiferum, Eluveitie und Powermetal hiii zum Melodic Death Metal (aber über mehreri Jahr hinweg).. Und jedes Mal woni, uf eigeti Fuscht, so Bands wie DT, Insomnium, AA usw. entdeckt han, hets mi richtiggehend gflasht Ich glaub das wird em Buccaneer ez chli entgah, so vil super musig uf 2 döpig-siite..

[G-ay-lien]

Aber denn mach ich ez halt trotzdem wiiter, au wenn s meischte gege Insomnium abkackt

In Flames
Wobii di meischte die früenere Plattene (starch) bevorzuged

Quelle

Quelle

Norther
Wobii sitem Abgang vom Petri Lindroos zu Ensiferum nüme s gliche

Quelle

Quelle

Eternal Tears of Sorrow

Quelle

Quelle

Kalmah

Quelle

Quelle

Wintersun

Quelle

Mors Principium Est

Quelle

[Vyse]

Ich glaub das wird em Buccaneer ez chli entgah, so vil super musig uf 2 döpig-siite..

Defür blowts siis Mind ewäg

Kalmah, technisch bescht Death Metal Band woni känn

[G-ay-lien]

Ich glaub das wird em Buccaneer ez chli entgah, so vil super musig uf 2 döpig-siite..

Defür blowts siis Mind ewäg

Hät sich ja au scho "länger" nüme gmulde


De Vyse hät ja en super Gschmack demfall

Gaht öpär vo oich am 17. 11. is Kiff go Insomnium luege/lose?


At The Gates

Quelle

[Buccaneer]

Equilibrium: Uärks fallt mer nur i. Gfallt mir gaaar nöd
Amon Amarth: Voll superig. Das gebrummle gfallt mir nid schlächt. Aber nid zviel devo. Wird inere Playlist mit 50 Lieder viellicht 3-5 vo dene dinne ha. Sust wirds zviel. Aber wirde mir definitiv no meh inezieh vo dene!
Dark Tranquility: Irgendwie super. Er hed n super Stimm. Öb er brummled (was wär de Fachterminus?) oder singt. Sehr gueti Stimm. ABER: Warum zum Tüfel das huere Keybord? Alles woni glosd han und ohni Keybord gsi isch, hed mir güt gefallt! Mit Keyboard au wieder Uärks.
Insomnium: Starch! Gfallt mir würklich sehr guet! Gid nid meh z säge hie: isch de güt!


Fuck ihr gäbed Vollgas. Zum Glück machi hüt früehner Fiirabig, da hani am Abe nochli Zyt zum meh alose. Am Weekend bini ächt nid dezuecho. Eis huere Delirium isches gsi.

Ihr sind scho n geile Hufe... ich möcht paar neui Liedli lose und wirde hie nur so bombardiert! Super isches.

Die meiste lieder muess i glich tusig mal lose. Mis Änglisch isch nid gad schlächt aber han glich Müeh alles z verstaht wenn die haarige Sieche so in Bart inegrummled...

[Buccaneer]

Ich find aber de Thread ez denn nüm so guet Ich han praktisch die glich Entwicklig gmacht aagfange mit Nightwish, über Korpiklaani, Ensiferum, Eluveitie und Powermetal hiii zum Melodic Death Metal (aber über mehreri Jahr hinweg).. Und jedes Mal woni, uf eigeti Fuscht, so Bands wie DT, Insomnium, AA usw. entdeckt han, hets mi richtiggehend gflasht Ich glaub das wird em Buccaneer ez chli entgah, so vil super musig uf 2 döpig-siite..

Schiint würklich i die richtig z gah
Trotzdem bini froh. So bechumi s Beschte und muess nid 1000 Müll lose. Finde äbe i dem Genre gids so viel Mist wie sust i wenige... :typej: Au wenn mir jetzt die Kolumbusentdeckergfühl abgönnd

Was mir würklich am beste gfallt isch de ganzi Pagan Ketzer kram. Komischerwis find ich sehr viel folkloristische Musig geil und das nid wenig. Sigs ur Irland, Schottland, Mongolei, China, Japan... sust Europäische Folk (Ländler und co.) eher weniger.
Sobald Flöte, Dudelsack, Hackbrätt etc. dinne hed, findis unwiederstehlich. Weiss gar nid, wie ich das söll beschriebe. So Musig berüehrt eifach tüf inne i mir öppis. Aarchaischi Urinstinkt wäreded gewecht... Und wenns denn no mit Metal chli fätziger däher chunnt, gahni ab wie Zäpfli. Äbe, z.B. zum Sport mache ade Chraftstation oder ufem Velo gids nüt, womi meh pusht als fätzig Muusig.

Darum mini Bitt: Bringed mir nochli meh Pagan Züg mid komische Instrumänt. Well vo disem Metall Züg gids eifach zviel

[G-ay-lien]

Hähääm... öhm..

Säb isch ebe au chli mis Problem gsi, eluveitie isch so chli min Katalysator gsi - dänn wos würklich los gange isch - leider hani uf säbem gebiet denn nüt meh gfunde - und au jetzt mussi säge, dassi nüt känne wo i dem Stil und i dere Qualität sött vorhande sii. Scho klar, es git Bands wie Moonsorrow, oder Falkenbach.. Aber mit dene bini nie glücklich worde, irgendwie. Si sind zwar easy, aber nöd ufem gliche Niveau wi Eluveitie. Ich finds au chli schad, aber i dem Genre gits halt leider nöd so vil* - ich weiss au nöd wiso. Eluveitie, Korpiklaani usw münd sich ja ämel nöd beklage, si hebed zwenig Fans Ich wär ebefalls froh, wenni meh Alternative zu eluveitie hetti, aber ebe..

Ansuschte gäbs no Cruachan, Primordial, Minhyriath, vilicht no Folkearth.. Isch aber wüki nöd ganz so eifach..


Aber suscht, wi findsch t Musig so? Losisch no biz, Buccaneer?

* natürlich gits vil, aber s meischte hät denn widerum rächt vil iiflüss usem Black- und Death- Beriich, was denn halt schono was anderes isch als elu.

e: Vilicht au no suidakra?

Minhyriath:

Quelle

[Buccaneer]

Han strängs Weekend und strängi Wuche gha. Bin nid gross zum inelose cho. Meussi leider zuegäh. Aber ich blibe drann und bin ja bis Insomnium cho. Die restliche ziehn ich mir sowieso no ine! Wie ja bereits erwähnt bin ich euch mega dankbar für de support und die guete Tipps! Da isches s mindeste, das ich mir d Zyt nime, au alles gnau azuluege bzw. azlose! Hüt hani wieder bizzli meh Zyt da im Gschäft nur muess langwiligi Excel-Listene dureachere, da chan mer guet chli Musig lose dezue!

Ich stune würkli über Eluveitie. Zerste mal hani gstuned, dass das en Schwiizer Bankd isch, s zweitemal überd Qualität vom Sound, s dritte mal über die grässlich Frisur vom Leadsänger, s viertemal dass i jetzt jede Tag dene ire Sound glost han unds mir immer nonig verleided isch.

[Buccaneer]

In Flames
Gfallt mir sehr guet. Warum eigentlich? Bin mir nid sicher aber finde de sound "flüssiger". Kei Ahnig wien is söll beschriebe. Ziehn ich mir definitiv meh ine!
Northern
Wenns Keyboard hed isch zum devolaufe. Isch de Sänger würkli n Ma? Warum d Fingernägel schwarz lackiere? Geili Bönnys im zweite Video, kei Ahnig was die dete verlore hend aber mir gfallts
S erste Lied gfallt mir nid. Aber s zweite findi ganz güt. De Sänger hed en überus interessanti Stimm und ich wird sicher no das einte oder andere Lied inelose.
Bentzteds s Keyboard no viel???
Eternal Tears of SorrowStimm gfallt mir überhaupt nid und s Keyboard isch scheisse. Leider, well de Sound sust wür mir gfalle. Aber äbe, d Stimm udn s Keyboard passed für mich sooo nid, dases eifach nid langed..
Kalmah
Stimm findi nid so guet aber au nid störend oder so.
De Sound isch interessant und chönnt mir nach mehrmaligem lose no ganz guet gfalle. Wirdi mir au noch chli meh inezieh.

[Buccaneer]

Wintersun
Das gfallt mir! Grossartig! Fascht chli episch! Lose gad n Playlist uf Youtube und muess säge, s meiste isch huren güt! Das Album zieh mer sehr wahrschindli ine!



öpdate

Mors Principium Est
Super!!! Das gaht ab! Hend oftmals huere geili Riffs! Han mer jetzt au scho paar Liedli inezoge. Gfallt mir usgezeichned. Au hie

[Buccaneer]

Cruachan
Schwierig zum säge well mer fast nor poor qualitiy findt. Sie hend vereinzelt es paar ganz geili Sache. Aber die muess mer müehsam finde aber es lohnt sich. Viel Songs sind eifach zu plump oder si möcheds mit unpasendem Gesang zu nichte. Aber wie gseid, hed es paar lohnendi Tracks drunder. Wird mer abesuge

zum Thema plump: Ich finds sehr schad, han oft s Gfühl die hend paar Bierli zviel gha und stönnd denn Plan- und Lustlos ist Studio und schmättered mal es paar lieder Abe. Ich finde s meiste vo dene hed viel z wenig Schliff, zwenig Tüfi und vieeeel zwenig Liebi! Ich weiss jetzt nid üb ich dere Band unrächt tue aber ich emfpinde es eso :typej:



per Zuefall bini jetzt gad über Waylander gstolpered. Han mir aber nur eis Lied aglost, muess spöter no meh. Zerst nochli mit Mors Principium Est und Cruachan beschäftige. Tönt uf jedefall vielversprächend wasi vom Waylaner ghört han.

Aha, gad gläse das näbe Cruachan und Primordial, Waylander zude Pionierband im Celtic Metal ghöred. Supersupersuper!!!

[Vyse]

Vo Eternal tears of Sorrow gfallt mier nur ein Song, und dä eigentli nur wägem Refrain, dä isch aber defür dä absolut oberfarking Hammer.


Quelle

[Vyse]

Skyfire mitm Album Timeless Departure, wird dier wägm dominante Keyboard wahrschiinli nöd gfalle,
aber wart mal dä Refrain ab (lol, ich und Refrains, plemplem).


Quelle

[Buccaneer]

Fuck nei! Das huere Keyboard tued ide verdammt Ohre weh! Wie chamer nur? Das Lied fänd i rächt heftig super! Aber so unmöglich zum das gnüsse

Nid falschverstaht: Keyboard Mist! Klavier the win!

[Vyse]

finds ebbe no geil, au nöd immer, aber wänni en Kitschfaktor im Metal will, dänn passts mier rächt guet.
Wänni Metal lose, dänn meischtens sowieso sehr atmosphärische, experimentelle und irgendwie eigeständige Metal.

Agalloch z.B. http://www.youtube.com/watch?v=sSOHhOQal-A" onclick="window.open(this.href);return false;
oder Fen http://www.youtube.com/watch?v=u1yJ3x_MxjE" onclick="window.open(this.href);return false;
oder Petrychor http://www.youtube.com/watch?v=MUZtULEa8Ps" onclick="window.open(this.href);return false; (Gänsehuut!)

[Pombaer]

ah, es Metal Topic

Eluveitie isch übelst geil, o e super Liveband, si mache immer stimmig wie süsch wenig Bands, und es si Schwizer

Ensiferum isch o toll, han die letscht Summer mal mit Finsterforst zäme gseh, isch en dütschi Pagan Metal Band, villech ono öppis


Quelle

Agalloch isch genau e so e verdammt geili Band! Das hie findi no verdammt krass:


Quelle

(Spile übrigens im Früehlig z Dietikon amne Meh Suff Konzert - Must See!)

Falloch isch ono e gueti Ambient Metal Band, i gloub die sind no rächt neu


Quelle

När umbedingt mau verschideni Songs vo Windir alose, ungloublechi Band, isch halt aber so melodic Black Metal


Quelle

Tyr findi ono rächt einzigartig, isch so thrashige Folk Metal vo de Färoer Insle


Quelle
(Spile in es paar Wuche o z Dietikon gloubi mit de scho obe erwähnte Moonsorrow)

Näär fallt mer so spontan no Skalmöld us Island ii, han si letscht wuche am Heidenfest gseh, si hei zwar nume eis album, aber das isch imo verdammt geil


Quelle

[/schwärmmode]

[Pombaer]

Muess iz dochno es paar Bands poste, cha nid angers

Manegarm - schwedischi Folk / viking Metal Band

Quelle

Arkona - mal chli Folk us Russland und sogar e Frou als Sängerin bzw. Growlerin, isch no früsch


Quelle


Obscurity - dütschi Folk / Melo Death / whatever Band


Quelle

Varg - wider dütsche Pagan, hie es lied wo d Anna Murphy vo Eluveitie (Drehleier) mitspiut :


Quelle

[Sephi]

Apropos: Dark Tranquillity chöme am 11. November widermou is Z7. Immerno eini vo mine Lieblings-Livebands. Letscht Johr z Luzärn mit Insomnium zäme isch gsi und vor auem in sehr gmüetlecher Atmosphäre.

[Buccaneer]

Minhyriath
d Stimm gfallt mer überhaupt nid. Aber d Musig findi nid eubel. LotR Thematik Wirdi mir meh inezieh
Finsterforst
super Musig! s Handörgeli gad ab. Aber leider isch das verdammte huere Geschrei vo dem sälte untalentiere Sänger zuviel für mini Ohre. Obwohls Dütsch isch und ich Lieder mit enere aständige Qualy glost han, verstah ich keis Wort vo dem was er schreit... seeeeehr seeeeehr schlächt! Schad um die guet Musig!
At the Gates
überhaupt nid mis. Finds nid schlächt aber irgendwie sehr langwilig


PS: bevor i hie amigs es Feedback über de Sound schriebe, hani schochli aglueged. Heisst, nid nur eui Videos glost sonder au no paar Lieder uf Youtube inzoge . Also nid das ihr meined, ich lose eis Lied und urteile de grad über n Band.

[Buccaneer]

Oooooooohhh Shit! Überhaupt nid wasi gsuecht han aber so de Hammer.

Danke für Agalloch

Das flasht mir huere wäg! Gnau perfekt für die kommendi Jahreszyt. Es Buech, n heisse Tee und en Zigi schnappe, ufe Balkon hocke und zum läse Agalloch inehaue! Supersupersuper. Irr ich mich oder spieled die uf höggstem Niwo? Geil ich gheie fast übere!

[Pombaer]

Finsterforst findi äbe würklech no genau (ungerangerem) wägem Geschrei super

Vllt. wär ono so die neuere Burzum Albe öppis für di, isch o so dark ambient-mässig:


Quelle

[Buccaneer]

Finsch würkli guet? Ich verstah keis Wort was er lämered und es passt sooo nid. Instrumentals vo dene wird mer (wenni finde) s eint oder ander suuge. Aber ja nid das gejammere.

Scho krass, ich ghöre per Zuefall Eluveitie und bin hin und weg bim erste Träffer. Sither hani nüt meh gfunde wo mir so derb gfallt!

[G-ay-lien]

Tja, so isches halt oftmals Ich han imfall zerscht au mega lang nur Nightwish glost usem "Metal" Berich - so mit 15ni oder so, lulz -, denn isch Korpiklaani und Ensiferum dezue cho.. Irgendwenn denn, churz vor Slania, hani eluveitie entdeckt und uf säbem Stand bini denn langi Ziit blibe.

Erscht vil spöter hend anderi Stil bi mir aaklang gfunde, langi Ziit hani s Growle total scheisse gfunde, aber irgendwenn hets *klick* gmacht und ich han mich innert chürzischter Ziit i sehr vil Sache um MeloDeath ume verliebt. Aber das hät bi mir recht lang brucht, ich hans aber nie druff us gleit und mich zu Sound "überrede" lah, meischtens uf Tipps vo anderne kackt und eifach das glost woni Bock druff gha han, machi immerno, übrigens. So gelaber vo wege "das isch nöd trve!" göhndmer massiv am Popo verbi - und das würi au jedem unbedingt empfehle. Au hüt chani immerno absolut nüt mit BM aafange, ich finds immerno krass grusig und unnatürlich.

Ich würder drum eifach aarate de Sound z'lose woder passt und dich nöd z'fescht uf all die andere Bands z'konzentriere.. Ich han t Erfahrig gmacht, dass sich de Musiggschmack immer ändered und entwickled, aber au das brucht sini Ziit. Also würi mer die Bands da sicherlich guet merke und ab und zue vilicht inelose, aber mich nöd druf fixiere, dassd möglichscht vil neui Bands kennelernsch, das chunt imo vonelei, segs über youtube oder suscht irgendwo.

e: Säb hani eigentlich au gmeint mitem Kommentar, dasses dich nöd flashe wird, wennmer da alles eifach inepostet.

[Buccaneer]

Heho,

findi gnau au. Lose was i lustig bin. Aber bin doch offe für Tipps und so, aber wirde wahrschindli mit de wenigste hie glicher Meinig sie über en Band. Und au hie sind mir paar Bands zeigt worde, woni mier meh inezieh wird.
Klar isches schwär weni säge: hey das gfallt mir, hend ihr meh. Aber es hed sich bis jetzt definitiv glohnt. Hocke da ganz Tag vorem PeZeh und das isch wesentlich agnähmer mit Musig .

Ja das isch definitiv eso, dass sich de Musiggschmack witer entwickeld und mer Neus entdeckt. Lose äbe sid zäh Jahr immer de glich Mischt. Han zwar immer es rächt breits Spektrum gha und mir au anders atah. Aber hauptsächlich scho immer de glich Stil. Isch spannend und erfrüschend gsi, aber es gid dete so guet wie null entwicklig und wenn i de mini Kollege aluege, wo nur das chönnd lose und jedi Party wo was anders lauft schomal schlächt finded, isches nid lustig und nur borniert!

Es gid soviel verschiedeni tolli Musig. Und ich bin froh hani wieder was Neus entdeckt Hebed nur witerhin euri Tipps ine! Ich lose so zimli alles und wenn mir was uf Ahib gfallt, zieh mer gad no meh devo ine.