Macbook Gold

[Uriel]

Ich kenns halt eifach vo USB Hubs. Wenn die kei externi Stromversorgig hend lifereds zwenig Strom für bestimmti Grät wie z.B. externi HDs oni eigni Stromversorgig.

Ich weiss nonig genau, we viel Saft ds Macbook usegit, aber grundsätzlich gilt:

Gegenüber den maximal erlaubten 4,5 Watt (900 mA bei 5 Volt) bei Steckern und Kabeln von USB 3.0 werden mit Typ C unter USB 3.1 bis zu 100 Watt (5 Ampere bei 20 Volt) möglich. Während Stecker und Buchsen 5 Ampere unterstützen müssen, liegt die Schwelle bei den Kabeln bei 3 Ampere – nicht alle Kabel werden demzufolge 100 Watt bieten.

Das sött also locker für externi Festplattene etc lange. Bim ne Hub brüüchtisch ds Netzteil nur denn, wenn drmit grad no ds Macbook willsch lade. Ds Macbook het ja ken Aaschluss me für es Netzteil: alles lauft ja über die USB Buchse. Vo de Idee her find ich das ebe no geil: ei einzige Port zu allem: Strom, Bildschirm, Ethernet etc. We früener bi de Docking Stations vo IBM /HP.
Aber ebe, ich has nonig selber teschtet und han au no niene en Tescht gsee, wo dr USB Port mal a sini Grenze bringt.

[Xinobrax2]

Fair.

S Prinzip an sich findi au ok. Je weniger Ports, desto besser. Aber ein einzige USB A Port heteds ruig no chöne dra la. Minetwege au nur demitmer s iPhone chent lade. Mis Netbook het z.B. en USB3 Port wo au Strom liferet wenn s Netbook usgschaltet isch. Das hani scho i manche Situatione zimlich praktisch gfunde...Smartphone, E-Zigi, Gamepad...ich schleppe jenschti Gadgets mit mir ume woni über USB lade...

Aber egal, ich chaufs ja eh nid...und eigentlich isch d Botschaft klar: Gönd id Cloud! Muetig und grundsätzlich würdi mal sege gschider radikal als halbherzig. Ich bezwifle allerdings dases en Schritt i di richtig Richtig isch...


Edit: Mit "Je weniger Ports, desto besser" meini natürlich d Zahl vo de unterschidliche Ports, nid d Ports an sich. Also lieber 4 USB Ports statt 1 USB, 2 Audio-Jack & 1 Seriell...oder was au immer. Insofern isch USB C natürlich super wenn de so flexibel isch. Für de Übergang wärs aber glich na fair gsi es paar USB A dra z la...

[Supersonic]

Ich find d'Portarmut au dumm, aber mitem Pro hends immer no d'Alternative. Was mich chli aakackt isch das ich mir ernsthaft überleit han es neus Macbook z'chaufe und dasmal keis Pro wili eigentlich nume no Film luege druff, Präsentatione mache und ab und zue Mal vilicht Illustrator oder Photoshop bruuche. Aber Festplatte und oder de HDMI/Mini-Display Port bruuchi am Laufmeter. Da isch so en Adapter ä uhuere Krücke.
Mues mir das nomal überlege...

[XYBOT]

s grät isch praktisch us eim guss, das es nur ein port het findi no geil, am pc hani scho gnueg kabel drah. einzig de prozzi isch chli schwach, defür suuft er aber au nöd de huufe. isch kaufff! mal luege wies logic druf lauft susch ischer schnell wider dusse

[Supersonic]

Ha endlich nacheme Jahr vor mich her schiebe mis Macbookpro vo 2010 (oder 2011) neu uufgsetzt und es tuet erstuunlich guet. Punkt und Kommataste gönd immer nonig und Yosemite isch gruusig aber schnell isches wieder

[XYBOT]

yosemite direkt us der höll, isch voll flat, sat1 hani am beste gfunde

[Shadow]

Ok, NVMe SSDs sind schono super, gits aber au vo Samsung. So what? S 12'' MacBook isch liechter als d 13'' Laptops vo Dell? Aha...Wie lang muesmer Mitglied im Apple Kult si demitmer sich sonen Blödsinn chan schönredä? Es het kei Ports tammisiech!!! Logisch isches liechter...si hend ja alles usegnoh...geeeeez. De Adapter dörfsch jetzt separat mitschleppe wennt mal dis iPhone wotsch aschlüsse oder d SD charte us de Kamera wotsch lese.

übrigens..... Ziel isch halt alles Wireless zmache. Ich han gmerkt dass ich praktisch alles scho wireless han/chan. iphone sync, photostreams, dropbox... ich bruche eigentlich ufeme laptop au kei ports meh.... für diä wo no alles wennd aschlüsse, gits anderi grät.

ich wott au wieder en macbook, aber no money und wott eher es pro zum produce.

[XYBOT]

si sölled mal vorwärts mache, si hend gseit am 10.april chasch chaufe. jez isch de 23.april und staht uf allne shops 4-6weeks warteziit, sogar uf em amerikanische shop lölz?

lifere, nöd lafere

[abyss]

Z Guld isch knapp worde.

[XYBOT]

es staht immer no 4-6 wuche

[Acid]

Eigenartig...normalerwies stohd doch amigs "4-6 Wuchä" und denn 4 Tag spöter händs en ordentlichi Azahl an Lager.

[XYBOT]

jez hends apple watch drin, edition für 17'000 döller

[Xinobrax2]

Quelle

[abyss]

Z einzig schöne isch d Farb. Spacegrau isch scho chic. Wenn dr Apple itz no würd lüchte… Aber süsch en riise Quatsch. 1 Aschluss und uhuere übertüüred.

[Xinobrax2]

Nid nur d Farb...s ganze Design isch eigentlich zimlich geil. Nur s Innelebe suckt enorm

[ritschi]

apple het bi de entwicklig glaub bereits für skylake und wiiter vorus plant.
mit WiGig für peripherie und wireless charging zum lade bruchsch gli ke kabel meh.

isch für viel lüt sicher no z früeh zum uf die Ports verzichte, aber für die gits ja no ds Pro und irgendwo mues me mal afah.

i bruche sehr selte USB. nume weni mal öpperem e CD brönne

[XYBOT]

nach 2 mönet staht jez 3-4 wuche im shop... lol?!

[damian]

Sit einiger Ziit jedoch gats enorm bergab. D Hardware wird immer beschränkter und türer no dezue. S OSX entwickled sich sit em Schneeleopard immer witer zrugg und dezue chömed jetzt no übertürti Luxus-Produkt oni Sinn und Zweck.

Das stimmt. Aber genau das MacBook isch ächt mal super, ihres beste grät sit 10 jahr! Mueschs mal i dä händ ha. Es isch en vollwertige laptop i dä grössi vome tablett, mit dä dopplete uflösig würkt s'bild wie 50% grösser, entspricht also öppe 16". Batterie hebet ewigs. Ich würds etz au nöd chufe, will ich me bruche. Aber für nöd IT mänsche wo viel unterwegs sind perfekt.

Und s'mac os wird weniger schnell schlechter als s'windows I 5 jahr machi denn linux.

[XYBOT]

ich han pc, mac und linux

windows, ultra schrott, buggy aber am meiste software, bruuchi gliich no am hüfigste
osx, sehr stabil, wenig software
linux, gratis, chunt immer meh, aber chasch mit eim falsche command s ganze system abfackle lol


de macbook gold bruuchi nur zum reise. git nüt bessers zur ziit

[damian]

windows, ultra schrott, buggy aber am meiste software, bruuchi gliich no am hüfigste
osx, sehr stabil, wenig software
linux, gratis, chunt immer meh, aber chasch mit eim falsche command s ganze system abfackle lol

mer chönts nöd besser zämefasse!

[Xinobrax2]

Uf Linux chasch aber au mit eim Befehl alles wider repariere...usserdem isches nahezu unzerstörbar wemer de User d sudo Recht enzieht

[XYBOT]

wow jetzt staht 2-3 Wochen

gönds jede monet ei wuche abe, denn isch es i 3 mönet verfüegbar

trüürigst release ever!!!!

[Xinobrax2]

Naja...de Apple Watch Release isch eigentlich no truriger...aber de entwicklet sich genau andersch ume...überall hets, niemert wots

[Uriel]

Du bisch dir aber scho im Klare, dass die Slice Zahle usm Fantasy land sind, oder?

Slice Intelligence collects information through e-receipts from a panel of 2.5 million online shoppers in the U.S., who have permitted access to their inboxes. The data provides a glimpse into purchasing trends.

Check doch endlich dini Quellene, statt jede Stuss is Forum ds knalle.

[Xinobrax2]

Du bisch dir aber scho im Klare, dass die Slice Zahle usm Fantasy land sind, oder?

Ui sorry, passts nid zu dine Zahle usem Fanboy Land?

- ZDNet: Apple Watch sales may have fallen by 90 percent since launch
- CNBC: Apple Watch online sales plunge 90% in US: Report
- The Independent: Apple Watch: Sales of much-vaunted gadget fall by 90 per cent in the US, study finds
ok, s basiert alles uf de gliche Studie aber es sind kei Fantasy Zahle...

Und da no e Apple Fanboy Site wo öpis anders behaupted...
- appleinsider: Questionable report claims Apple Watch sales plummet from 200K units per day to less than 20K in US

Check doch endlich dini Quellene, statt jede Stuss is Forum ds knalle.

lol, bring besseri Zahle oder heb d Schnurre Du bisch doch de wo im Bitcoin Topic behaupted het si segid verbote in China owohli Quelle posted han wo s Gegeteil belegged, oder? Du bisch doch au de wo gseit het, dasmer Explots nid als Backdoors chäng verwende obwohl genau das de Sinn und Zweck vomene Exploit isch...und denn tuesch blöd wege somene Bitrag? Imene Forum wo voll isch mit irgendwelchne Rumors über noiji Konsole, Handhelds, Handys, Tablets & Warables? Meine Güte, chasch gern so tue als wär bi dir alles super seriös, aber din Blödsin-Pegel isch weg dem no lang nid nidriger als bi anderne User.

D Uhr isch Schrott, chum klar demit...