The(G)Forum

http://www.zarathustra.ch/" onclick="window.open(this.href);return false;

Xinobrax2 hat geschrieben:Bible, Koran, Talmud, Mahabharata...so zimlich alles woni id Finger kriegt han. Vor es paar Jahr het mi das mal recht interessiert. Allerdings nid us spirituelle Beweggründ. Ich interessiere mi eifacht für alti Text, au jetzt na. Je elter, desto besser.

ja eh, mir gahts ähnlich mit alte zivilisatione und text. muess jedoch gestah das ich vo dene weltbewegende sache no nix richtig durregläse han.

was isch so dini grob meinig zu däne büecher? au nützlichs und interessants entdeckt, oder au en bezug zu gwüssem chöne herstelle?

Hmmm...beidruckend sind vor allem d Gemeinsamkeite i de Monotheistische Religione...wobi, beidruckend isch ev. s falsche Wort Im Grund gno weiss ja jede, dass si di gliche Ursprüng hend. Was allerdings i dene Erzellige mengisch uffallt isch, dass selbst innerhalb vo dene Büecher schinbar vo unterschidliche Götter d Red isch. Nemedmer als bispiel mal d Bible (was ja au in etwa sovil bedüted wie "Die Bücher"). Mengisch wird Gott als allmächtigs Wese oni Gstalt beschribe...i de nögschte Gschicht isches denn wider en Gott, wo genausoguet en Herrscher chent gsi si us Fleisch und Bluet. Da merktmer denn halt eifacht, dases nur e Sammlig vo schinbar spirituelle Text isch wo teilwis überhaupt kei Gemeinsamkeite hend. Wies d Christe gschafft hend das alles i ei einzelni Gschicht z verwandle ischmer es Rätsel. Het wohl ebe demit z tue, dases kei Sau list...bzw. die wos lesed sind meistens eh scho z tüf drin...de Kern vo dene 3 Religione chamer aber zimlich eidütig uf sumerischi und babylonischi Text zruggfüere.

S Mahabharata isch na interessant, wills en völlig andere Hintergrund het und au einiges elter isch. Im Grund gno isches au e Textsammlig wie d Bible...es paar devo kennsch vilicht wie z.B. d Bhagavad Gita, s Epos mitem Arjuna. Denn gits au no Stelle im Buech wo zimlich seltsam sind. Det werded denn unter anderem Rumschiff und Städt im Himmel beschribe. Das kennsch ev. vom Däniken und Co.. Er übertribt nid, das stat tatsächlich so drin. Ich han zum Glück e praktischi Version mitem Original Text, enre sinngemässe Interpretation und ere dütsche Übersetzig. Es wird det au wortwörtlich mit Flugmaschine und so übersetzt. Es interessants Rätsel wemer bedenkt wie alt die Text sind...

Was isch denn das für en Usgab. Das mitem wortwörtlich übersetzt si isch chli so e Sach, weder Mol devo usgohd dass de Text und sini Übersetzigä us sehr unterschiedliche Zitä und Kulturä stammend. S'Wort Flugmaschinä, oder au nur Maschinä isch im Verglich züde Text wohl ziemlich alt.

Isch schono geil so Original Text und Übersetzigä, nur scho zum es Gfühl defür z kriege, um wases überhaupt god. Han au Mol innere riesä Biblä blättert, wo alli Text im Ursprung und öpä 4-5 Übersetzigä gstandä isch. Inhaltlich bringt's Eimer allerdings relativ wenig wemer nid Professor vo Antikä Sprochä isch, und alt Griechisch eher zude aktuellere vo denä Sprochä ghört. Lol

S isch vom A.C.Bhaktivedanta Swami Prabhupada (was fürn Name ). D Übersetzig isch relativ modern. Im original Text stat denn halt sowas wie "fliegende Wagen die glänzen wie blankes Erz"...insofern isch d Übersetzig "Flugmaschine" wohl scho einigermasse korrekt. Im wesentliche isch d Übersetzig aber durchwegs spirituell...s het überall au na witeri Usfüerige vom Autor, ebefalls durchwegs spirituell. Für d Inder isch das mit dene Flugmaschine schinbar genauso selbstverständlich wie für d Christe de Jesus ufem Wasser. Die denked gar nid gross drüber na...

Flügendi Sachä, sälbscht wenns e Wagä isch (gits jo au bim "Wheinachtsmann") isch aber ebä e Formulierig wo sehr vage isch und sehr viel meh Interpretationsspielruum zuelohd wiä "Flugmaschinen" was sehr viel klareri und änger igränzti, au moderneri Assoziationä hervorrüeft.

Mer chan natürli sägä dass diä damals halt nid diä Richtigä Wort gha händ, und eigentlich ebä öpis gmeint händ womer spöter denn Flugmaschinen gnännt hätti, aber das isch i dem Moment jo reini Spekulation, und so manche anderi Uslegigä wäred wohl nit witer hergholt, und so manchi halt i üssem Kontext villicht nid so eifach Fassbar.

Oder churz gseit, Flugmaschienen isch eifach es Wort womer hüt verstönd und irgendwiä grad no passä würd, aber öbs das bedüted was eigentlich gmeint gsie isch, isch e komplett anderi Frog.

D Interpretation ergit sich halt au usem Kontext. Die Flugmaschine sind z.B. verwendet worde um zu de Stedt im Himmel z flüge. Genauer hanis leider grad nüm i de Erinnerig und auf di schnelle hani nur de Iband vom Buech gfunde...uf jede Fall isches scho zimlich eidütig.

Klar chamer au alles andersch interpretiere...ich meine mir reded vonere Überliferig wo au en mehrarmige Elefant mitere Infusion überlifered...Aber Flügendi Sache us Metall würked i somne alte Text halt scho zimlich deplaziert.

Xinobrax2 hat geschrieben:Ich interessiere mi eifacht für alti Text, au jetzt na. Je elter, desto besser.

Kännsch "I Ging"? S'älteste Buech vo dä Welt.

http://de.wikipedia.org/wiki/I_Ging" onclick="window.open(this.href);return false;

Jep, allerdings hani nid vil demit chöne afange. Isch chli als heteds sämtlichi Sprüch us de Glückskeks ines Buech packt bzw. halt umgekehrt Und denn muesch au na lerne wiemers list mit all dene Strichli und so
S ältischte Buech isches aber siche nid. Guet, vilicht s ältischte uf "Papier" druckte Werk. Aber d Veda uf de Palmblätter (vorher mündlich überliferet) oder di sumerische Text i de Tontafle sind sicher einiges älter.

Btw, s Mahabharata hani vo dir. S isch eis vo dene Büecher wotmer mal gschenkt hesch

Xinobrax2 hat geschrieben:Det werded denn unter anderem Rumschiff und Städt im Himmel beschribe.

das isch für mich wieder was, wie zb. ägyptischi bauwerch wo hüt nonig so nahbaue chöntsch, wo mich druff schlüsse laht dass dä weg vom mensch uf dem planet weniger durch stätige fortschritt bestritte wird, sondern eher wied finanzkürs chli es uf und ab darstellt.

http://de.wikipedia.org/wiki/Kali-Yuga" onclick="window.open(this.href);return false;

was isch wenn mir durch kosmischi chräft würklich eh so en enorme chreislauf vo verfall und ufstieg durchläbed?
dmayas händ das ja ähnlich gseh, wenn ich das richtig verstande und no im chopf ha.

Was d Mayas glaubt hend weiss hüt eigentlich niemert. Di meischte Schriffte sind vernichted worde und die wenige Codices wos na git enthalted nid grad psunders vil Informatione. E witeri Quelle sind no d Nachfahre, aber selbst die wüssed im Grund gno nüt me. Wasd hütsotags im Internet so chasch lese sind im Wesentliche Wunschvorstellige vo esoterische Strömige oni jegliche Hintergrund. S Wüsse und d Kultur vo amerikanische Uriwohner wird hütsotags eifacht gern romantisiert will niemert so richtig weiss, was tatsächlich passiert isch. Das büted e gueti Projektionsflächi für d Vorstellig vonere Kultur wo im Wald im Einklang mit de Natur lebt.

Selbst de berüemti Maya Kallender isch ja eigentlich vo de Azteke und vo dene wüssedmer sogar no weniger...

naja, dänn sinds unterem strich nöd grad so die schlauschte gsi... und mir händ nüd verpasst.

Kei Ahnig...schlau sinds wohl scho gsi...die hend au Bibliotheke usw. gha. Leider hend di glorriche Eroberer us Europa fast restlos alles verbrennt. S einzige was si nid hend chöne kaputt mache sind all die Steitempel und die dörfed üsi Archeologe jetzt anaysiere...und si halted jedes 2. Gebäude für en Tempel rofl...

Ich stell mir denn amigs vor, wie Archeologe i 2000 Jahr d Überreste vo üsere Kultur usgrabed. Ev. findeds es Disney Land und chömed zum Schluss, dass mir stilisierti Müüs und Ente abeted hend und ine zu Ehre risigi Tempel und Schlösser erbaut hend. Wird sicher luschtig...

feeshlee hat geschrieben:naja, dänn sinds unterem strich nöd grad so die schlauschte gsi... und mir händ nüd verpasst.

wie du den bogen dahin gespannt hast, versteh ich grad nüd so.

mir händ ufem voyager info packt. selbscht wänn lichtjahre entfernt in 12000 jahr en zivilsation dä findet, weiss sie, was für es volk vo möngles mir erdianer gsi sind.
und au da uf dä ärd hinterlömmer ganz viel abfall und info für eusi nachkomme, demit die au wüssed, was für welchi mir gsi sind.

BrainBug hat geschrieben:

feeshlee hat geschrieben:naja, dänn sinds unterem strich nöd grad so die schlauschte gsi... und mir händ nüd verpasst.

wie du den bogen dahin gespannt hast, versteh ich grad nüd so.

Hanimi au grad gfrögt

Mer wüssed nid vil drüber, ergo: Sie sind dumm gsi.

vielleicht liegts dran, dass wir dumm sind?

Vielleicht liegt der Witz im Aufschreiben von «Geschichte» darin, sich gegenseitig zu lesen zu geben, dass wir alle unterschiedlich dumm sind?

Quelle

ha mer geschter geh. je meh ich vom graham gseh, umso meh mag en.

es gaht grob gseid um d'iflüss vo psychedelische substanze uf eusi weltgschicht und euses bewustsie.
vo höhlemalereie wo offesichtlich dur psilocybinhaltige pilz entstande sind, zu rite mit dä blaue ägyptische seerose in pyramide, bis hi zu alien entführige. - alles chan er verbinde.

sim earth. mi sind jetzt im informations-ziitalter.

Quelle dä interni dialog..

chasch mal da ane gah go meditiere - kandersteg

isch vipassana ?
meinsch ich chönt nöd google wenn ich was sueche wür? aber mercie.

Quelle da niggaz, fuck (living in) fear.


Quelle nöd ganz was ich erwartet ha, aber no guet.

turntablism hat geschrieben:chasch mal da ane gah go meditiere - kandersteg

Irgendwie isches hie aber doch nid z gliche. In Thailand isches mehbesser. Würkli en Lebensphilosophie vo vielne.