[spiritualität] meditiere und eso züg

[Xinobrax2]

Ich han vor über 10 Jahr woni mit dem Zügs agfange han mal nach Büecher gsuecht. Fasch alles wasi gfunde han isch Eso Schrott gsi. Irgendwelchi Lüt wo s Gfühl gha hend si chengid mit höchere Wese rede, anderi Welte psueche, Zuekunft vorhergseh, nahtlos in OBEs wechsle....und a dem Punkt hets mir denn abglöscht. S Träume funktioniert bi mir tip top und ich weiss mit zimlicher Gwüssheit, dass die Lüt nur Blödsinn gschribe hend. Es Wili lang hani mir au mal alli mögliche Tests usdenkt um so Sache z prüefe. Z.B. en Würfel unter en Becher tue, vorem ischlafe würfle und denn im Traum drunter luege. Oder Lüt im Traum kontaktiere, über d Zuekunft usfrage usw.. Ich glaube es paar vo de Tests hani sogar us irgend somene Buech gha. D Zahle hend uf all Fäll nie überein gstumme. D Zuekunftsvorhersage au nid. Nid mal persönlichi rationali Frage wie "wo isch din Geburtsort" sind korrekt beantwortet worde. Logisch eigentlich, aber damals ischmer das halt nonig so klar gsi.

Das mitem Ort wechsle het bi mir au no nie klappet. Was hingege funktioniert isch durch di nögscht Türe laufe und denn bini det woni wot si. Die "ich stell mir öpis vor und denn isches da" Magie gits imo nid. Traumwelte sind irgendwie modular und mer mues chli trickse demitmer si chan manipuliere....

[Mastler(P)]

S Träume funktioniert bi mir tip top und ich weiss mit zimlicher Gwüssheit, dass die Lüt nur Blödsinn gschribe hend.

und das häsch dur dini selbstversüech gmerkt?
chas denn nöd wie mit jedem andere hobby so sie, dass mer mit vill üebig ebe doch besser wird und meh mache chan?

[Xinobrax2]

S Träume funktioniert bi mir tip top und ich weiss mit zimlicher Gwüssheit, dass die Lüt nur Blödsinn gschribe hend.

und das häsch dur dini selbstversüech gmerkt?
chas denn nöd wie mit jedem andere hobby so sie, dass mer mit vill üebig ebe doch besser wird und meh mache chan?

Doch sicher...das merki ja au selber. Mengisch hani Träum wo nahezu 100% luzid sind. Das heisst ich bin denn i de Traumwelt und bin mir vollkomme drüber bewusst wer ich bin und wo min echte Körper im Moment isch. Das isch nid selbstverständlich und wär oni Üebig nid möglich gsi. Woni demit agfange han bini z.B. mengisch luzid worde, han aber nid gwüsst wer ich bin. Das tönt jetzt vilicht komisch, aber s Bewusstwerde setzt nid unbedingt au vorus, dasmer denn es Ich-Bewustsi het. Das isch denn aber imernanig alles...selbst wennt di dra magsch erinnere wer dasd bisch, weisch oft trotzdem nid, wo de echti Körper im Moment isch. Du hesch vilicht e wagi Vorstellig devo, dasd grad irgendwo schlafsch, aber d Erinnerig as Zimmer, s Huus oder gar wo sich das Huus befindet existiert nid. Ersch wennt das alles innerhalb vom Traum chasch rekonstruiere oni debi ufzwache oder wider in Traumzuestand z verfalle wirds interessant. So Sache wie. z.B. de "Würfel-Test" wäred susch gar nid möglich. S bringt ja nüt wennt es Experiment vorbereitisch und dich denn im Traum nüme dra magsch erinnere bzw. wennt nid mal me weisch wer du bisch und wie s Zimmer usgset wo de Becher mit de Würfel isch.

Drum ja, selbstverständlich wirdmer mit Üebig besser. Weni die Üebig nid het, heti ja au d Gwüssheit nid um z sege dass s Eso Zügs überwiegend Blödsinn isch.

[Mastler(P)]

ja, aber vo wo chunt denn so vill blödsinn? es gitt ja durchus sache wo vili lüht behaupted erfahre zha.
chan es nöd vilicht epis mit em spirituelle evolutionsstand vom individuum ztue ha?

ich schlüss generell nüht us und akzeptier neues als möglichkeit.

[Xinobrax2]

Erfahrigsgemäss chömed so Gschichtli meistens vo Lüt wo au suscht alles Mögliche behaupted/glaubed. Nur wills vili behaupted mueses no lang nid stimme. Jede chan behaupte, daser sini Träum beherrscht. Wie wotsches bewise oder widerlege? Im Moment chamer mit wüsseschaftliche Methode imene Schlaflabor höchstens nawise, ob öpert luzid träumt oder nid. Was i de Träum vor sich gat isch für ussestehendi aber nid isehbar.

Drum...wonach seli mi jetzt richte? A mini eigne Erfahrige oder a Gschichtli vo Lüt wo au no a Telekinese, Astralreise, Geister, Orbs und Reinkarnation glaubed? K, isch jetzt ev. e blödi Frag im Eso Topic... :typej:

[Mastler(P)]

natürlich primär ah dini eigeni erfahrig. du seisch ja "Wie wotsches bewise oder widerlege?" schlüssischs aber trotzdem.
das findi ebe interessant. wieso bliebsch folglich nöd eifach neutral, wie jede bravi schwizer?

[Xinobrax2]

Na will mini Erfahrige dene Gschichtli widerspreched. Ich bi neutral blibe woni damals die Büecher glese han. Ich hans ja nid vo Afang a eifach pauschal usgschlosse...
Du kennsch das doch sicher au vo Tripbericht bi psychedelische Droge. Det behaupted manchli Lüt au alles mögliche...kei Ahnig was si dezue tribt aber so isches halt.

[Mastler(P)]

guet. darum mini theorie: vilicht bisch du nonig im tüfe bereich vom schwümmbecki gsi, und dini erfahrig isch somit begrenzter als die vo andere?
möglich, oder?

trips so wie träum sind ja primär es subjektivs gschehe. ich han au nie elfe oder so gseh. das heisst aber für mich nöd dass anderi eh fehlinterpretation underleged oder dass es nöd wükli eh art vo elfe gäbt.

[Xinobrax2]

guet. darum mini theorie: vilicht bisch du nonig im tüfe bereich vom schwümmbecki gsi, und dini erfahrig isch somit begrenzter als die vo andere?
möglich, oder?

Möglich, aber ich haltes für wahrschinlicher, dass d Erfahrige vo de anderne beschränkter isch. So direkt hanis eigentlich nid wele schrieb aber so isches halt. Ich bin mir i dere Sach zimlich sicher.

[Mastler(P)]

und wieso isch das wahrschinlicher für dich? wie chumsch du zu dere tendenz? eifach es inners gfühl oder cha mer das erchläre?

[Xinobrax2]

und wieso isch das wahrschinlicher für dich? wie chumsch du zu dere tendenz? eifach es inners gfühl oder cha mer das erchläre?

Hani ja bereits gschribe. Vili Lüt i de Eso-Szene neiged dezue Sache z erfinde. Manchi fühled d Energie i Chornchreis, selbst i dene wo nachwislich vo Mensche gmacht sind. Manchi behaupted si beherrschid Remote Viewing obwohl si nachwislich tricksed....manchi behaupted si chengid Gegeständ materialisiere, obwohls sogar Videos git wo zeiged wie de Trick funktioniert....und denn gits na di ganz Lustige wo behaupted si chengid mit de Tote rede...Ich weiss nid, wasi dezue na sel sege. S Eso Topic isch wohl definiv de falsch Ort defür. Ich halte Esoterik überwiegend für Blödsinn. Oder ich segeds mal chli konkreter. ich halte das, was di meiste Esoteriker für Esoterik halted für Blödsinn.

S Thema an sich isch spannend. Vo de Helena Blavatsky bis zum Rudolf Steiner und vo de Alice A. Bailey bis zum Aleister Crowley hani alles verschlunge. Teilwis würklich interessants Zügs...aber weni denn so pseudo Eso Zügs lise chumi Vögel über. De Blödsinn macht mi teilwis sogar agressiv. Wie chamer nur so naiv si?

Amm...ja wie gseit....ev. s falsche Topic.

[Mastler(P)]

ein lügner, alles lügner. alles klar.

jedoch söttsch wüsse dass gueti disinformation immer mit richtige informatione verpackt wird, damit si besser ahgnoh wird.
aber ich finds schön dass dich trotzdem zum ne gwüsse mass damit usenandgsetzt häsch und nöd nur gläse, sondern au probiert häsch.

danke fürs teile.

[Xinobrax2]

Ich sege nid, dass alli Lügner sind. Es git aber einigi....und selbscht die wo lüged mached das schinbar oft nid böswillig sondern...kei Ahnig lol...

Min "Lieblingsesoteriker", fallsmer ihn überhaupt so chan nenne, isch de Robert Anton Wilson. Er isch eine vo dene, wo zum Glück so selbstkritisch gsi isch, daser sini eigne Visione in Frag gstellt het. Es Wili lang heter gmeint er kommunizieri mitere höchere Intelligenz vom Sirius. Er het aber witer gforsch und festgstellt, dases im Grund gno di glich Erfahrig isch wie bi eim wo miteme Engel oder me Alien kommuniziert. Er hets au wüsseschaftlich betrachted und festgstellt, dass lediglich sini linki Hirnhelfti mit de rechte kommuniziert het. De Punkt isch, er isch nid eifach bi de erschte Interpretation vo de Erfahrig stah blibe und das isch en grosse Unterschied gegenüber de meiste Esoteriker. S git e netti Doku über ihn, det wird das Thema au agsproche. Lueg mal dri, es lohnt sich


Quelle

[zwirrlibatz]

tröime hett mit esoterik würkli nüt ztue.

liit türli dranne dass esoterik mit gar nüt ztue hett.

[Mastler(P)]

tröime hett mit esoterik würkli nüt ztue.

liegt aber scho sehr nah am eigentliche begriff..

[Mastler(P)]

traum dütig schient da nöd gross ahzcho, aber egal: http://expandedconsciousness.com/2014/0 ... they-mean/" onclick="window.open(this.href);return false;

[Mastler(P)]

choose wisely.

[Mastler(P)]

ich bin mer nöd sicher ob ichs scho teilt han.

http://www.imdb.com/title/tt2415372/" onclick="window.open(this.href);return false;
isch eh geniali doku wo villes nöd physische eifach erchlärt und vill wüsse beinhaltet.
isch uf youtube i 5-6 teil gsplittet. bin nonig ganz durre, finds aber super bis etz.

da dä erscht teil:

Quelle

[thaeye]

da gönd go meditiere
http://www.insopor.com/" onclick="window.open(this.href);return false;

guete typ 10 jahr imene jap. chloster glebt. und jetzt wohnter in einsiedle (nöchi vom geburtsort vom paracelsus) und macht chli das.

[abyss]

http://www.zencom.ch" onclick="window.open(this.href);return false;

Isch min Nachbar. Chömmet doch uf Scheunenberg cho meditiere.

[Mastler(P)]

cool, danke.

ha letschti au bitz über zen buddhismus unds läbe i däne chlöschter gläse. scho na interessant.

kōan's findi no geil. zb: wie töhnts klatsche vo einere hand? so frage chriegsch gstellt um drüber zmeditiere. die sache chasch mit rationalem dänke nöd beantworte.
das isch aber nur ei form devo.

da no anders:

"A monk saw a turtle in the garden of Daizui's monastery and asked the teacher, "All beings cover their bones with flesh and skin. Why does this being cover its flesh and skin with bones?" Master Daizui took off one of his sandals and covered the turtle with it."

"Ein Mann kam zu Tao-hsin und fragte ihn "Was ist wichtiger: die Vergangenheit, die Gegenwart oder die Zukunft?" Tao-hsin trat zu dem Mann hin, schlug ihn, setzte sich wieder und fragte "Was war schlimmer: mich kommen zu sehen, der Schmerz oder die Erinnerung daran?" Der Mann war sprachlos und ging.
Später sagte Tao-hsin "Aua!""

[Mastler(P)]

da, no wichtig:

So now we come to the basic skill that has to be acquired before anything else. This is the skill of being able not to think -- to silence the superficial mind at will. The ability to not-think. Even when we learn to do that, we make all kinds of discoveries. Do it for ten minutes, and you'll get some direct self-knowledge about how you're probably dominated by a swirling maelstrom of habits, of robotically repeating voices and impulses, ruled over by a few competing (sub-)personalities that you're only partly conscious of. And there's no instant "off" switch to that ceaseless thinking. It takes much time, and patience, and meditation, to get there. Proper meditation is initially mostly the practice of doing that anyway -- although I do like walking qi gong, where one gets preoccupied with concentrating on the movements and breathing and there's just no time to think. You can't force the mind into silence. Struggling with it only makes it stronger. We have to let it eventually, gradually subside under its own weight, and under the light of our ceaseless watching ourselves, day and night.

ich hock nur no ih dä dunkle stilli und horche.

[Xinobrax2]

Ich hol das Topic mal usem Grab wili vom Donstig bis Samstig widermal Calea Zacatechichi Tee trunke han und d Erfahrige i de Träum ziemlich...naja, nennedmers mal "verblüffend" gsi sind. Zum erste Mal hani e Verbindig zwüschet de Traumwelt und em Wachzuestand entdeckt...und da ich mir das rational oni Zuefall nid chan erkläre möchti de Versuech widerhole. Ich han mir drum grad na me pstellt und mach demit mal e ganzi Reihe vo Experiment...und dezue testi au grad na d Wechselwürkig mit Synaptolepis Kirkii.

Träume


Edit: Drecks Zoll

[Drachenherz]

Ich han vorgester Nacht i de VR app "TheWaveVR" echli meditiert... bin im Lotussitz amene virtuelle Abgrund gsesse und virtuelle Liechtwese zueglueget... recht viel interessanti gedanke zu realität, spiritualität und was echt isch oder ebe au nöd kha.

[Xinobrax2]

Wemer schomal debi sind....hesch mal irgendwelchi psychedelics in VR tested?