The(G)Forum

Sylvara hat geschrieben: schön isch wenn mer d'wahl het.

d'Wahl macht d'Gsellschaft kaputt.

us quantitativer sicht vilicht.
ich glaub allerdings keinem, dass er chind für anderi het.

übrigens bini chli enttüscht. ha denkt dr Nerv macht es lästertopic uuf übers 'chind' (user).

ja han mich au scho greut eifach ARSCHL OCH da drin z schribe

Vyse hat geschrieben: Uuf jede Fall: Bevor me es Chind id Wält setzt, sötted dEltere mal zämme an Tisch hocke und sich genau uufschriibe, wieso
dass es eis möchtet und vor allem, was fürs Chind würkli wänd und wälli Bedingige erschiined ihne wichtig, für e beschtmöglichi Entwicklig.
(und natürli, obs die Bedingige au chönnt erfülle...)

Genau, am Beschtä macht mer en Lischtä mit zwei kolonnä was spricht defür, was degägä, und nocher zellt mer zämä uf welärä Sitä meh pünkt stönd (mer chan au no verschiedeni Punktzahl für verschiedeni Schweregrad definiere).

:typej:

Grad du sötsch doch wüssä das nid alles so rational isch uf derä Wält und das s Beschtä amigs entstohd wemer eifach sinä Gfühl folgt, ohni no lang z planä.

Und din Kolleg hed so unrächt jetzt au wieder nid...


Aber logisch, wenn öper kei Chind will, denn mueser sich au keim Druck ussetzä willer irgendwiä s Gfühl hed er müssti irgendwiä Chind ha oder so.


Für mich persönlich: Logisch, Chind, Familie... bescht Traum vo allnä (Traum willi no keini han). In Anbetracht vo dem isch für mich alles andere relativ. Super.

Irgendwer hett mau gseit,
mit Chind sig's wie mit Tätowierige: Wede nid würklech sicher bisch dassde eis wosch, de la's la si.
Dummerwiis gits när haut immer wieder söttigi, wo sech nid viu derbi überlege. Das wäre när die mit Stärnli am Chnöchel oder amne Chind im Buuch und säuber no eis.

Astroboy hat geschrieben:Das wäre när die mit Stärnli am Chnöchel oder amne Chind im Buuch und säuber no eis.

eigentlich sind das nid immer mal die so schlimme, also schön wär's mer würd das immer grad gseh. obwohl es chind 'müesse ha' isch nie e tolli voruussetzig, o für d'chind nid. git aber immer usnahme.

ich bin total dergege dass jede darf chind ha. logischerwiis e totale HEAT-zieher ( ) und ich würd mich sicher dervor hüete irgendwelchi (fascho-)kriterie uufzstelle. ich finds eifach recht bedenklich, dass zum e hund halte zersch mal selbstverständlich in kurs muesch, aber chinder ha wo so e riese uufgab isch lol, das cha jede eifach mal eso will schliesslich isch das IN de gene.... :typej:
drum hend jetzt schuele zum teil 'erziehigs-DVDs' für eltere, wo basics drinstööh à la "es wär guet würdsch dich um dis chind kümmere, arschloch".

örks

Das isch allerdings es gsellschaftlichs Problem, einzelni defür z bestrofä wär unfair.

Zudem isches tatsächlich en Teil vom natürlichä Prozäss... chasch au nid eim verbütä z Dankä nur willer scheiss dänkt.

Master(G) hat geschrieben:ich han nur es chind gmacht, demit ich mit ihm chan KoOp xbox spiele!

s trurige isch ja das mer dir so züüg glaubt.

Sylvara hat geschrieben:'erziehigs-DVDs' für eltere, wo basics drinstööh à la "es wär guet würdsch dich um dis chind kümmere, arschloch".

ui das wär no was für en gwüsse user da ine

@Acid

also eigentlich simer wiit weg dervo, dass chind eifach so passiere, wie gedanke.

ich weiss scho was du meinsch, aber ebe. ich kenn leider viel zviel eltere, wo zum chotze sind und d'chind sind am lebe und chöi sich ds lebe lang mit dr chindheit umeschlah. super sach. wär scho schön me chönnt lüüt zwinge sich das thema zwei-dreimal ernsthaft (inkl. realitäts-check) ds überlegge, bevor sie sich entscheidet. heisst denn nonid, dass mer öppis verbietet. Finnland zum bispil het recht e interessante aasatz in punkto eltere-information und denn wird o jedes chind no vor dr iischuelig deheime bsuecht und mer luegt wie's geit und wo ds chind staht etc. isch ja o e hilf für eltere.

und es geit mich scho ööpis aa, wenn ich indirekt für chind mitzahle, resp. für scheiss-eltere.

Sylvara hat geschrieben:übrigens bini chli enttüscht. ha denkt dr Nerv macht es lästertopic uuf übers 'chind' (user).

isch au min absolut erschte gedanke gsi. aber leider nüüt gsi

O_O hat geschrieben:

Master(G) hat geschrieben:ich han nur es chind gmacht, demit ich mit ihm chan KoOp xbox spiele!

s trurige isch ja das mer dir so züüg glaubt.

das seid viel über de IQ vo dene uus!

Ich han de Titel vo dem Fade hie übrigens bewusst eso gwählt, dass es chli Verwirrig und falschi Hoffnige stiftet. Super.

Sylvara hat geschrieben:@Acid

also eigentlich simer wiit weg dervo, dass chind eifach so passiere, wie gedanke.

Diä einzig möglichkeit Sicherzgoh das öper kei Chind überchund isch d Sterilisation (isch jo nid grad Lang her, do hedmer das no gmacht), oder wegsperrä.

Mer chan eim au de Grind mit Drogä Vollpumpä dasser fascht gar nüt meh dänkt, oder mer chanen ebäfalls wegsperrä, so das niemer diä Gedankä z ghörä überchund.

Natürlich isches nid genau s Glich. Es gohd eifach drum dases au wemer wür wellä, kei verträtbarä Wäg gid öperem Chinder z verbiete, drum isches so oder so gar kei Option. Das mol abgseh devo das niemert weiss was s Beschtä für Chind isch. Drum isches au schwierig öperem i d Erziehig inädsschnurrä, mer hed villicht s Gfühl mer wüssis besser, schlussendlich muesmer sich aber igestoh, dasmer ebä au nur e Vermuetig hed was s Beschtä für s Chind isch, unds nid mit abschlüssender Sicherheit weiss, abgseh devo das jedes Chind andersch isch.
Wer entscheided also wer gnueg guet isch für Chind und wer nid?
Ihr Schwiz simer jo nid mol so wit dasmer sini Chind nid dörf Schloh, am Schluss muesch versprächä das dini Chind prüglich, wens das oder jenes mached, will suscht keini dörfsch ha.

Und ja, mer zahlt no vil mit, wo eigentlich nid müesst si. Wenni ehrlich bin isch allerdings s zahlä es ziemlich chlises Problem, in Abetracht dessä was diä direkt Beteiligtä teilwis durä machä müend. Wiä gseit, das sind halt gsellschaftlichi Problem. Es mues sich d Gsellschaft änderä, mer chan nid einzelni defür Verantwortlich machä und meinä wenn diä nüm sind, denn sig alles guet.

Logisch gits Arschloch Elterä und au suscht Arschlöcher... aber das isch halt so.

Acid hat geschrieben:Diä einzig möglichkeit Sicherzgoh das öper kei Chind überchund isch d Sterilisation.

so würdi das nid säge.

NERV hat geschrieben:Überall hets vo dene dümmliche Chind ume, wo Lärm und Stunk machet. Au im Quartier gits regelmässig Lärm ums Hus wäg dene Saugoofe. Schlimmscht isch ja, dass sie genau näb mim Chuchifänschter hei en Chinderschaulke härebout. Ich glaubs, muess dert mal chli regelmässig chli go dranne umesage. Ich wett übrigens gern vermehrt wohnen ohne Kinder. Muess wohl mal en Initiative starte.

Luegs vo der positive Site: Wenns dir z lut isch, de chasch eifach wegloufe. Wenn im Zug Kinderlärm hesch geisch use und guet. D Eltere hei de Betrieb 24/7. Ich gsehs bi minere Schwöster was Chind für e Arbeit mache: Ich ha Hunger / wott nid ufstoh und id Schuel / sie het mir spielzüg gstohle / tue mi träge / tue mis Spielzüg sueche / ha mi schueh verlore. Und alles glichzitig.

O_O hat geschrieben:

Acid hat geschrieben:Diä einzig möglichkeit Sicherzgoh das öper kei Chind überchund isch d Sterilisation.

so würdi das nid säge.

Drum hani no d Isolation hinzuägfüegt... was gäbs denn suscht no für e Möglichkeit?

Acid hat geschrieben:
Logisch gits Arschloch Elterä und au suscht Arschlöcher... aber das isch halt so.

lol, das isch also sehr eifach. es stimmt nid, dass me nüt cha mache, nur will me nid alles cha verhindere, das nennt sich trugschluss.
mir hei üüs gsellschaftlich scho recht entwicklet punkto chinder i de letzte 100 jahr.

und ich rede sicher nid vo kastriere lol, ich gib dir recht dasses moralisch recht schwierigi frage sind (also für mich nid eso, aber allgemein will mir ja immerno inere gsellschaft lebet, wo ganz unbewusst total christlich prägti uffassige vertritt). anderersiits isch das fast alles uf stuufe prävention - es git ono information und intervention. primär wär's ja wünschenswert nid chind ds verhindere, sondern dass nid jede so eifach dervo chunnt mit liechtfertige entscheidige. mer chönnt absolut eltere vorher/nach dr geburt zu pflichtprogramm verdonnere - wer mir verzellt das isch wichtig bimne hund und nid bimne chind, het eis a dr waffle. gwüssi lüüt chöi das scho 'vo selber', anderi nid. schade tuets keinem. es isch ja denn o grad e aalaufstell.

und es isch wischi-waschi ds säge 'mer weiss nid was chind bruuchet' - mer weiss eigentlich sehr guet, was chind in punkto zuewendig, fürsorg oder sicherheit bruuchet. mer weiss vorallem o, was sie NID bruuchet. das programm lauft immer gliich ab. und mer chönnt sehr guet o vor dr iischuelig bitz meh hilfestellige ghä, wie zb. d'finne. jetz chnüpfsch das alles a d'chindergelder, und jede taucht uuf.

das würd vilicht eifach mal es bewusstsii allgemein es bitzli schärfe. logisch ischs mit dem nid gmacht - aber mer überlegt sich denn ebe scho mal bitzli mehr wenn mer chind wett, wenn ds einte oder andere no derzue chunnt. mal abgseh dervo, dass warschinlich recht viel lüüt froh drum wäre. chunnt chli drufaa wie mer's macht.

i bi nid gege ds chind ha oder o unterstützig; aber dass eltere ds recht hei zmache, was sie wei gseh ich komplett anders. chind sind kei bsitz und hei recht uf schutz oder iimischig. früener hets gsellschaftlich sehr viel meh so soziali kontrolle und iimischig ghä, will in grossfamilie und in engere kreis/dorf etc. ufgwachse bisch. da sind chind o nid nur de eltere usglieferet gsi. das isch üsi modern gsellschaft vo 4-zimmer wohnige wo seit, dass jede allei isch und für d'sozialisierig isch das eh naja. "it takes a village to raise a child". hier gib ich dir ganz recht mitem gsellschaftliche problem.

find also scho hier gits potential nid nur eifach chinder um jede priis zha, sondern ds luege dass es ernstgnoh wird. das mache sehr viel weniger, als was bhauptet wird. jede bhauptet vo sich er isch e super vater und e super mueter. me het ja schliesslich training i de gene.

Avenger hat geschrieben: Ich ha Hunger / wott nid ufstoh und id Schuel / sie het mir spielzüg gstohle / tue mi träge / tue mis Spielzüg sueche / ha mi schueh verlore. Und alles glichzitig.

Mini Närve schtrapazierts am meischte, wenn....
.... mer sit füf Minute im Auto sitzed und vo hinde es "ich mues bisle" chunt
.... beid glichzitig versueched z erkläre, warum und wär hed afo schtrite, natürlech i zwöi üsserscht gägesätzleche Versione und mit Vibrato das mer sowiso nüt verschtot
.... es Chind chrank isch

Mehrfachuswahl isch nid sälte

Master(G) hat geschrieben:das seid viel über de IQ vo dene uus!

mhm mhm... susch chöme dir kei wiiteri müglichi gründ in sinn?

zum punkt chind wele und entsprächendi entscheidige träffe:
ob es chind dur wunsch oder unfall passiert, bedüütet für sin läbenswäg no gar nüt. genausoweni wie adoptiert oder waise oder patchwork usw... me chan wie gar nüt so definitiv säge. au bi aller higab chan en goof komplett missrate und umgekehrt.

...'chönne' immer vorteggs, aber isch eigentlich kei fraag dass bi 'hiigab' (super wort..) d'chance erheblich besser sind, als umgekehrt.

@syl, bin ich nöd so sicher. hiigab chan au inkompetänt sii bi aller gueter absicht. pushe, zviel wele und als schlimmschst und wiitverbreitischst als eltere sälber nur ein "richtige" läbenswäge känne und daher vermittle chöne was bi rebelle zu abwehr und trotz und unverständnis oder bi bekloppter läbenswiis bimne folgsame chind zur nöchschte generation vo beklopptheit füehrt, beides katastrof.
es sich sälber überlassnigs chind chan (!) en überläbensinstinkt entwickle und sälber en wäg finde. muss wäg däm nöd immer grad im knascht lande.

ahja logisch. ha nur grad denkt
über-eltere, verwöhnig und affeliebe isch o nur e form vo verwahrlosig. meistens emotional.
mit hingab hani chli was anders verstande.

Mal sehen. Kommt auch drauf an, ob ne geeignete Frow meinen Weg kreuzt.

Sylvara hat geschrieben:ahja logisch. ha nur grad denkt
über-eltere, verwöhnig und affeliebe isch o nur e form vo verwahrlosig. meistens emotional.
mit hingab hani chli was anders verstande.

ja eh. die guet hingab wie's sii sött.

ich halt mich für en potentiell wahnsinnig guete papi mit jenschtem souveräne plan und erziehigs- und läbenswiisheite und toleranz und offeheit etcbla aber was wenn de saugoof eifach nöd lose will? oder stur zumne rücksichtlose gäldgierige reaktionäre idiot wird? oder en schlaffe nullbock möngel? en intellektuell kreativ empathische vollpflock wo sich nur für auto, redbull und gadgets intressiert? wenn's eine vo dene isch wo grad s'gägeteil macht vo was me ihm mitgäh will?

oder wenn er schlicht und eifach unsympathisch isch?