In 2.5 Mönet wirde ich 30 Jahr jung. Bim Wort Hürat und Chind wird mir nach wie vor regelmässig schlächt. Finde 3D Chind öppis vom Mehrschlimmste wo meh chan ha. Sie gönd mir vor allem i de Öffentlichkeit grausam uf d'Närve und mache mich hässig. Sälber es Chind ha, wär für mich de absolut Megahorror. Ich glaubs, lieber würd ich stärbe, als en Balg in d'Wält setzte. Ich als absolute Egoischt, bhalte s'Gäld leiber für mich allei und gibe alls für schöni Erwerbsgüeter us Japan us. Han au absolut kei Närve für en Balg. Zum guete Glück denkt mini Froindin dert düre genau glich wie ich. Guet, das chan sich no ändere. Wär für mich aber de ultimativ Trennigsgrund.
Mini Schwoscht red scho gar nüme mit mir (han sie letscht mal öppe vor 2 Jahr gseh), wüll ich nöd han wölle Götti wärde vo ihrne Bälger und mich au absolut nie für öppis us em Läbe vo ihrne Bälger han interessiert. Weiss glaubs no knapp de Name aber das wärd denn au scho gsi. Guet, villi dänke jetzt ich sig en schlächte Mensch aber mir egal. Ich chan Chind eifach nöd usstah.
Und wie heschs du so mit de Bälger bzw. de Chind? Findsch na guet Chind? Oder hesch du gar es Chind oder isch gar eis im Ofe?
