Lueg was mini Kidz spielet...

[Master(G)]

da chunt mir grad de chette-raucher in sinn, wo sim sohn rauche verbüte will
wobi de vergliich natürli völlig dumm isch. game isch ja nöd gsundheitsschädigend. aber äbe...

[Skeletor]

^scheisse. JA WARUM AU VERBÜTE ERWACHSENESPIELI SPIELE?

kartoffel.

[Skeletor]

überhaupt isches rächt denäbe da welle mitzrede, wemmer selber no kei chind hett. gäll nussli....
sorry, dass ich da uf dini bemerkige nöd wiiter druuf igah.

s'totschlagargument... uf das hani gwartet.

[Skeletor]

die ziit wo ich nöd game, gah ich mit ihm lieber veruse...

[h4xX0r]

ne und mit chrieg chunt er nöd in kontakt, nur mit videospiili.
realität und fiktion. kännsch? sehr wichtig bi de erziehig vo chind!

was macht er denn genau, wenn er chriegsspieli (wo mittlerwiile absolut realistisch sind) spielt?

[Master(G)]

de chläber uf de gameboxe isch im fall en altersempfehlig. empfehlig. für idiote wo ihrne chind games chaufed demits rueh gänd und sälber nüt demit wänd ztue ha isch das en ahaltspunkt. sicher nöd für eine wie mich, wo sis ganze läbe lang scho gamed, praktisch 24/7 mit de materie ztue hett und ständig debi isch, wenn sin junior zockt...

[Master(G)]

was macht er denn genau, wenn er chriegsspieli (wo mittlerwiile absolut realistisch sind) spielt?

er platziert sin spawn-beacon so, dass er mit em fallschirm spawnt und so uf hohi hüser oder berge chan go snipere, wo suscht unerreichbar sind...
was absolut realistisch isch

[h4xX0r]

de chläber uf de gameboxe isch im fall en altersempfehlig. empfehlig. für idiote wo ihrne chind games chaufed demits rueh gänd und sälber nüt demit wänd ztue ha isch das en ahaltspunkt. sicher nöd für eine wie mich, wo sis ganze läbe lang scho gamed, praktisch 24/7 mit de materie ztue hett und ständig debi isch, wenn sin junior zockt...

de chläber dütet uf inhält wo nach eusem Werte-Ethik-Massstab nöd für Chind g'eignet sind. Wenn de Kony bisch, chasch au mal bi lüüt-verschüss-simulation es aug zuedrucke.

[h4xX0r]

da chasch mal öppis lese, wenn nöd grad muesch ufpasse, wie din sohn virtuelle männli de chopf wegschüsst
http://dk.akis.at/entwicklungspsychologie.html" onclick="window.open(this.href);return false;

[Master(G)]

ui, jetzt muess ich verusse....

[Master(G)]

und ich bin nöd de kony. ich bin de eatler!

[h4xX0r]

de isch au guet:

mit dem isch de master g uufgwachse:

Quelle

mit dem wachst sin sohn uuf:

Quelle

SIND BEIDES VIDEOSPIEL, FOLGLICH GLIICH

[Master(G)]

min sohn hetts viel geiler

[Tatsujin]

ja dä isch etz nöd schächt gsi.

[evo]

dr master G isch KONY 2012

de isch guet gsi

[geosnow]

Mir gxehnds ja denn, wer er wird. Isch e gueti Feldstudie.

[Astroboy]

Heikels Thema. I schaffe ja mit Jugendleche, zwar nid direkt mit Bildigs- und Erziehigsuftrag, aber gliich mitm Bewusstii derfür. Es isch chly hohl, all die guete Sache, wo dr Mastler sim Sohn zwiifellos mitbringt, nid i d'Rächnig mitiizbezieh. Auerdings ischs när ou vo ihm relativ doof, wener mit simple Gägeargument quasi dKonfrontation mit gwaltverherrlichende interaktive Medie i so jungem Alter duet abtue. Bi üs uf dr Fachstell würd dr jede DRINGEND devo abrate, dis Chind scho so früeh mit derartige Inhalt vertrout zmache, da sech wie dr Häxxer seit, viles no ir Entwicklig befindet und gwüsse Sache so absolut falsch gspuuret chöi wärde. Ggf. isch das nüt, wome nid später cha dermit umga/korrigiere, whatever. Aber fahrlässig isches vo mir uus gseh scho.

D'Gratwanderig hie sch e schwierigi, wie so viles weme e gsunde Mittelweg wott versueche, schliesslech isch ds Gägeteil gnau so kontraproduktiv. Aber äbe: CoD und Co fürne 7jährige: NOPE. Scho nur us dr Überlegig use, dass d'Chance stigt, dass er siner KameradInne dür das viu früecher mit söttigne Sache i Kontakt bringt. Und ganz ehrlech: D'Gliichgüutigkeit, wo Teu Jugendlichi a Tag legge we's ums Konsumiere vo/Interagiere mit gwaltdarstellende Medie geit, schockiert mi immer wieder. Das finde ig aues angere als unterstützenswert.

No was: Es steit niemerem zue, ds urteile, ersch rächt nid, weme sech ke's Gsamtbild cha schaffe. Aber me muess nid säuber Chind ha, für chönne usemne pädagogische/psychologische/didaktische Standpunkt use zantworte.

[Master(G)]

ändlich en biiträg woni chan ärnscht näh. de astro isch äbe scho super!

Bi üs uf dr Fachstell würd dr jede DRINGEND devo abrate, dis Chind scho so früeh mit derartige Inhalt vertrout zmache

das glaub ich sofort!
du muesch gseh, min sohn spielt nöd viel. und wenn er spielt, nöd hauptsächlich egoshooter.
egoshooter spielt er gnau eine ab und zue. battlefield. suscht spielt er wie jede ander i sim alter lieber trials hd oder toy story 2 oder lego star wars...
ich weiss nöd was gwüsse lüüt da ine dänket, dass ich mim sohn egoshooter vorsetze und säge, du spielsch jetzt das!

da ich aber sehr viel und hauptsächlich egoshooter spiele, lahts sichs nöd verhindere, dass er demit i berüerig chunt und de isches i mine auge besser, ich erklärs ihm und lahne mal probiere, als dass ich säge: nei, das isch schlächt. will: warum machts de papi wenns schlächt isch?

dass es nöd geignet isch für ihn, weiss er au, dass han ich ihm ja erklärt. verstah tuet er das au...

ich gseh aber abgseh devo es battlefield nöd als gwaltverherrlichends spiel. es sprützt weder bluet no hetts flügendi körperteil. es isch eifach es tolls spiel für teamplay, womer zäme innere gruppe öppis erreicht. womer es rädli ime mechanismus isch. wie fuessball oder so...

[geosnow]

Räuber und poli.

[Master(G)]

genau! räuber und poli...

[Skeletor]

ähm? du verglichsch jetzt räuber und poli mit battlefield und cod?
ernsthaft?

[Master(G)]

nei, de geosnow vergliicht. und ich pflichte ihm zue. und nöd cod, sondern battlefield.
cod spielt niemert.

[Skeletor]

himmel.

[Master(G)]

https://www.google.ch/search?q=modernes ... =firefox-a" onclick="window.open(this.href);return false;

ich glaub das gseht die halb wält au so
nur du nöd.
du bisch en bünzli!

bünzli-schwiizer-nussli!

:bitchpls:

fehlt nur no, dass buchhalter oder sowas bisch...

[Skeletor]

kartoffel, du bisch würkli numme sautumm.