Chind

[Moff]

ich wär en phänomenale vater, mer leit aber sis ganze läbe id hände vode mueter als ma ide schwiz, drum wirdi garantiert nie welchi ha

[zwirrlibatz]

schnoluschtig dass das topic eine ufmacht wo no glaubs rächt glatti eltere hett.

[emP]

Lakritz, tu es!

[emP]

ich wär en phänomenale vater, mer leit aber sis ganze läbe id hände vode mueter als ma ide schwiz, drum wirdi garantiert nie welchi ha

Wie wärs mir dr suechi nach dr richtige Frau i dem Fall?

[Avenger]

Lakritz, tu es!

e unglaubliche fail wärs

[NERV]

schnoluschtig dass das topic eine ufmacht wo no glaubs rächt glatti eltere hett.

Mini Eletere sind tatsächlich sehr glatt, sehr tolerant und ich han en ganz wunderbari Chindheit gha. Aber jetzt lueg mal, was debi isch usecho! :typej:

[zwirrlibatz]

au no was: chind gäbed sowieso bi allem de eltere tschuld. undankbari bandi.

[Master(G)]

[PlanetHarrieR]

au no was: chind gäbed sowieso bi allem de eltere tschuld. undankbari bandi.

au no was: Foren-User gäbed chind sowieso bei allem die schuld, dass sie den eltern sowieso bei allem die tschuld geben. undankbari bandi. :g-ception:

[Tatsujin]

hahaha

[Acid]

Logisch gits Arschloch Elterä und au suscht Arschlöcher... aber das isch halt so.

lol, das isch also sehr eifach. es stimmt nid, dass me nüt cha mache, nur will me nid alles cha verhindere, das nennt sich trugschluss.

Das hani aber au nid gseit... ich glaub nur, dass es Arschloch no niä dur Zwang oder Stroff zu keim Arschloch wordä isch.
Defü hanis aber sälber scho chli erläbt, dass einä wo wiä s gröschtä Arschloch deher chund innerhalb vomene Sekundäbruchteil zum völlig dankbarä und begeisterete Typ wird, wemeren ebä scho wener im Arschloch Modus isch, so Behandlet wiä weners ebä nid wär. Für das muesmer aber ebä zerscht chönä Aktzeptiere, dasses Lüt git wo sich wiä Arschlöcher benähmäd, und das weder diä no mir sälber öpis direkts defür chan, und so ebä de Zyklus vo Beschuldigung, Aktion, Reaktion chan verhindere. Das chamer uf e persönlichi Ebeni beziä (wos wahrschindlich nid nur i de Vorstellig sondern sicher au i de Praxis eifacher zstand bringä isch), und au ufere Gsellschaftlichä.
Und will ich das glaub, halti ebä nid so viel devo anderi Mänschä veränderä z wellä... das müends scho sälber machä, mer channä nur behilflich si, oder es guets Bispiel abgeh.

vund ich rede sicher nid vo kastriere lol, ich gib dir recht dasses moralisch recht schwierigi frage sind (also für mich nid eso, aber allgemein will mir ja immerno inere gsellschaft lebet, wo ganz unbewusst total christlich prägti uffassige vertritt). anderersiits isch das fast alles uf stuufe prävention - es git ono information und intervention. primär wär's ja wünschenswert nid chind ds verhindere, sondern dass nid jede so eifach dervo chunnt mit liechtfertige entscheidige. mer chönnt absolut eltere vorher/nach dr geburt zu pflichtprogramm verdonnere - wer mir verzellt das isch wichtig bimne hund und nid bimne chind, het eis a dr waffle. gwüssi lüüt chöi das scho 'vo selber', anderi nid. schade tuets keinem. es isch ja denn o grad e aalaufstell.

Information isch nüt tumms... din Satz "ich bin total dergege dass jede darf chind ha." isch halt eifach echli drastischer. Ich verstand de so, dass du ebä de Meinig bisch, dass mer gwüssä Lüt söt Chind verbütä. Und denn ischs ebä, sälbscht wemer derä Meinig isch, d Frog wiämer das söll machä? Information und Prevention sind kei Antwort uf diä Frog, wills en andere Asatz händ. Und was meinsch mit intervention? Trotoz allnä Kürs etc. sind viel Lüt i de Lag eifach so es Chind zmachä, und wenns mol do isch, denn isches do. Do chamer denn no lang sägä si hettet nid sölä oder es sig e liechtfertigi Entscheidig gsie.
Unterstützigs Modell gits au scho hüt, echli meh wär vilicht ber nüt blöds (was aber au wieder meh Gäld choschtet (oder besseri, effektiveri Arbeit verlangt, das chamer aber hützutags ebä leider au nüm vorussetzä... lieber no en Zättel meh usfüllä).

und es isch wischi-waschi ds säge 'mer weiss nid was chind bruuchet' - mer weiss eigentlich sehr guet, was chind in punkto zuewendig, fürsorg oder sicherheit bruuchet. mer weiss vorallem o, was sie NID bruuchet. das programm lauft immer gliich ab. und mer chönnt sehr guet o vor dr iischuelig bitz meh hilfestellige ghä, wie zb. d'finne. jetz chnüpfsch das alles a d'chindergelder, und jede taucht uuf.

Liebi, Zit, Zuewendig, Fürsorg, Interessä... klar, das isch absolut essenziell für es Chind. Das sind aber nid Sachä womer imene Kurs chan lernä, oder staatlich Aordnä. D Liebi isch e persöndlichi Sach, Elterä wo ihri Chind nid liebed sind armi Siechä und chönd i de Regel nid viel defür. Und sälbscht wenn d Elterä gern viel Zit mit ihrnä Chind würed verbringä, sind halt nid alli i de Lag das au z machä, unter anderem z.B. wills ständig arbeitä müend. Au do simer wieder bi de Gsellschaftlichä Ebeni aglangt, und eigentlich binere System Ebeni.

... aber dass eltere ds recht hei zmache, was sie wei gseh ich komplett anders. chind sind kei bsitz und hei recht uf schutz oder iimischig. früener hets gsellschaftlich sehr viel meh so soziali kontrolle und iimischig ghä, will in grossfamilie und in engere kreis/dorf etc. ufgwachse bisch. da sind chind o nid nur de eltere usglieferet gsi. das isch üsi modern gsellschaft vo 4-zimmer wohnige wo seit, dass jede allei isch und für d'sozialisierig isch das eh naja. "it takes a village to raise a child". hier gib ich dir ganz recht mitem gsellschaftliche problem.

Öbs glaubsch oder nid, de Satz hani im letschtä Post zerscht au welä bringä
Ich behaupt überigens in keiner Art und Wis, das Eltärä s Rächt händ mit ihrnä Chind zmachä was si wänd, oder dass Chind bsitz sind. Es Chind isch es Freis Läbewäsä, vo dem Moment a wos uf d Wält chund. Aber mer chan das nid mit aller Konsequenz so betrachtä, will d Tatsach isch, dass mänschlichi Chind nid ohni witeri Betreuig überläbä chönd. Öber mues uf si luege, und mues nä hälfe, und das sind wenn immer möglich diä liblichä Elterä. Das hed au en guete Grund, will schlussendlich isch de Mänsch selisch wiä au physisch us denä liblichä elterä usä Entstandä. Natürlich gseh, bimene gsundä Zuästand, chans also niemer andersch besser, will niemert hed e stärcheri Bindig.

De Unterschied zwüsched em Dorf oder Grossfamiliä Modell und dem wo du do echli atönsch isch ebä ziemlich gravierend. S einti isch e staatlichi Sach, mit (miner Meinig no relativ gföhrlicher) vereinheitlichung, Normä und Reglä oder sogar Gsetz, Zwang, Strofadrohig und im Hintergrund, Bürokratie, Entscheidigsträger, Stritt um nüt und alles möglichä Negativi wo so öpis mitbringä chan (und ich glaub do chamer ebä grad i dem Bereich nid eifach es skandinavischs Modell uf üs legä, will diä sind i so macher Hinsicht no viel unkomplizierter, unlimitierter, flexibler und eifach weniger verbohrt unterwegs (im Moment no, leider händ det viel s Gfühl sie müesed irgendwelchi Reformä duräfüere zum das z änderä und diä bewundertswerti Kultur got teilwis au wieder es Stück wit verlorä). S Anderi isch e natürlich entstandeni soziali Gschicht, mit aller Kommunikation, allnä Facettä usw. (Sälbstverständlich gits au kei Garantie das do nid übels chan entstoh...(das spillt sich denn aber i chlinerem Rahmä ab)). Zudem finded i dem Rahmä optimalerwis au grad no e durmischig vo jeglichä Generationä statt, was nid nur de jüngschtä hilft, sondern au de ältischtä (uf das wird miner Meinig no hützutags au z wenig Wert gleit).

S Dorf oder s Grossfamilliä Modell chamer au nid erzwingä.

[chind]

wonni am nerv sim vater sini comicsammlig gseh han hanni gwüsst: shitt das isch en super vater.

@nerv, ich hoff du häsch nüt degäge, dassi das gschribe han. wänn ich die info über din vater lösche söll, chasch mer e pm schriibe mit folgendem wortluut (musch nur no copy & paste):

Titel: support@chind.ch

Inhalt: du verblödets arschloch, wänn no ei mal öppis über min vater schribsch polier ich a de nächscht GN dis wohlgformte gsicht ok?

ps: wänni dich wär würdi all sini comics läse, vo thorgal über yoko onno bis percy pickwick etc

[Sylvara]

@Acid

Mja du, ich glaub nid dass mir üs gross widerspreche. eis aber ganz wichtig: zyt =/ qualität. zyt wird oft als fuuli usred bruucht vo lüüt, wo sich entweder kei zyt nähmet oder us wenig zyt denn gliich nüt machet. es gaht primär um qualität, nid mengi. usserdem find ich eigentlich es ghört derzue, dass mer sich fragt ob mer zyt het für chind, bevor mer chind het (abgseh vo 'unfäll')...
mer chönnt no viel zu dem thema säge, aber ich lahn's jetz mal eso. ich han pädagogik studiert und vo dem her scho gnueg ufwärts und abwärts diskutiert. zudem gsehsch eifach sehr vieles anders (oder radikaler), wenn i dem bereich mal schaffsche tuesch. ds big picture isch zimli nüchtern.

[sidusson]

PS: De Meischter G schafts irgendwie trotz Hürat & Chind no meh Zyt zum zocke alls alli andere ds'ha. Es ischt gar en Wunder!

true story

[evo]

gits hie eigentlich no öpper wo dr papi diheim gsi isch und s mami isch go schaffe?
ich ha das so gha und s isch super gsi

[Skeletor]

gits hie eigentlich no öpper wo dr papi diheim gsi isch und s mami isch go schaffe?
ich ha das so gha und s isch super gsi

ich vermuete bim simon isch es au so.

[Master(G)]

schön wärs

[Tatsujin]

gits hie eigentlich no öpper wo dr papi diheim gsi isch und s mami isch go schaffe?
ich ha das so gha und s isch super gsi

ich vermuete bim simon isch es au so.

nei ischs infall nöd, es isch ja altbekannt i wellem metier sin papi schaffet.

[O_O]

gits hie eigentlich no öpper wo dr papi diheim gsi isch und s mami isch go schaffe?
ich ha das so gha und s isch super gsi

lol nei aber ich bin zu mim papi id schuel, das zellt so halb.

[O_O]

nei ischs infall nöd, es isch ja altbekannt i wellem metier sin papi schaffet.

s wird denn chli komisch bim bring your son to work day.

[Sylvara]

gits hie eigentlich no öpper wo dr papi diheim gsi isch und s mami isch go schaffe?
ich ha das so gha und s isch super gsi

ich han das o gha und es isch scheisse gsi.

[Master(G)]

PS: De Meischter G schafts irgendwie trotz Hürat & Chind no meh Zyt zum zocke alls alli andere ds'ha. Es ischt gar en Wunder!

true story

ich han für eu extra en stundeplan erstellt. demit ihr gsehnd, wieviel freiziit ihr doch eigentlich hättet.

ROT isch das was ihr müend.
GRÜEN isch freiziit.

ide freiziit chönder mache waser wänd.
isch rächt viel freiziit! findsch nöd?
aso ich chan mich locker um mini family kümmere (ja au im huushalt - mini frau schaffet und chunt erscht am 18.30 hei) und cha trotzdem immer no um die 20 Stund pro Wuche zocke.

noch fragen? de papi böhme hilft!

[NERV]

Ich bruch leider 8-9 Schlaf. Ich bin also brutal im Nachteil.

[PlanetHarrieR]

wonni am nerv sim vater sini comicsammlig gseh han hanni gwüsst: shitt das isch en super vater.

Comicfan als Vater = super! Hat man immer was zu lesen.

[PlanetHarrieR]

Ich bruch leider 8-9 Schlaf. Ich bin also brutal im Nachteil.

wahr. ich auch, bin langschläfer. ein kollege pennt jede nacht nur vier stunden oder so und zockt darum alles mögliche durch.