Ciao Carlo

[Herr Rossi]

RIP Buddy

Vilicht wett au no öper supporte, gueti sach, s Tshirt isch scho recht verwäsche...
http://www.budspencermovie.com" onclick="window.open(this.href);return false;

[Marco_in_motion]

Ich schnalls nümme, da heissts es seg nur es Twitter Grücht :

http://de.mediamass.net/stars/bud-spenc ... uchte.html" onclick="window.open(this.href);return false;

[randy]

schiimbar isch es sinere offizielle facebook page verkündet worde: https://www.facebook.com/budspenceroffi ... =3&theater" onclick="window.open(this.href);return false;


R.I.P., wieder eine vo minere kindheit vo uns gange

[The Sheep]

RIP

[Marco_in_motion]

anschiinend stimmts jetzt gliich ...ou Mann

[Overdose]

min schlimschte R.I.P. bisher.

meh blueme und Tamtam als bi de Diana sötts geh.

[Tatsujin]

ja isch en herte RIP au für mich

[turntablism]

Quelle

[resuscitation]

Lüüt.. er isch 86 worde und hät bestimmt äs tolls Läbe gha.. Irgend wänn müend mir all mal dä Löfel abgäh.. Die einte früehner, die andere spöter. Aber jedes Mal grad losflänne, wänn än Promi s'Ziitliche gsegnet hät, isch scho grad chli gäch.

[turntablism]

s`tätscht immer so geil wenn er im film eine abschlaht

[Tatsujin]

die filme sind unstärblich. es het vorher und nacher niemeh so was geh wie das, und wirds au genau niemeh geh.
usserds s universum wiederholt sich irgendeinische namal genau gliich.

[PlanetHarrieR]

Lüüt.. er isch 86 worde und hät bestimmt äs tolls Läbe gha.. Irgend wänn müend mir all mal dä Löfel abgäh.. Die einte früehner, die andere spöter. Aber jedes Mal grad losflänne, wänn än Promi s'Ziitliche gsegnet hät, isch scho grad chli gäch.

wahr. klar ist es traurig. aber gerade in seinem fall doch auch cool, was er aus seinem leben gemacht hat.

[Tatsujin]

Lüüt.. er isch 86 worde und hät bestimmt äs tolls Läbe gha.. Irgend wänn müend mir all mal dä Löfel abgäh.. Die einte früehner, die andere spöter. Aber jedes Mal grad losflänne, wänn än Promi s'Ziitliche gsegnet hät, isch scho grad chli gäch.

wahr. klar ist es traurig. aber gerade in seinem fall doch auch cool, was er aus seinem leben gemacht hat.

abslout. trotzdem ischs halt eher truurig si als juppiduppi ändlich isch er weg.

[Master(G)]

es härts jahr, viel gueti sind gange scho............ a settigem gsehsch wie alt mir sind, au wemmer eus gar ned so fühlet...

[Marco_in_motion]

Lüüt.. er isch 86 worde und hät bestimmt äs tolls Läbe gha.. Irgend wänn müend mir all mal dä Löfel abgäh.. Die einte früehner, die andere spöter. Aber jedes Mal grad losflänne, wänn än Promi s'Ziitliche gsegnet hät, isch scho grad chli gäch.

Es gaht halt drum a Lüüt z'dänke wo grosses gschaffe händ und das echli z'würdige.
Es churzes Bsp. : Diä Film hämmer immer mit de ganze Familie glueget woni chlii gsi bin, es hät niä puff gäh, mer händ vill glachet und das isch für mich e schöni Erinnerig.

Darum isches für mich truurig das e zentrali Figur us däne Erinnerige gstorbe isch.

Mir sind nöd irgendwelchi promisensationstrottle und flänne tuet da au niemmert, es isch truur und würdigung ...also bliib easy.

[resuscitation]

Lüüt.. er isch 86 worde und hät bestimmt äs tolls Läbe gha.. Irgend wänn müend mir all mal dä Löfel abgäh.. Die einte früehner, die andere spöter. Aber jedes Mal grad losflänne, wänn än Promi s'Ziitliche gsegnet hät, isch scho grad chli gäch.

Es gaht halt drum a Lüüt z'dänke wo grosses gschaffe händ und das echli z'würdige.
Es churzes Bsp. : Diä Film hämmer immer mit de ganze Familie glueget woni chlii gsi bin, es hät niä puff gäh, mer händ vill glachet und das isch für mich e schöni Erinnerig.

Darum isches für mich truurig das e zentrali Figur us däne Erinnerige gstorbe isch.

Mir sind nöd irgendwelchi promisensationstrottle und flänne tuet da au niemmert, es isch truur und würdigung ...also bliib easy.

Ich bliibe easy, findes aber trotzdem lächerlich. Wänn dä Typ näbedrah stirbt, dänn interessiert das nur ganz wenig. Er chünt aber genau so viel guets gmacht ha, genau so viel bewegt ha.. er isch eifach nöd im Rampeliecht gstande. M würd nöd mal realisiere, das er nüm da isch.

[Marco_in_motion]

solang er i niemmertem öppis uusglöst hät dämit, erinneret sich au niemmert a ihn.
Und ich finds näbedbii rächt fräch dases als "lächerlich" bezeichnisch wänn mer um öpper truured. Es gaht hine und vorne nöd um s'Rampeliecht, sondern um erinnerige.

[Tatsujin]

WORT!! ^^

[resuscitation]

solang er i niemmertem öppis uusglöst hät dämit, erinneret sich au niemmert a ihn.

Falsch.. es erinneret sich nöd so viel a dä Mänsch vo näbe drah, well er nöd im Rampelicht gstande isch.. darum 'truuret' au nöd so viel um ihn.. Wobii 'truure' für öpper, wo mr nur vo dä Liinwand kännt und nöd sini Person oder Persönlichkeit, find ich ebe scho nöd so würklich normal. Das mr's beduuret, kei neui Film meh mit ihm z'gseh, das würd mr ja no iilüüchte aber er hät d'Schauspielerei scho lang an Nagel ghänkt und hät sich usem öffentliche Läbe zrugg zoge.

Und ich finds näbedbii rächt fräch dases als "lächerlich" bezeichnisch wänn mer um öpper truured.

Also da lahn ich mir jetzt kei graui Haare wachse. Gäges Truure an sich säg ich übrigens au gar nüt. Ich findes eifach lächerlich, das mr um öpper truuret, wo mr sälber gar nöd persönlich sondern nur usem öffentliche Läbe kännt. Abgseh dävo nomal.. er isch 86i worde! Freuet Eu lieber, das er Eus mit damals no coole Film erfreut hät (hüt würd ich sie eh nüm luege) und mr vieli luschtigi Stunde verbracht händ.

Es gaht hine und vorne nöd um s'Rampeliecht, sondern um erinnerige.

Was jetzt? Truure oder erinnere?

[feeshlee]

er hät mini chindheit prägt.
han tatsächlich es tränli vertruggt. bud forever.

[Marco_in_motion]

hey nei :typej:

[Herr Rossi]

Resuscitation, ich weiss was du meinsch und ich ha fascht immer die gliche Gedanke bi so Topics. Das isch für mich e Usnahm will ich ihn vor 2 Jahr persönlich ha dörfe kennelehre im Rahme vom budspencermovie.com Projekt.
Näb de Erinnerige und Emotione wo d Filme mit ihm i mir usglöst hend (unds immer no mached) isch die Begägnig no öpis wo für immer blibt.

https://youtu.be/GgoolZ-Mo48" onclick="window.open(this.href);return false;

[feeshlee]

nägschmal wirdi wieder es tränli vertrugge, wänn dä terence hill gaht.

[Tatsujin]

nägschmal wirdi wieder es tränli vertrugge, wänn dä terence hill gaht.

schoso. er isch au na en super schauspieler, nebedbi.

[geosnow]

träne hani kei und würklich super hani diä film niä gfunde. no iisi, aber is kino bini weg vier fäuste gegen rio nöd. da bini lieber ghostbusters oder star wars go luege.

aber de carlo isch mer sehr sympathisch gxi.