Super Console X Mini PC

[mr.raw]

Es wird immer wie besser.

Für knapp 400$ gitts en Mini PC wo chliiner als en Zauberwürfel isch mit Windows 11 druffe,2TB Feschtplatte, es guets Wired Pad und praktisch allne Retro Konsolene bis zum Cube mit über 63'000 vorinstallierte Games. s Grätli khasch au als PC für Steam bruche oder zum Netflixe etc etc...

Beiidruckt bini ab de GameCube Games wo erschtens alli Installiert sinn und me die mit ere höhere Ufflösig dank em Dolphin Emulator (dorum au no es paar WII Games) kha abspiele.
Dreamcast, Naomi, Atomiswave Games gönd au alli. Sogar Saturn Games kha me druff abspiele. PSP inkl God of War mit ere 3x ufflösig.
Ebefalls N64 Gamus laufe ufeskalliert druff.
PS2 hend leider abgfuulet.
Hesch also chli Gäld uff dr Sitte und wottsch vo dr Couch uss mit wenige Klicks dini alti Zitt uff eme Moderne Screen zrugg hole... gueti Wahl.
Die HD mit allne Games wo bi dem Set debii isch, könnt me au für ca 110$ separat kaufe und loht sich an Jede PC aaschliesse.


Quelle


official Page:
https://www.superconsole-x.com/

Bi Aliexpress:
https://de.aliexpress.com/item/1005002847378273.html

Amazon:
https://www.amazon.com/gp/product/B097PBT7QL

Was meinsch du dezue?


No Pics dezue:

[LuiStyle]

Isch zwar richtig geil, aber ebe dä Priis
Denn chaufi lieber ä Xbox Series S und die denn mode.

Klar für Lüüt wo das für es Cab wend bruche sicher sehr geil. Wobie au det häsch platzt für es grössers Grät.

[sirarthur]

isch nöd schlecht, aber chli schad hätts kei dezidierte Grafikcharte dinne, dännt chönnt mer au PS2 Games und Arcade Loader (Taito Type X etc. und Teknoparrot) druf tue. De Nvidia Shield chan fasch sgliche und isch viel günstiger...

[mr.raw]

Naja, ich ha ehrlich gseit mini Problem Cube Games uff em Shield zum laufe zbringe. Wahrschiinlich mach i öppis falsches, kei ahnig.
Und N64 Games laufe fascht nid uff de Shield.

[sirarthur]

Sali, ok Cube isch ufem Shield scho chli a de Gränze, es chunnt chli ufd Dolphin Version ah und es gönd sicher nöd all Games. N64 lauft bi mir aber super, sogar mit so HD Texture Mods für Super Mario oder OoT, da stimmt wahrschinli öppis i dini Istellige nöd.

Ich würds au besser finde, wänn de Shield no chli schnäller wär. Aber so en MiniPC ohni richtigi GraKa stosst ebe bi de Emulation von PS2 etc. au sehr schnell ad Gränze. Ich han sonen Asus ROG GR8, de isch au rächt chli und hätt Nvidia GraKa, aber au de hätt bi PS2 bi höchere Uflösige müh.
En Shield 2 wär no guet...