NFTs in AAA Games...

[Master(G)]

....ich weiss de ned, ich weiss de ned. ich verstah das ganze überhaupt ned. handel mit digitale ware? fuck, das isch zwiit ewäg vo minere realität...

https://www.thegnet.org/post/ubisoft-st ... mit-quartz

aber bitcoins sind das damals au gsi für mich.

[thaeye]

jede macht was mit nfts

[LuiStyle]

Nöd würkli super und das muess sich erst no duresetzte!

[Mr. Heli]

gseh null mehrwert. aber anschinend sind d lüüt blöd gnueg. im tv letzti über eine gseh, wo en digitale nike schueh bsitzt. sind ihm scho beträgt um mehreri tuusig franke (glaubs sogar bis 30k) defür bote worde. für en schueh, wos nume digital git. guet immerhin chan er so nöd dreckig werde

söll sich doch bitte eine bi mir melde, sobalds e digitali frau git, wo real für mich choche chan und bier bringt. vorher hani ka interesse an nft.

[Master(G)]

muesch luege, glii sind games NFTs. digital only wird ja eh cho früener oder später.
mit games als nfts chönds di träckä, z.b. ob es original hesch und wemms ghört und denn chönd mir handkehrum die dinger au digital wiiterverchaufe. für sowas würds no sinn mache... glaub....

[Mr. Heli]

und denn chönd mir handkehrum die dinger au digital wiiterverchaufe.

unter dene umständ mached digitali chäuf natürlich sinn. mometan machts das nume für games in aktion, muesch also warte zum zocke. susch chaufsch gschiider physisch und verchaufsch es wieder. wenn es neus game für 70 chaufsch und für 30 wiiterverchaufe chasch, chosted dich s spiel 40 stutz. wenns digital aktion chaufsch für 10 stutz und när de regulär pries wieder uf 40 ufegaht, chaschs für 20 verchaufe und machsch 10 stutz gwünn

wobi ich glaube ja nid, dass d industrie wird zuelah, dass mir chönd digitali games wiiterverchaufe. bi individualisierte skins usw. als nft chöndsch es no eher mache, und när mit kommission schaffe. so verdient de entwickler wieder mit.

[Master(G)]

ich bi grad voll am recherchiere für mini nächscht (G)story zum thema NFTs

zum chotze was da alles vürechunt...

[thaeye]

es git analyste die redet devoo das s metaverse (und nfts wird en grosse teil devooo werde zumindest im copyrightbereich) wie quasi en doppleti welt wird und die monetär wertschöpfig dur virtuelli güeter mal fast a normali gueter ane wird choh.

vo dem her.

[Buccaneer]

De beltrachi vertikt sini bilder au als nft

[Master(G)]

es isch de afang vom untergang. sorry.

ned mit mir...

schriebe jetzt min anti-nft bricht. isch morn online.

[Buccaneer]

es isch de afang vom untergang. sorry.

ned mit mir...

schriebe jetzt min anti-nft bricht. isch morn online.

Ok Ribit, wie du meinst

[feeshlee]

ich chan mir vorstelle, dass so züg imene mmo unglaublichs potenzial hät. lüt würded so ziemli jedi summe zahle für e waffe / rüschtig / mount etc... wänns dänn no irgendwelche unique loot vode beschte teams isch...

[feeshlee]

und wänn dänksch, was für summe für es sältenes game / konsole oder was au immer was, wo ide auge vode meischte völlig wertlos isch, zahlt wärded..
wänn baseball-charte für tuusigi gaht, dänn sicher au es seltenes item. vorallem dänn, wänns nöd nur i eim game oder einer plattform nutze chasch.

[Master(G)]

im fifa werdet regelmässig accounts ghackt zum die tüüre spiele und fifa coins abzieh... im cs go gitts apps vo drittabüter vo mit em handel vo rare skins tuusigi mensche über de tisch ziehnd... etc. etc.

ich han soviel gläse jetzt. es isch en graus!
und jetzt chunt en grosse videogame hersteller und heisst das alles quasi no guet. will selber abzocke...

sowas sött mer eifach ned unterstütze!

[Buccaneer]

NFTs in Games = die neue Loot Boxe und mer chan sie no Handle.

Ich will es geil Schwärt, du verticksch mir das für 5.- und Ubisoft nimmt en chlini Gebühr ih, als Transaktionsplatform... lol so läufts jetzt! Und das Schwert hesch du usere Loot Box wo wahrschindli au kauft hesch. Geil!

[Master(G)]

et voilà:

https://www.thegnet.org/post/g-story-nf ... -untergang

cheers!

[feeshlee]

gsehni au so. aber wänns jemals en standard wird geh, wo in verschiede games und netzwerk akzeptiert isch, dänn werded so gschichte, wie wow gold-farme in china chindergeburtstag degäge usgseh.
dänn wirds wiiter gah, als im rädy player one, ahdänkt isch. us eim einzige grund: es git gnue lüüt, wo gäld defür aneschmeissed.