Blasphemous 2

[Vyse]

Quelle

[Jones]

ouh geil da chöme SOTN vibes uf!

[thaeye]

s 1 isch super gsi. das sicher au widr.

[Jones]

muess mir gloub mau teil 1 zieh. völlig a mir verbi...
wie viu stunde "muesch" da investiere?

[Vyse]

Dä erst Teil findi sooo guet, mega atmosphärisch, super Grafikstil und musikalisch überragend. Es vo dä beste 2D Games, woni siit Jahre gspiellt han.
Stundemässig weissi imfall au nümm, aber wür meine, sisch so es mittellangs Spiel. Wänn alles holle möchtsch, häsch sicher 20h.

[Jones]

Dä erst Teil findi sooo guet, mega atmosphärisch, super Grafikstil und musikalisch überragend. Es vo dä beste 2D Games, woni siit Jahre gspiellt han.

okay... approved by vyse! muessi definitiv dri luege!

[thaeye]

lueg demfall au dead cells aaa, eigentlich sehr ähnlich (metroidvania) und spielerisch top.

isch ejtzt grad soen "castlevania" inspirierte dlc usechoh.

[Vyse]

Glaube, die gsamt Mythologie und atmosphäre isch das, wo mi in Bann zogge hät, objektiv (Gameplay, Story, usw.) gits bestimmt bessers, das isch eifach grad voll miin Fall.

[Vyse]

lueg demfall au dead cells aaa, eigentlich sehr ähnlich (metroidvania) und spielerisch top.

isch ejtzt grad soen "castlevania" inspirierte dlc usechoh.

Das gseht au mega hübsch uus, nöd kännt.
Ich bin rächt hyped uuf das:


Quelle

[Jones]

lueg demfall au dead cells aaa, eigentlich sehr ähnlich (metroidvania) und spielerisch top.

isch ejtzt grad soen "castlevania" inspirierte dlc usechoh.

hani o nid kennt...
danke füre tipp!

[Jones]

lueg demfall au dead cells aaa, eigentlich sehr ähnlich (metroidvania) und spielerisch top.

isch ejtzt grad soen "castlevania" inspirierte dlc usechoh.

hamers zoge mitem DLC...
passt mer ächt no guet!
chli speziell mitem früsch afah wenn stirbsch...

[grappagott]

will s DC rouge like isch...

[thaeye]

jo isch rogue like

[LuiStyle]

s 1 isch super gsi. das sicher au widr.

Voll!!!

[LuiStyle]

So han bstellt und freumi mega druff

[Vyse]

Sowas vo!!! Ändi August. Ich liebs und die Musig

[LuiStyle]

Mis isch gester verschickt worde, genau richtig zum Ferie beende

[Master(G)]

euses Review isch live, hani no welle säge (isch scho paar Täg her):
https://www.thegnet.org/post/the-g-net- ... sphemous-2

[Jones]

muessi mir zieh...

edit: guete move gsi! knappi stund zockt! genau mis ding!

[Vyse]

Ha jetzt zwei, drüü Stund gamed. Hmm, miin erst Iidruck: es würkt weniger guet als dä erst Teil. Was mier uuf Ahieb uufgfalle isch:
- Neus Gägnerdesign (bis jetzt) würkt viel schlächter und iifallsloser.
- dHindergründ würked uuffällig liebloser und detailarmer
- sGameplay würkt weniger "wuchtig" und brutal bim Schletze und Ummehacke defür technischer, irgendöppis stimmt mit dä Animatione vom Hauptcharakter nöd, sie würked harmloser, schwer z erchläre. Bim erste Teil schletzisch id Gägner und häsch sGfühl "Fuck, dä hät e blindi Wuet und entschiedeheit in sich, alles uusenandznäh) und im zweite da würkts irgendwie, ebbe, weniger wuchtig.
- Gore schiint mier bis jetzt au bitz reduzierter
- dSprächer, also dAudiouufnahme findi total unnötig, au wänn guet gmacht, sie sind für de Uufbau vo dä Atmosphäre hinderlich.

Aber spielles natürli wiiterhin mega gärn, ich lieb die IP, die Mythologie, wos uufbaue händ, dSage zu dä Objäkt usw.

[Vyse]

Weiss öpper grad, wie me die Holzfigure chann uuswächsle (Gunst des Mirakels)?
Ich han zwei Plätz (eine isch beleiht) und mehreri Holzfigure aber chann im leere Platz keini ablegge. Bug?

[Vyse]

Ok, chasch offebar nur bim Holzbildhauer mache.

[Vyse]

Ich han grad wieder mega Freud am Game, dSchwierigkeit vo dä Ändgägner isch perfäkt, grad ah dä Gränze und me merkt immer, wänn me sälber en Fähler gmacht hät, schwierig aber nöd unfair. Obs jetzt die drüü Waffe würkli bruucht hät? Stört mi nöd finds aber au nöd mega beriichernd, dMusig isch sowiit wieder sehr guet aber bin no zwenig wiit, zum mier chönne en umfassende Iidruck mache.

[thaeye]

musig isch eifach nur geil. art style isch super.

[Vyse]

Zweit Phase vom Ändgägner isch en Sohn vomene liederliche Strassemeitli und söll von dannen zieh und sichs sälber mache. Fuck isch dä schwer, ich glaube, mier fählt no en Attacke, mit däre er bitz eifacher zum besiege wär. Aber suscht mega guets Game, jez woni 99% vo dä Map gseh han.
Mini ahfänglichi Kritik isch nümm so gültig, ich bruuch glaub eifach immer am Ahfang öppis zum jammere (dSprachuusgab findi mittlerwiile super und weniger detailierte Hindergründ stimmed nur i dä ahfängliche paar Abschnitt, anderi Umgäbige sind mega schön gmacht).

sProblem isch halt, es hinderlaht leider nümm dä Iidruck, wome hät, wänn mes zum erste Mal spielt aber das isch nöd sProblem vom Game sondern eifach dVertrautheit mit dem Game uus em erste Teil.