Final Fantasy Rebirth [PS5]

[Mr. Heli]

gester 2h gspielt. optisch wie erwartet sehr schön. mit de kämpf bini no chli überforderet, drucke eifach wild ufd taste und irgendwie passiert öpis, isch glaubs aber nöd so adenkt

schad gits am afang nid nomal schnell en rückblick über di bisherige ereignis. ha d story nüme so im chopf gha. defür baut d story jez grad vo afang a spannig ufl

[Jones]

hami scho gwunderet, warums zu däm hammer game kes topic git...

betr. rückblick:
chasch ja ufem startbildschirm ufe rückblick klicke denn wird dir alles schön i erinnerig gruefe...

i find's bis itz dr hammer!
hamer extra für das game e ps5 chouft!

muess aber säge, dassi im "grafik modus" gar nid z'schlag chume mit dene 30fps. vorallem bi kameraschwenks isch das ja nid zum ushalte. bi gloub verwöhnt vo jahrelangem PC game...

ha drum uf "performance" gstellt. 60fps si für sones game usreichend o wenni ufem PC schneller gwohnt bi aber das si ja o oft "schnelleri" games..

i cha mitem minus a qualität uf jede fau besser läbe als mit 30fps geruckel...

wärs allerdings vo afang a ufem PC cho, wärs e easy call gsi für mi...

[Master(G)]

euses review isch in bearbeitig. mir händ de key wieder mal sehr spaht becho...

[Jones]

euses review isch in bearbeitig. mir händ de key wieder mal sehr spaht becho...

ke stress!
isch meh drum gange, dass es nid im forum vorher besproche worde isch...

[Mr. Heli]

betr. rückblick:
chasch ja ufem startbildschirm ufe rückblick klicke denn wird dir alles schön i erinnerig gruefe...

merci, hetti nie gmerkt

[Mr. Heli]

han bim erste boss scho müehse uf easy wechsle und han denn no müeh gha. has spielprinzip glaubs nonid kapiert

[Mr. Heli]

jez im kapitel 7. mittlerwile chumi mitem kampfsystem besser z recht. wichtig ständig charakter wechsle, zum dene ihri waffene uflevle. wenn si uf max. isch und meh d waffefertigkeite glernt het, gits im usrüstigsmenu en gelbe hake. denn waffe wechsle.

kamera hani ufs 3 apasst (am wiitiste weg). isch für mich au denn no z nah. meh gseht dadurch leider zwenig vode landschaft.

[sidusson]

ja es isch wie immer sehr guet gmacht, aber performance mode gseht übels us zum teil... ds game wär wunderschön mitere prachts oberwelt voller details, aber aues gseht wüest us i performance defür isch ds fightsystem sehr ähnlich wie im vorgänger, sehr actionlastig u muesch viu umeswitche bide charaktere. aber dsparchusgab u handlig widr sehr uf 12 jährigi schuelmeitli japaner usgleit uuuh si hetmer dhang gäh, i came!

[Jones]

Siddel.. spiusch du dämfau ärnsthaft um 30fps ruckelzuckel mode?
Krass wie d'wahrnähmig verschiede isch...

Edit..

Ungünstigi wortwahl...
Nid es ruckle aber wenn Kamera schwenksch, wird's dir ja fasch schlächt...

[Mr. Heli]

ich weiss nöd was ihr händ, gseht doch guet us im performance mode

[sidusson]

Performance isch eher 40-60. defür würster

[Jones]

Performance isch eher 40-60. defür würster

also die test-videos woni gseh ha, zeige ziemlech konstant 60fps a... ab und zu geits 3-5 fps abe...

[Jones]

35h
Corel region...
Chline zwüschestand... Nimmes gemütlich...

Für mi wahrschinlech z'beschte game sit jahre...

[Mr. Heli]

bin im kapitel 12. han jez au pausiert zum mal chli nebedstories etc. zmache. wieder zrugg uf die erst charte. lohnt sich das überhaupt zum mache oder isches überall glich langwielig? d maps sind zudem riesig, erst jez bim explore gmerkt (und ja ich reise mit schokobons).

da ichs original nie gspielt han weiss ich überhaupt nöd, was jez alles so neu isch und was es scho geh het. chan mir aber guet vorstelle, wieso dass es sinerziit guet acho isch.

jez ca. 28h.

[thaeye]

es phantastischs spiel, sehr geil

[Mr. Heli]

nach 40h dure und han jez au gnueg. irgendwie hets de reiz mit de ziit verlore. am afang super packende start. irgendwenn häts mich aber nüme glich packt. sidequests hani fast kei gmacht, d türm, d quellene etc. isch eifach nume langwielig. denn muesch no de tubel alose wo ständig "cloud, cloud" rüeft.

[Jones]

Ja es isch nid ganz vor hand z'wiise mit dr repetition vo de sidequests.. aber das isch irgendwie i jedem open world rpg ählech findi...

Mi packts aber trotzdem immer no und dr FF7 fan bonus bliebt halt...

Itz in gongaga nach 59h...
Ha also praktisch alles gmacht...

[thaeye]

waen chame widr fasttravel i die "alte" gebiet? ab waen ca story?

[Jones]

Chunnt druf a ab welem ungerbruch.. fasttravel isch paarmal on/off...

[sidusson]

bi jetz ou bi 40h u im cosmo canyon. es widerholtsech scho extrem was sidequests abelangt... scho fasch ubisoft level...leider, schüsch wärs würklech next level gsi. es fägt extrem, aber langsam hanis de ou mau gseh

[thaeye]

Chunnt druf a ab welem ungerbruch.. fasttravel isch paarmal on/off...

bin kapitel 4 und ich han immer na nöd zrugg is erste gebiet chöne.

[Mr. Heli]

waen chame widr fasttravel i die "alte" gebiet? ab waen ca story?

ich glaube nach em cosmo canyon, also ufde charte links meh oder weniger alles ufdeckt isch.

[alperen]

A die lüt wo das game fertig spielt händ.

Isch das game voller mini games wo pflicht sind?
Ha nämli kei bock uf so züüg

[Mr. Heli]

A die lüt wo das game fertig spielt händ.

Isch das game voller mini games wo pflicht sind?
Ha nämli kei bock uf so züüg

am afang ischs mir au so vor cho. isch vorallem im gold saucer so und ufem schiff, wobi bi letzterem d kämpf glaubs optional sind. es wird mit de ziit besser, mich hets ebe au gnervt.

[evo]

Würdeder sage es isch eher es spieli vo jrpg lovers für jrpg lovers oder eher es spieli vo gäldgierige schwein für die breit masse?