s' unatürlichi sache topic

[Samurai 01]

http://www.youtube.com/watch?v=B-8bVEIV ... re=related

http://www.youtube.com/watch?v=j-61FdeO ... re=related

was meinsch gits so zügs wie aliens oder gigante.

[evo]

was meinsch gits so zügs wie aliens oder gigante.

aliens nit. gigante ja

[Samurai 01]

huere interessant

http://www.youtube.com/watch?v=1P42j9Xl ... re=related

[Samurai 01]

http://www.youtube.com/watch?v=udrNXiZi ... re=related

[Acid]

En guete (glaub 4 Teiligä) Film isch au "Crazy Rulers of the World" vom Jon Ronson... isch de wo s Buech "The Man who stare at goats" gschribä hed uf welem denn au de glichnamig Film vo letschti basiert... und unter anderem um das gots au im Crazy Rulers of the World... um en Einheit vo de US Army wo im Supernatural Bereich forscht, brobieret dur Wänd zlaufä usw. no amüsant. Weiss aber nid womer de chönti luege ohni abäladä... chamer glaub nid mol chaufä.

Und au suscht gits natürlich tonnä vo Film über serig Themä... han es zitli au jenschcti gluegt im Moment falledmer aber nid grad nämä vo bsunders guätä i...


Was Gigantä abelangt, so sind doch grad vor churzem so Bilder umägeistärät, bi denä isch denn aber relativ schnäll klar gsi dassi gphotoshöplet gsie sind (sind glaub au paar obä im Video vo denä, bin aber nid ganz sicher).
De Doku wo postet hesch hani jetzt nonig gluegt, aber ich zwiflä es bitz am Gigantätum (wenn demit nid eifach speziell grossi Mänschä gmeint sind). Zumindescht nid i dä Form vomenä Mänsch wiä hüt und eifach mol Faktor X...

[Tatsujin]

ich han scho mal..































...en UFO gseh.

[Vyse]

Ich ebbe au scho.
Trotzdem gits kei Ufos usserirdische Härkunft i euse Umgäbig und Riese häts natürli au nöd gäh.
So Bilder vo Riiseskelett chamme relativ eifach photoshöple.

[Tatsujin]

Ich ebbe au scho.
Trotzdem gits kei Ufos usserirdische Härkunft i euse Umgäbig

Beweise es

[Vyse]

Da fallt mier ii, dass no eine es Wältruumtopic sött uufmache, mag jez nümm.
:edit: Ah, isch ch scho

Bewiise channis nöd, aber dVernunft spricht dagäge.
Wämme sich chli mit dä Dischtanze im Wältruum hät versuecht uusenanddsetze,
wird eim schnäll bewusst, wie üsserscht gring dWahrschiinlichkeit vo uusderirdischem Bsuech wird.

Uuschlüsse channis nöd, ähnlich wieni nöd vollkomme uuschlüsse chann, dass es dMegan Fox mit mier
im Bett mal so richtig tschäddere laht, aber die gring Möglichkeit sötti besser nöd in e Überzüügig verwandle.

[MrHinkelschwein]

D Riise Bilder sind Fakes...di meischte devo chamer sogar mitere Google Bildersuechi widerlegge. Es zimlich bekannts Bild isch z.B. das da:


Allerdings gset das nebet em folgende nüm ganz so echt us:


Das heisst jedoch nid zwingend, dases uf üsem Planet nie Riise gä het. Fasch ali alte Schriffte berichted devo...insofern chamers nid komplett ignoriere. Mir isch allerdings kein einzige echte Fund bekannt...Cropfm het ersch grad letschti e Sendig drüber gmacht: http://cropfm.at/past_shows.htm?showid=dona2 Nöd immer ganz glaubwürdig aber interessant.



Aliens, klar gits...zumindescht gits definitiv me usserirdischs als irdischs. I üsere Galaxie (Milchstrass) hets ca. 200 Milliarde Sterne. Demit chamer tolli statistischi Spilereie mache...gömer mal devo us, dass...

...jede 10. Stern Planete het = 20'000'000'000
I jedem 10. Planetesystem hets 1 Planet wo weder z heiss na z chalt isch = 2'000'000'000
Jede 10. devo het d Vorussetzige für primitivs Lebe = 200'000'000
Uf jedem 10. devo bildet sich tatsächlich primitivs Lebe = 20'000'000
Jedi 10. devo het sich witerentwicklet = 2'000'000

Das isch selbstverständlich sehr ungenau und nichtssagend...aber dennoch, wemmer bedenkt, dases im Universum vo Galaxie nur so wimmlet wird glaubs klar wie hoch d wahrschinlichkeit isch das mir di einzige sind. Wär sich die Zahle nid so recht chan vorstelle chan sich ja mal de de Sternehimmel im Google Earth aluege. Eifach chli inezoome und denn scrolle...di meischte Pünkt womer denn gset sind Galaxie und kei Sterne...d Milchstrass isch übrigens eini vo de chlinere Galaxie...

[Vyse]

Ich han nie behauptet, es gäb keis Läbe uuf anderne Planete, aber dVoruusetzig defür, dass uuf eme Planet Làbe enstah chann, isch duur etlichi Faktore bestimmt.

Ich beruef mich uuf de Lesch, aber wasr seit macht sehr vill Sinn.
Es langed erschtens nöd, dass es eifach e Sunne und Planete git, sondern dSunne dörf kei zu härti Strahlig ha, will suscht ja permanänt dMolekülbildige würed zerschmätteret werde. E Sunne dörf nöd zgross si, will suscht ihri Läbensziit zchli wär und Läbe gar kei Ziit hät, sich wiit zentwickle, usw. (es git no sehr vill Bedingige, was en Stern vomne Planetesyschtem muen erfülle, abgseh devo, dass die meischte Sunnesyschtem, Doppelsternsyschtem sind, was au nöd guet isch).

Abgseh vo dä Sunne ischs wiiter völlig begriiflich, dass es en enorme Glücksfall isch, dass es vor dä Erde no etlichi, enorm masseriichi Planete git, wo allfälligi Komete uuf sich sälber ablänked. Under ständige Kometeiischläge chann sich au kei Läbe entwickle.
Dä Planet sälber muen au wiederum ettlichi Bedingige erfülle, z.B. gnueg Masse ha, demit dAtmosphäre nöd verschwindet, wohl sicher irgend es Magnetfäld, als Schutzschild vo kosmische Strahlig usw.
Wämme bedänkt, dass villicht hunderti vo essentielle Bedingige innerhalb eusem Sunnesyschtem zämmecho sind.

Ich glaubE nöd, dass es im Universum nur so vo Läbe wimmled, aber scho, dass irgendwo vereinzled sicher no was ummehät.

[MrHinkelschwein]

Wämme sich chli mit dä Dischtanze im Wältruum hät versuecht uusenanddsetze,
wird eim schnäll bewusst, wie üsserscht gring dWahrschiinlichkeit vo uusderirdischem Bsuech wird.

Ach was...di einzig Grenze isch de menschlich Horizont. Üsi Spezies het irgendwie es Problem mit hohe Zahle...au das chömer ja mal dure rechne...

Nemedmer als Usgangspunkt mal e primitivi Technologie wo 2% vo de Liechtgschwindigkeit erreicht. Bi dere Gschwindigkeit chämt mer i nur 500 Jahr 10 Liechtjahr wiit. Das seti lange um es anders Sunnesystem z erreiche. Tja und da wäredmer au scho bim menschliche Horizont. 500 Jahr, das überlebt ja keine. Logischerwiis wär da d Red vomene Generationeruumschiff. Ufem Ruumschiff wird glebt, gstorbe und ersch ca. di 30. Generation wird am Zielort acho. So...und was macheds wenns achömed? Si baued es nois Ruumschiff. Gebedmer für das mal ca. 500 Jahr. Nach dene 500 Jahr hend si also 2 Ruumschiff und die beide started widerum i unterschidlichi Richtige. So chunt es Schneeballsystem in Gang. Wemer das jetzt so witer rechnet, also 500 Jahr Reiseziit + 500 Jahr für de Ufenhalt denn hetedmer in nur 10 Millione Jahr di ganz Michstrass besidlet.

Jetzt chunt natürlich wider de menschlich Horizont wo seit "Ja aber 10 Millione Jahr...WTF? Isch ja bescheuert". Nei, isches nöd! Üsi Milchstrass isch ja 10 Milliarde Jahr alt. Mir brüchted also grad mal en tusigschtel devo um di ganz Galaxie z besidle.

Und ebe, mir reded da na vo Mensche. Mer chent das ja au mal mit Ameise uf de Erde vergliche. Di wievilt Generation vo de Ameise isch echt als erschts am andere Endi vom Kontinent acho? Tja, mer chans nöd zele aber mittlerwile bevölkereds de ganz Planet. Gmesse i de Lebensduur vonere Ameise sind das enormi Zahle. Jetzt wüssed mir ja nöd emale, obs ned no anderi Lebewese im Universum git, wo 100 mal länger lebed als mir. Die chented das gliche Spili mit na vil weniger Ufwand betribe...

Mir chönd doch nid eifach es menschlichs Lebe als Massstab für Weltruumreise nä...isch ja de Gipfel vo de Egozenbtrik...

Ich beruef mich uuf de Lesch, aber wasr seit macht sehr vill Sinn.
Es langed erschtens nöd, dass es eifach e Sunne und Planete git, sondern dSunne dörf kei zu härti Strahlig ha, will suscht ja permanänt dMolekülbildige würed zerschmätteret werde. E Sunne dörf nöd zgross si, will suscht ihri Läbensziit zchli wär und Läbe gar kei Ziit hät, sich wiit zentwickle, usw. (es git no sehr vill Bedingige, was en Stern vomne Planetesyschtem muen erfülle, abgseh devo, dass die meischte Sunnesyschtem, Doppelsternsyschtem sind, was au nöd guet isch).

Klar klar, ich han ja gseit das statistischi Spilereie an sich nichtssagend sind. ABER, det blibed 2 Mio. Planete übrig. Ich meine....es wär ja scho gnueg fantastisch, wenn nur ein einzige andere Planet intelligents Lebe het und die wahrschinlichkeit isch scho recht höch...

PS: De Lesch isch natürlich super. Jedi alpha centauri Folg hani scho mindeschtens 1. Mal gseh und finds mega interessant! Aber mengisch denkter eifach zu sehr im Rame vo üsne momentane Möglichkeite. Wo er na es Chind gsi isch simer nanig male ufem Mond gsi. Ich finde das verdütlichet a welem Punkt mir im Moment na stönd...

[zwirrlibatz]

Aber mengisch denkter eifach zu sehr im Rame vo üsne momentane Möglichkeite. Wo er na es Chind gsi isch simer nanig male ufem Mond gsi. Ich finde das verdütlichet a welem Punkt mir im Moment na stönd...

schrieb ihm das. er macht sicher grad und gern e folg drüber.

[zwirrlibatz]

Mir chönd doch nid eifach es menschlichs Lebe als Massstab für Weltruumreise nä...isch ja de Gipfel vo de Egozenbtrik...

Egozentrisch isch z'erwarte, dass e zu somne Ufwand willigi und zu dene Reise fähigi Zivilisation bi all de ihre sich so mathematisch errächebar eröffnende Müglichkeite usgrächnet üs bsuecht.

[Skeletor]

wänder das mir das klingone pack da händ?

[Gurgelhals]

"...and pray that there's intelligent life somewhere out in space, 'cause there's bugger all down here on Earth."

[evo]

:gigante: isch übrigens e sau geils wort

[MrHinkelschwein]

Mir chönd doch nid eifach es menschlichs Lebe als Massstab für Weltruumreise nä...isch ja de Gipfel vo de Egozenbtrik...

Egozentrisch isch z'erwarte, dass e zu somne Ufwand willigi und zu dene Reise fähigi Zivilisation bi all de ihre sich so mathematisch errächebar eröffnende Müglichkeite usgrächnet üs bsuecht.

Nö, au da gits gueti logischi Gründ wo defür spreched...

[zwirrlibatz]

q.e.d.

[Parisienne]

mich interessiert eher so paranormali psycho scheisse

[MrHinkelschwein]

mich interessiert eher so paranormali psycho scheisse

Fakes und so...?

[Parisienne]

mich interessiert eher so paranormali psycho scheisse

Fakes und so...?

ja, genauso wie eue scheiss fake isch. wo isch problem?
wenns guet und spannend bzw. "so echt wie möglich" gshcribe isch, denn ischs ja glich interessant.
dini scheisse isch ja oftmals au uhuerren fake und es interessiert dich trotzdem.

edith; genauso wie ich finde das din ganze müll wo du postisch meistens fake isch würsch du sicher säge das mini gschichtli fake sind bzw. en logisch rational hintergrund hend. so what. es interessiert mich.

[Tatsujin]

Da fallt mier ii, dass no eine es Wältruumtopic sött uufmache, mag jez nümm.
:edit: Ah, isch ch scho

Bewiise channis nöd, aber dVernunft spricht dagäge.
Wämme sich chli mit dä Dischtanze im Wältruum hät versuecht uusenanddsetze,
wird eim schnäll bewusst, wie üsserscht gring dWahrschiinlichkeit vo uusderirdischem Bsuech wird.

Uuschlüsse channis nöd...

weisch wieviel bedüütig het schlussändlich wäg im ruum/ziit kontinuum?

[MrHinkelschwein]

mich interessiert eher so paranormali psycho scheisse

Fakes und so...?

ja, genauso wie eue scheiss fake isch. wo isch problem?
wenns guet und spannend bzw. "so echt wie möglich" gshcribe isch, denn ischs ja glich interessant.
dini scheisse isch ja oftmals au uhuerren fake und es interessiert dich trotzdem.

edith; genauso wie ich finde das din ganze müll wo du postisch meistens fake isch würsch du sicher säge das mini gschichtli fake sind bzw. en logisch rational hintergrund hend. so what. es interessiert mich.

Ja wenns dich interessiert isch ja super...wiso fühlsch di denn agriffe wenis Fake nenne?
Und da du grad üse Müll am sortiere bisch: Ich han glaubs scho me vo dem "paranormale" Zügs verschlunge als du i dim ganze Lebe wirsch gseh. Also lan mir doch bitte d Freiheit drüber z urteile. S meischte isch Fake...also vil Spass demit...mues sowiso jede selber usefinde...

PS: Das Zügs interessiert mich au hüt na...mich interessiert grundsätzlich alles...

[Parisienne]

mich interessiert eher so paranormali psycho scheisse

Fakes und so...?

ja, genauso wie eue scheiss fake isch. wo isch problem?
wenns guet und spannend bzw. "so echt wie möglich" gshcribe isch, denn ischs ja glich interessant.
dini scheisse isch ja oftmals au uhuerren fake und es interessiert dich trotzdem.

edith; genauso wie ich finde das din ganze müll wo du postisch meistens fake isch würsch du sicher säge das mini gschichtli fake sind bzw. en logisch rational hintergrund hend. so what. es interessiert mich.

Ja wenns dich interessiert isch ja super...wiso fühlsch di denn agriffe wenis Fake nenne?
Und da du grad üse Müll am sortiere bisch: Ich han glaubs scho me vo dem "paranormale" Zügs verschlunge als du i dim ganze Lebe wirsch gseh. Also lan mir doch bitte d Freiheit drüber z urteile. S meischte isch Fake...also vil Spass demit...mues sowiso jede selber usefinde...

PS: Das Zügs interessiert mich au hüt na...mich interessiert grundsätzlich alles...

agriffe nöd unbedingt, sägemer eifach ich mags nit wemmer mir sache unterstellt, bsp. das ich das alles glaube würd.
nei ischmer scho klar das ds'meiste fake isch, aber wie gseit, finds interessant. ich meine wenn ich de ganz shizzle glaube würd denn wär ich scho lang innere psychastalt. aber ja guet, fair.