Zügle, findsch guet?

[TypeJ]

ich nöd aber ich machs gad!
tod und hass!
lämpä am laufmeter!

- neus bett vom chline, es fehlt d'helfti, 4-6 wuche lieferziet für de rescht
- neui wohnig, es fehled jenschti details wie schublade im chüelschrank, gläser ide badzimmer..
- frau het bereits ihres tüüfgarage batchchärtli verlore
- kolleg wo en huere chaschte isch und morn het welle die schwere sache trägä isch hüt vome porsche cayenne agfahre worde :typej:
- morn regnets
etc. etc. etc.

:typej:

[evo]

ha au letscht monet. also uf 1. februar umzoge.
bi aber clever gsi und ha die neu wohnig scho ab em 1. jännr gmietet gha. so hanis rächt gemütlich könne agoh. immer widermol weni luscht gha ha mitem vater oder em kolleg s auto vollgstopft und übere gfahre. unterem strich entspannti sach gsi, aber ich bsitz au nit grad viel vo dem her...

[NERV]

Ich wünsche dir auf jeden Fall ganz viel Erfolg und einen Blowjob zur Besinnung an bessere Zeiten, als das Zügeln noch nach Freiheit und Abenteuer roch.

[Mastler(P)]

- morn regnets

google seit morn wirds sunnig.

[Tatsujin]

lol..muesch halt chüelschrank und gläser sälber mitbringe. den hesch au keini lämpe.

[Acid]

Ich find au guet wemer chli Zit hed zum Züglä, au wenn diä eigentlich Züglaktion denn i eim Tag stattfindet. Es git eifach echli Ruhä im Hirni, und Improvisationsspielrum, falls öper ebä a eim Tag denn glich nid Hälfä chan oder so.

Aber eigentlich findis nid so schlächt, es isch emol en Alas alles duräzgoh womer so hed, Züg wegzduä womer nid brucht, Sachä z findä womer scho lang nüm gseh hed etc.

[Avenger]

Zügle. Nume super wenn me nüt het wo muess züglet werde.

De Zuestand wird ich zwar nie erreiche, aber dank mine viele Estrich Verkäuf isch es scho sehr übersichtlich worde.

[agestuffer]

Schäbä geil.... Da ich jetzt denn bald 15 Jahr i der Wohnig bin, 3 Chind da innä gross wordä sind isch fascht alles zur Sau!!!
Polstergruppä vermalet, Sideboard fählt es Tüürli, Schrank isch mal en Tüür abbrochä (Scharnier uusgrissä), etc. etc. etc. D.h. ich bestellä denn en Multä und ruerä alles drii... Züglä tuin nur Chleider, Elteräbett, Chli Buecher, Games, DVD, Spiizüügs, Gschiir und so chlieses Gschmeus.. D.h. bruchä kei Züügelmannä..

Deswiiterä wird dWohnig nachhär renoviert, Putzä muessi also au nid gross.. Es isch so super.

I de neuä Wohnig lahni denn alles la aahliefä .Neui Bett für dChind, Schränk, Polstergruppä etc. etc.

= ich bin fein raus

Züglä isch hass puur... Tumms huerä geschleppe

Gruss agestuffer

[Sylvara]

zügle isch insofern super, will denn endlich wieder mal alles düreluegsch und viel wegschmeissisch. ich sött so all 5 jahr zügle, glaub
i dr stadt züri haltemer üüs allerdings still, es wird nurno tüürer.... ds nächste zügle isch use ines hüüsli oder garnid.

[Astroboy]

Rächt mängisch zügle hani müesse i mim churze läbe. Aber s'isch e super prozess, z'ufruume u sortiere und vorauem furtschiesse. Was da aues psychisch ou no grad greiniget und entrümplet wird i so moment isch nid z'ungerschetze, wemes bewusst macht.

[evo]

Was da aues psychisch ou no grad greiniget und entrümplet wird i so moment isch nid z'ungerschetze, wemes bewusst macht.

wahr!!
s wächsle vom wohnort ka jehnachdem au was am läbensstil ändere.

[Chäller]

de Monet hilfi 4 mal bim zügle

[Vyse]

Zügle isch super, me ruumt sich sälber uuf.

[TypeJ]

Als single mit 1 bett und 3 chischte isches eady gsi, lulz
Etz mit 7 trillione chischte isches nume na dumm
liechtblick: neui wohnig het 172m2

[agestuffer]

Als single mit 1 bett und 3 chischte isches eady gsi, lulz
Etz mit 7 trillione chischte isches nume na dumm
liechtblick: neui wohnig het 172m2

Darfi Fragä was zahlsch??? Mini Wohnig isch 165m2, Balkon nomal 30m2, grossä Chäller, Veloruum etc...
Darf au per PM antwortä... Ich bin diskret

agestuffer

[Tatsujin]

nöd leid. ziesch in en buurehof ii?

[Panther]

ich ha ändi letsch johr züglet, ~160kg laserdisc, en egret2 und e steili wendeltreppe sind zimmli d'höll

[Tatsujin]

muesch ebe fläschezuug mache

[Mastler(P)]

~160kg laserdisc, en egret2 und e steili wendeltreppe sind zimmli d'höll

[Tatsujin]

ich finde zügle ämel na fren, chan mer sich uf de noii umgäbig freue und so. usserd natürli es isch es zwangs zügle

[agestuffer]

nöd leid. ziesch in en buurehof ii?

Retsch mir mier???? Nei, inä neui Wonig... Sälber buut, sälber zahlt, Millionä Schuldä jetzt
agestuffer

[O_O]

sälber zahlt, Millionä Schuldä jetzt

[Tatsujin]

nöd leid. ziesch in en buurehof ii?

Retsch mir mier???? Nei, inä neui Wonig... Sälber buut, sälber zahlt, Millionä Schuldä jetzt
agestuffer

ja das weiss ich doch, ich mein dänk de tüp

[Avenger]

Was da aues psychisch ou no grad greiniget und entrümplet wird i so moment isch nid z'ungerschetze, wemes bewusst macht.

[TypeJ]

Lulz, kein buurehof nei! Ime ikaufcenter obe ine, 5,5 zimmer! Nur 1 direkte nochber, niemeh esse und trinke schleppe sondern mit em wägeli direkt id wohnig, lol.
3146 frengg mit 2 tüfgarageplãtz.