Mc Donalds Monopoly

mr.raw · Beitrag von **mr.raw** » 23 Mär 2011 11:49

Wer sammlet au??

Ich hätt zum abgäh:

Basel Steinenvorstadt
Luzern Weggisgasse
Schaffhausen Vordergasse
Basel Freie Strasse
Bern Bundesplatz

2 x Appelpie
4x mini drink
1x mini fries

suech:
Winterthur Bahnhofplatz
Lugano Via Nassa
Bern Spitalgasse

O_O · Beitrag von **O_O** » 23 Mär 2011 11:58

bisch würklech so dumm?

mr.raw · Beitrag von **mr.raw** » 23 Mär 2011 12:01

sitt en kolleg dr scooter gwunne hett... NEI und dorum mach i jetz au mit

Chäller · Beitrag von **Chäller** » 23 Mär 2011 12:05

Ich sammle imfall nöd.

lakritz · Beitrag von **lakritz** » 23 Mär 2011 15:25

Chäller hat geschrieben:Ich sammle imfall nöd.

ich han e öpfel pie gunne!

mr.raw · Beitrag von **mr.raw** » 23 Mär 2011 15:27

ich wür all mini dopplete gäh für 1x Winterthur Bahnhofplatz

O_O · Beitrag von **O_O** » 23 Mär 2011 15:48

du weisch aber scho wie das ganze funktioniert?

mr.raw · Beitrag von **mr.raw** » 23 Mär 2011 16:03

logo...st.galle und bern hanni scho (bsp. TV) oder Basel Steine oder Solothurn Hauptgasse (ps3) hanni au scho.

O_O · Beitrag von **O_O** » 23 Mär 2011 16:24

denn weisch nid wies funktioniert.

mr.raw · Beitrag von **mr.raw** » 23 Mär 2011 16:54

wayne? Me muess alli 3 Städt ha vo dem Gwünn wo me uss isch...oder eifach s "Bravo". Bim Bravo hesch 100% gwunne (wie ebbe min kumpel dr Scooter gwunne hett) wenn die 3 Städt hesch, denn ischicke und hoffe uff d verlosig?!?!

O_O · Beitrag von **O_O** » 23 Mär 2011 16:56

sam · Beitrag von **sam** » 23 Mär 2011 17:09

:typej:

mr.raw · Beitrag von **mr.raw** » 23 Mär 2011 17:11

WA MUENN I DRUCKE???

O_O · Beitrag von **O_O** » 23 Mär 2011 17:35

lueg ich erklär dirs.

JEDE suecht di genau gliche strasse.
wenns 500 Playsi 3 z gwünne git und du 3 strasse defür bruchsch denn gits vo

Strass 1: 46546546546546546546546546515213 Exemplar
Strass 2: 46546546544655465123132654654656 Exemplar
Strass 3: 500

chunsch jetzt druss. Jede suecht d Strass 3, es isch so also genau 500 mal müglich die playstation z gwünne. Tüschle macht also absolut kei sinn will jede die glich strass suecht und de wo d strass 3 het wär en mongo chopf wenn er si öpperdem git (aber das wird er nid mache will er si höchstwarschinlich nid wird dopplet ha).

wer d Strass 3 het frögt eifach kollege oder gaht 2-3 mal in mc go frässe und denn heter die andere 2 au. wills vo denne unlimitiert git.

s einzige wo sich lohnt isch schnell uf de lischte luege ob mer en rari Strass het (sind übrigens jedesmal die gliche) und wenn nid chames getrost furt rüehre.

Snatcher · Beitrag von **Snatcher** » 23 Mär 2011 17:48

isch so, han am afang au denkt tüschle und all de kack (isch mini ersti mc monopoly rundi), han den aber gschwind 5 min im internet nahgforscht und die "super" idee grad wieder verworfe.....ich han all mini chleber vo mine arbetskollege und genau bi jedem fehlt mer jetzt no eis. geau die wot ebe eh nie findsch....

geosnow · Beitrag von **geosnow** » 23 Mär 2011 21:29

es git immer dummi, isch glich bim rivella spiel gxi. dete häsch chönne online tusche. da gits sicher einigi, wo die seltene Buechstabe eifach weggäh händ.

shady2442 · Beitrag von **Shadow** » 23 Mär 2011 22:12

fahre kajak!

emP · Beitrag von **emP** » 24 Mär 2011 07:07

es recht suprigs gwinnspiel. chönt also guet si dass alli "seltene" Strasse in Güsel grüert ha.

Aber d Öpfeltäsche woni gwunne ha, hani natürlich gässe.

lakritz · Beitrag von **lakritz** » 24 Mär 2011 07:13

Frag: isch güsel es berndütsches wort?

emP · Beitrag von **emP** » 24 Mär 2011 07:18

lakritz hat geschrieben:Frag: isch güsel es berndütsches wort?

logisch nid.

Aber ig schribe so dass Dirs o verstöht.

"Ghüder" wär bärndütsch.

"in Güsel rüehre" tönt no luschtig, fasch so wie "in die Tonne treten" oder am beschte natürlich: "ghüdere"

emP · Beitrag von **emP** » 24 Mär 2011 07:19

markiere meine worte: in 200 jahr gitt keh dialäkt meh, sondern eifach numme no schwizerdütsch

aber in 200 jahr ersch, also eigentlich wayne.

Sylvara · Beitrag von **Sylvara** » 24 Mär 2011 07:34

lol dummi verlosige sind ja no eis, aber derfür müesse in donalds ga esse, und mehrmals

das isch kei scooter i dr welt wert.

allerdings, i ha neulich zwei buebe im tram zuegloset, wie's sind ga abruume will soviel gäst anschinend alles wegrüehre. sie hei mir denn ganz ufgregt verzellt, wie sie bereits 3 LCD TVs im sack hei. herzig

evo · Beitrag von **evo** » 24 Mär 2011 08:31

ich würd gern t 4000.- sofortrente bi de win for life lösli gwünne. nur tumm dasi nie lösli kauf.

Schummelschumi · Beitrag von **Schummelschumi** » 24 Mär 2011 08:46

evo hat geschrieben:ich würd gern t 4000.- sofortrente bi de win for life lösli gwünne. nur tumm dasi nie lösli kauf.

eigentlich eis vo de beschte los ever. nur ebe, wämes niä chauft günnt me au niä

evo · Beitrag von **evo** » 24 Mär 2011 08:55

Schummelschumi hat geschrieben:
evo hat geschrieben:ich würd gern t 4000.- sofortrente bi de win for life lösli gwünne. nur tumm dasi nie lösli kauf.
eigentlich eis vo de beschte los ever. nur ebe, wämes niä chauft günnt me au niä

kenn e par lüt wos oft kaufe, und weisch was? sälbscht denn gwünnt mers nie

höchstens 10.- zum sich 2 neuei loos kaufe

The(G)Forum