USB Festplatte zeiget weder Dateie no Ordner a

[gio]

nur d'Feschtplatte + Partitione werded richtig erkennt und s'Datevolume wird richtig azeiget

aber weder Folders no Files werded azeiget

Zueordnigs-Tabelle hinüber ?

Backup züche (mit was ?) bevor ich Rettigstool teschte tue ?

[SinGinSmith]

Frag mal de Titan de het sich intensiv mit dem Thema beschäftigt

[gio]

rtl-witz

[damian]

hät ers denn früener uf em gliiche compi mal aazeigt gha?

[gio]

yep, klaro, uf dem und uf allne andere PCs (Win7 und XP) au .... jetzt wird d'HD+Partition immer no uf allne PCs erkannt, aber nur genau 0 files/folders azeiget (sind nöd hidden gsetzt, also kein trojaner oder ähnlich)

han 1 folder wölle verschiebe und zagg, siit do nix meh

[damian]

git doch diversi reparaturtools wo so problem chönd behabe oder notfalls "glöschti dateie" wieder fürehole... ufem pc känni mi halt nöd so us. aber irgend es norton disk repair tool oder so... ev gits au freeware...

[gio]

git doch diversi reparaturtools wo so problem chönd behabe oder notfalls "glöschti dateie" wieder fürehole... ufem pc känni mi halt nöd so us. aber irgend es norton disk repair tool oder so... ev gits au freeware...

beschte dank für dä "guet gmeinti" rot, aber nützt mich leider genau nüt ..... d'Dateie sind nöd glöscht worde / "ufem PC känni mi halt nö so us" = cool, würkli super / irgend es norton disk repair tool = auweia :typej:

[Schummelschumi]

[randy]

'chkdsk c:' im dos fänschter (ohni /F Parameter) duet numme scanne ohni s'fixe

[damian]

d'Dateie sind nöd glöscht worde

technisch gseh ebä scho. es undelete tool müesti notfalls d'dateie finde.

[ritschi]

aber nützt mich leider genau nüt .....

ey mann, es nützt mich nüt!

[Schummelschumi]

aber nützt mich leider genau nüt .....

ey, ich säg der monn, pass uf monn. de gio wird voll schnäääll agressiv, weisch monn, so richtig!

wänn eine uf ernscht gmeinti tips dumm figgt, muäser mit so reaktione rächne.

[Marco_in_motion]

chasch nach Hersteller Diagnose programm abelade zum luege wiä's dä HD gaht und je nachdem dini jetzt nöd ahzeigte Date und Folders ahzeige lah.

Ha soööpis auscho gha und bin dänn uf d'WD Homepage. Nacher isches gange.

[Uriel]

Probiers mal mit

Recuva

Sit dr nüüere Versione sötter au mit beschädigte Partitionstabellene ds schlaag cho.

[gio]

marco: han ich scho versuecht gha, hät leider nüt brocht .... d'HD hät kein physische fähler .... dä WD support hät mir den GetDataBack empfohle .... i öppe 5h weiss ich denn was und öbs i mim fall hilft oder nur hyroglyphe wird restore

uriel: falls GetDataBack fehlschlot, versuech ichs mol mit Recuva

beschte Dank

[gio]

aber nützt mich leider genau nüt .....

ey, ich säg der monn, pass uf monn. de gio wird voll schnäääll agressiv, weisch monn, so richtig!

wänn eine uf ernscht gmeinti tips dumm figgt, muäser mit so reaktione rächne.

en ernschtmeinte Tipp isch äbe nur ernscht, wenn er "us erfahrig" chunnt und en antwort uf d'frog isch ..... nöd irgendwelchi theoretische vermuetige wo jede chan als antwort geh


isch wie wennt als Antwort gisch "irgend e garage chan das scho repariere", wenn öppert nochemene Problem mitem Auto froget

[Marco_in_motion]

irgend e garage chan das scho repariere

[gio]

GetDataBack = failed .... 24h gscannt, files und folder während em Scanne ufglischtet, denn aber am schluss fählermeldig zeiget "no FAT Disk found", obwohl d'HD Fat formatiert isch und au "GetDataBack for Fat" isch (es git no e version für NTFS)

jetzt isch "Recuva" a dä reihe ..... d'Hoffnig isch aber öppe gliich tüüf wie die vo Inter

[Uriel]

Sust hät mer ds active@ au scho treui Dienscht gleischtet.
Wenn es biz mee Ziit willsch investiere gits au sehr gueti Opensource Linux Sache. Aber für das mues mer sich es biz iischaffe (zumindescht diejenige, wo ich kenn, sind alles anderi als Bedienfründlich)

[gio]

Recuva hät nur 8h gscannt aber denn nur png+xls dateie "gfunde", wos aber ursprünglich gar nöd druf gha hät

active@ suecht anschiened au bimene physical check nur noch delete files aber chan kei zuordnigs tabelle korrigiere

[Uriel]

Es git mehreri Versione vo active @
Ich han bisher nur d Professional verwendet. Bezieht sich din Post uf d Standard Version?