The(G)Forum

Ich find lüüt lustig, wo amigs "holz aalänge" wenn sie vor öppis angst hei

wer isch so richtig abergläubisch hier im G, mit glücksbringer im portemonnaie und angst vorem 13i?
oder glaubt a sternzeiche und rosequarz?

und wieso eigentlich isch das kulturelli erziehig oder meh so bitzli ersatz-religion.

Ig bi nid.
Gnauso wie ig nid a homöopathischi tröpfli gloube bzw. was über dere ihri säubschtheilwürkig/placebo usegeit.

ich bi weder aber- no gläubig. logisch.

It's science bitches!


Und wer seit eigentlich dass Angscht vor de Folge wenn e schwarzi Chatz wo de weg chrützt weniger oder meh legtim isch als an en Maa wo mit sim Stock ds rote Meer teilt? Wieso also "Aber-" Glaube? En Sekte gwinnt nicht an "Richtigkeit" numme wüll si e grossi Azahl Mitglieder hett.

Horoskop isch Habakuck, aber ig gloube dass Mönsche mit gwüsse Sternzeichekonstellatione e grösseri Affinität zunenand hei, so chli wie im Final Fantasy Tactics, .

ich au nöd. aber dä playoff-hockeybart isch super!

ich lang immer holz a bovor i e schoggi turte vertug. ir hofnig i werd ned dicker.
bis jetze hets nüt bracht.

derinderinderinderin hat geschrieben:ig gloube dass Mönsche mit gwüsse Sternzeichekonstellatione e grösseri Affinität zunenand hei, so chli wie im Final Fantasy Tactics, .

lol....also so stier mit fisch und so?

da glaubi sehr viel meh a persönlichkeitsanalyse à la jung, als ad sterne. astrologie isch so uf stufe räucherstäbli und feng shui für mich, i cha garnüt dermit aafah.

mi coiffeur findet übrigens, dass ich mini haar nur während zuenehmende mondphase sött schniide lol

Sylvara hat geschrieben:mi coiffeur findet übrigens, dass ich mini haar nur während zuenehmende mondphase sött schniide lol

LOL, das seit mir mini Mueter ou immer, aber ich ha no nie uf sie glost.

lol, miini au.

Ich dänke, Glaube/Aberglaube wird solang zum Mänsch ghöre, solang er sLäbe nöd volländs under Kontrolle wird ha,
solang es Zuefäll und Unvorhersebars gä wird. Also für immer.
Aberglaube chonnt ja eigentlich scho äre Zwangsneurose nöch und villicht begünschtiget
au Läbensprägige oder es ängschtlichs Gmüet dä Aberglaube.

Genauso wie sBäte und innerliche Flehe, dass sich e überwältlichi Macht sich em eigene Läbe erbarmt: Au en Teil vom Mänsch, egal ob gläubig oder nöd.
dWält bekümeret dä Mänsch nöd und nimmt kein Stellig zu siine Hoffnige und Träum, als ob dä Mänsch uusserhalb dä Wält stah wür.
sWülchli schwebt verbii, und danäbet en unbewegte Stei, sWasser flüsst nach siine Gsetz, e Sternschnuppe verglüeht und das alles, ohni
Bezug zum Mänsch und siine einsame Stellig.
Ich verstah Glaube/Aberglaube, chönne demit in e Wächselwürkig zu dä, um eus umbekümerte Wält grate, aber e Würkigsabhängikeit isch keini vorhande.
Mängisch begriif ich nöd, wieso dMänsche nöd ändgültig und für immer i ihre Erchäntniss vom Allei i dä Wält si, resigniered.

emP hat geschrieben:i
Und wer seit eigentlich dass Angscht vor de Folge wenn e schwarzi Chatz wo de weg chrützt weniger oder meh legtim isch als an en Maa wo mit sim Stock ds rote Meer teilt? Wieso also "Aber-" Glaube? En Sekte gwinnt nicht an "Richtigkeit" numme wüll si e grossi Azahl Mitglieder hett.

mja guet, das isch es anders thema - chasch grundsätzlich allne religione unterstelle, logisch.
git aber ono die, wo d'bible nid grad eso wortwörtlich nähme, sondern die ganze wunder eher figurativ verstöh.

Skeletor hat geschrieben:ich au nöd. aber dä playoff-hockeybart isch super!

dasch 100% korrekt

Sylvara hat geschrieben:

emP hat geschrieben:i
Und wer seit eigentlich dass Angscht vor de Folge wenn e schwarzi Chatz wo de weg chrützt weniger oder meh legtim isch als an en Maa wo mit sim Stock ds rote Meer teilt? Wieso also "Aber-" Glaube? En Sekte gwinnt nicht an "Richtigkeit" numme wüll si e grossi Azahl Mitglieder hett.

mja guet, das isch es anders thema - chasch grundsätzlich allne religione unterstelle, logisch.
git aber ono die, wo d'bible nid grad eso wortwörtlich nähme, sondern die ganze wunder eher figurativ verstöh.

figurativ isch wischi waschi. entweder du hesches verbindlichs wort, oder du chasch eh grad mache was de wosch.

das argument wird itz natürlich grad agfochte. isch bi genauerem Nachedenke aber ebe scho richtig. Die Ganzi Argumentation mit Erbsünd etc. macht ja eigtnlcih denn au nid eso richtig Sinn wenn ds Märli vo Adam und Eva nid stimmt etc. Also letschtendlich verstrickt sich jede Theolog wo wott mit Logik argumentiere in Widersprüch. Das hett au scho de Luther und anderi usgfunde.

Eigentlich siches tatsächlich offtopic, allerdings wenn meh äbe die Definition "ABER"-Glaube gnäuer aluegt, grenzt sich das Sammelsurium vo seltsamem Denke mit dere Bezeichnig ja explizit vom "Glaube" ab. De Glaube wär denn ja "ds Richtige" wohigege de Aberglaube ebe ds heidnisch naive wär. Daderbi isch beides Hokuspokus und längscht überholt. Hemmer aber schomal versuecht ds diskutiere dainn und si gschiteret.

ja, das gseh ich o eso - religiöse glaube oder "aberglaube" isch beides immerno ebe das: glaube. nur hei halt all religione dä einzig wahri wahrheitsaaspruch. ds christetum isch am aafang o als 'jüdischi sekte' aagluegt worde.

und ich ghöre nid zu de kreationiste, drum bini ev. die falsch über das ds rede - für mich isch alles in bible und co. figurativ und als anekdote ds verstah. öppe so wie fable und märli halt o. es geit schlussendlich nur um ds lehrstück derhinder, da isches zimli wayne ob dr moses jetz würkli ds meer teilt het oder dr fuchs rede cha. und ich würd säge, dass isch o d'grundhaltig vo viele religiöse lüüt.

Sylvara hat geschrieben:ja, das gseh ich o eso - religiöse glaube oder "aberglaube" isch beides immerno ebe das: glaube. nur hei halt all religione dä einzig wahri wahrheitsaaspruch. ds christetum isch am aafang o als 'jüdischi sekte' aagluegt worde.

und ich ghöre nid zu de kreationiste, drum bini ev. die falsch über das ds rede - für mich isch alles in bible und co. figurativ und als anekdote ds verstah. öppe so wie fable und märli halt o. es geit schlussendlich nur um ds lehrstück derhinder, da isches zimli wayne ob dr moses jetz würkli ds meer teilt het oder dr fuchs rede cha.

Also schlahsch Du dini chind und bisch dim Maa sini Untertänin? A nei figurativ: Also Du losisch eifach ohni Kritik uf Ihn & masch was er seit und schreisch dini Chind ah. Oder wie itz genau?

isch no schwierig. So Messages use z zieh. Ah nei, mir hei ja de Pfarrer! Er denkt für üs. Denn isch ja guet!

Oder versteisch d Bible eifach us Literatur wie jedi anderi o? Denn wär guet. Unterhaltigswert und Inhalt hett si nämlich sicher.

Ir NZZ am Sunntig isch grad en Artikel über d Forschig a Schimpanse gsi. dört isch meh eigentlich druf cho das sozials Verhalte en Erbvorteil gitt und darum au ohni Moralvorgabe (guet so isches nid gstande) funktioniert.

emP hat geschrieben:

Also schlahsch Du dini chind und bisch dim Maa sini Untertänin? A nei figurativ: Also Du losisch eifach ohni Kritik uf Ihn & masch was er seit und schreisch dini Chind ah. Oder wie itz genau?

isch no schwierig. So Messages use z zieh. Ah nei, mir hei ja de Pfarrer! Er denkt für üs. Denn isch ja guet!

ich lose uf garnüt. i verstah dini fraag nid.
öppis figurativ verstah heisst ja nolang nid, dass mer's umsetzt / für guet befindet. das isch denn vilicht dr gross unterschied zwüsche fortschrittlichem glaube und fundamentalismus. beides cha e religiösi haltig sii..

ich rede dervo, dass die gschichte rein formal sicher chuum öpper glaubt. alles andere hesch du gseit.

Sylvara hat geschrieben:ich rede dervo, dass die gschichte rein formal sicher chuum öpper glaubt. alles andere hesch du gseit.

Achtung, jetzt chunt d Emprie. Hesch schomal Studie derzue gläse. Also Resultat us Befragige? Vorallem z.b. ide USA?

check mal das da: http://www.science-at-home.de/news/kuri ... 153051.php

Der Glaube an die biblische Schöpfungsgeschichte und die Ablehnung der wissenschaftlichen Evolutionstheorie sind keineswegs Phänomene, die allein die USA betreffen. Eine repräsentative Umfrage der Forschungsgruppe Weltanschauungen in Deutschland (fowid) hat ergeben, dass auch in Deutschland mehr als ein Drittel der Bevölkerung (38 %) die Evolutionstheorie bestreitet.

En Drittel in Dütschland. Nid grad wenig. Ide USA btw. glaubs meh als 50%.

Evolutionstheorie bestriite tüend no vill, ohni wörtlich dä Bibelinhalt zglaube.
Hützutags dörf jede sich Religionsinhalt chli individuel uuslegge, wies em ebbe grad am beschte in Kram passt, ohni defür uuf em Schiiterhuufe zlande.

Hoffentli gits wieder mal es New Age Revival.

emP hat geschrieben:Vorallem z.b. ide USA?

ich bin sicher dr bible belt isch anderer meinig

da fragmi halt, inwiefern das inhatlich e grossi rolle spielt. ds würkliche problem isch immerno, wie öppert die gschichte denn interpretiert..

und dass e drittel in düütschland so züüg glaubt, laht eher uf unbildeti lüüt schliesse, als tiefi religiosität. zu dem gits no gnueg anderi statistike.

Sylvara hat geschrieben: laht eher uf unbildeti lüüt schliesse, als tiefi religiosität. zu dem gits no gnueg anderi statistike.

Wod Korrelation zwüsche UN-Bildig und Religion zeige z.B.

mja, bitzli statistike zeige und wüsseschaftlichi erkenntnis nahrede, macht eim aber o nid unbedingt so unglaublich schlau. ich finds mega, wieviel hobby-wüsseschaftler sich gern gegenüber religiöse lüüt uufspielet. zumal wüsseschaft ja o nid grad selte uf annahme berueht und nolang nid immer uf empirik. und ebe: 'religiös' sii chame uf sehr sehr vieli arte. das isch würkli jedem sis eigete bier, solang er anderi dermit in rueh laht...wüsseschafts-poche cha o zimli penetrant sii.

sorry, isch nid bös gmeint, gell.

Sylvara hat geschrieben:mja, bitzli statistike zeige und wüsseschaftlichi erkenntnis nahrede, macht eim aber o nid unbedingt so unglaublich schlau. ich finds mega, wieviel hobby-wüsseschaftler sich gern gegenüber religiöse lüüt uufspielet. zumal wüsseschaft ja o nid grad selte uf annahme berueht und nolang nid immer uf empirik. und ebe: 'religiös' sii chame uf sehr sehr vieli arte. das isch würkli jedem sis eigete bier, solang er anderi dermit in rueh laht...wüsseschafts-poche cha o zimli penetrant sii.

sorry, isch nid bös gmeint, gell.

Weisch es gitt ei grosse Unterschied, wo Lüt mit genu dim Argument irgendwie no nid ganz verstande hei. Wenn du itz ume Egge chunsch, mittemne für all nachvollziehbare Bewis, dass du ds "Sylvara Teili" Gfunde hesch, wo für all Chräft ud dere Erde zueständig isch, denn glaubt dr das au jede, und Büecher werde umgschribe. De Religionschmu dä blibt immer glich. Dä isch unumstösslich. "Ds Wort" isch ide "Schrift" für all "Ewiggkeite" gschribe worde. Religion kapslet sich grundsätzlich dervo ab mit Logik agriffe z werde. Das muess nid mal mit Wüsseschaft si wo Gegner agäblich numme "nacheschwätze".
Zudem isch es no so, dass Grundlegendi wüsseschaftlichi Theorie (und rede da vo Basissache woni, trotz dine generelle Zwifel tatsächlich für mi beaspruche se ds verstah) vo de Lüt nid verstande werde. D Evolutionstheorie isch für vielli nid nachevollziehbar. Und genau das Unwüsse versueche de vielli (du ja au) de andere wieder vorzwerfe.


Aber egal. Gäll Du hesch gfragt und das Topic uftah. Es tönt viellecht itz chli blöd, aber chasch ja mal empirisch versueche öb Holz alänge öppis bringt.