Äs isch wieder Chriesiblüete ga luege Ziit.

[Tatsujin]

leider au scho wieder verbii nach nur eire wuche

aber bin immerhin 3 mal ga feschtle

bisch au gsi, z.b. im bärner rosegarte? oder ischs dert gar nanig e sowiit, isch ja ebe au rächt regionalwätterabhängig das ganze.

[kraut]

bi üs blüie si scho sit öppe ere wuche. isch schön, aber i bi itz nid unbedingt ungere boum ga hocke u sake ga trinke, we de das meinsch.

[Overdose]

i ha nen chriesibaum im garte 1.80 höch. super du.

[emP]

es psychologisch intressants Topic.

[evo]

zwar nit sakura aber dafür gits im botanische garte demnächst e titanwurz wo blüeht.
sit 75 jahr widermol in dr schwiiz. t knolle brüetet 17 jahr lang vor sich ane zum denn innert e paar tag z'blüeh und denn wider zsterbe. t pflanze duftet nach offene kräbswunde.

[Guave]

wie dufte offeni Kräbswunde?

[evo]

do lueg, dr original text vo dr uni site:

Der Blütenduft ist chemisch gut untersucht. Es gibt zwei Komponenten, die beim Abbau von Eiweissen entstehen (Putrescin und Cadaverin) und für den Aas-Geruch verantwortlich sind. Zudem kommen zwei schwefelhaltige Substanzen vor (Dimethyl- und Trimethyl-Disulfid), von denen besonders eine als Hauptgeruchskomponente von offenen Krebswunden identifizert wurde. Mit anderen Worten: Die Pflanzen imitieren gewissermassen «totes» und «totkrankes» Fleisch.

[evo]

aber nutz doch t glägeheit und gang go schmecke

[Tatsujin]

voll OT etz

[evo]

du bisch ja immer 101% OT gäll?

[NERV]

Beidruckend de Titanwurz Machemer mal en Titanwurz Watching mit Sake und so?

[PlanetHarrieR]

Titankyojinwurz!

[O_O]

wurz 1
chriesiblüetebaum 0

[blackraini]

Beidruckend de Titanwurz Machemer mal en Titanwurz Watching mit Sake und so?

i gang mer das Teil go aluage resp. -schmöcke

[meo]

@ tatsujin, bisch nümm z japan?

[Reinforced]

@ tatsujin, bisch nümm z japan?

nei är wohnt jetzt widr im Breitsch

[Tatsujin]

:jaaa_sicher:

[meo]

wo de?

[Shadow]

LOL

[Tatsujin]

wo de?

was fragsch für blödsinn? am gliiche ort wie de bisherige 6 jahr.

[meo]

ok sorry zviel antibiotika und ufhöre rouche macht chli komische chopf.

[Tatsujin]

ah sorry gäll gahts dr etz wieder chli besser?

[meo]

Cha wieder schnuufe aber es isch mer halt trümmlig vo de ganze medis

[PacWoman]

au offtopic wäge chriesi
aber wäg de knolle und de 17 jahr

e agave au jahrhundertpflanze gnännt, wachst mehreri jahrzänt - ebe 100 jahr - dänn macht sie en meterlange stängel mit blüete dra und stirbt dänn.
i de wachstumsphase macht sie aber ganz viel jungi.
gsehnd supi us die blüehende agave. hämmer uu viel, agave bi üs in sizilie.

http://www.google.ch/imgres?imgurl=http ... x=83&ty=66

[Titankyojin]

Titanwurz, ich denke das wär was für mich. Chriesibluete sind aber auch nicht schlecht. In Japan sicherlich auch gross in Mode.. es kommt in so zahlreichen Medien vor dass man ihnen schon fast Vernarrtheit in diese Pflanze unterstellen muss.

Ah ja, der Titanwurz verkörpert Mecha und Blut in pflanzlicher Form, eine sensationelle Pflanze, deswegen riecht es ja auch so nach gefallenem Fleisch, echt sensationell, muss ich auch gucken gehen. Sicherlich eines der grössten Blüten auf der ganzen Welt und vermutlich prähistorisch.