Ich zb. möchti ans spiel "Schleichfahrt" erinnere. dütschi uboot action simulation vom feinsten.
Im postapocalyptische 2700 het sich die ganz mennschheit ufe meeresbode zruggzoge wils uf dr ärde alles mit atomwaffe kabottgmacht hen.
Dr spiler schlüpft ind rolle vomne söldner wo in dere unterwasserwält für bazzeli chli ufträg erledigt. am afang fohts no simpel ah und mer beschützt frachtschiffli vor pirate und überbringt botschaffte. mit dr zit wirds aber immer wie verreckter und rutscht vo eim mega abentüür ins nekschte. extrem spannendi gschicht wo sehr vo de beziehige zwüsche de verschidene fraktione läbt wo sich in dere wasserwält etabliert hän. sau guet verzellt und au mega gueti dütschi synchronsprächer.
Us dr cockpit sicht stüürt me si u-boot durcht wält und bölderet gegnerischi pirate abe. s ganzi isch rächt kompläz und sehr simulations laschtig und nicht unbedingt ihstiger fründlich. so öppe jede zweite knopf uf dr tastatur macht öppis. schuf füre, schub zrugg, brämse, x radar/ziel funktione, X torpedo arte, torpedo abwehr, kanonetürm wome konfiguriere muess usw. dennoch gits sehr actionlastigi und epischi unterwasserschlachte wemme sich mol mit dr stürig agfründet het. zwüsche de missione haltet me sich uf de unzählige unterwasserstatione uf zum haupt und sidequests entgegezneh, dialog zfüere und si u-boot zpimpe
der wahnsinn. ein vo mine alltiem favorites
für das topic
(Und probier einisch Rollercoaster Tycoon uf der Konsole ds spiele. D Kugle geh würdsch dir. 
)
