Zugsunfall

[Reinforced]

ich bin hüt leider imene Zug gsi wo bimene Bahnhof en Person drunder isch cho. Han mich gwunderet warum de Zug plötzlich so abrubbt brämset d Person isch denn diräkt under mim Wage gsi.

öbs Selbstmord oder Unfall gsi isch , isch no unklar. Bi immer no rächt shocked und das isch en Bahnhof wo ich täglich ahhalte.

Het öpper schomal so öppis erläbt ? Speziell für de Lockführer en riese Schock aber natürli au fürd Passagier.

[Tatsujin]

ah das isch nüüt schöns

ich bin i dem RBS bähnli gsi richtig zollikofe, so im ca. 1990. das wo grad im bahnofstunnel en frontale miteme andere bähnli gmacht het. het es paar sehr schwer verletzti gha, vor allem die im andere bähnli hets zum teil na hert troffe (halb am verblüete mit uufkratztem gsicht us de schiibe ghanged etc.), und alles het gfunkt und tah und eis terror gschrei.
hani au es baar täg bruucht zum verdaue. bini 15i gsi.

[Reinforced]

Ich bin nurna furt uf de bus. Was wosch da no gross helfe. D Gaffer hend mich ufgregt so öppis mues mer würklich nid gseh.

de Lockfüehrer hetmer nienets gseh arme kärli. nachher grosses Ufgebot an Polizei Führwehr und Sani.

jetzt sicher jedesmal wenn de Zug dört brämset chunnt mer das wieder in sinn

[Avenger]

Auweia, das isch würklich nüt schöns. Speziell nid für Unbeteiligti wo devo betroffe si.

[Moff]

statistisch gseh passierts jedem lokfüehrer 3 mal i siner karriere hani mal gläse

[Reinforced]

Es isch kei leider Sälteheit aber als Passagier erläbsch das höchstens einisch und denn grad under dim Wage sälber üsserscht sälte.

[Schummelschumi]

statistisch gseh passierts jedem lokfüehrer 3 mal i siner karriere hani mal gläse

anschinend wird ene i de usbildig itrichteret dass wänn si eine uf de gleis gsehnd, sölleds d'store abelah /auge zuä mache und d'ohre zuä hebe ... sind sicher kei schöni bilder

[O_O]

de nachber het immer no alptröim vo denn woner eine verwütscht het. sig herte shizzle.

[Jones]

mir tüe aube die leid, wo d'licheteili müesse gah zämeläse!
bhf stadelhofe ZH isch sone punkt, wo immer wieder eine drunger geit oder gheit...

[turntablism]

i de 3 jahr oberstufe sind grad 2 us eusem schuelhus under de zug choo, de einti het selbschtmord gmacht und de anderi isch unklar, isch mit em töffli am schrankelose bahnübergang drunter choo
isch verdammt hert gsi die zit, mer sind ad unfallstell go abschid näh und hend no spure dervo gseh

[Tatsujin]

en chli entferntere kolleg het sich au mal vor de zuug grüehrt gha, mit em hund zäme, de hund het aber zum glück na ab chöne. isch grad bimene andere kolleg, wo de au kennt het vor em huus passiert (in münchebuchsee). so um 1994 umi. tagelang sinds na am chliini teili sueche/zämeläse gsi.

[Sylvara]

ich ha hüt gmeint mim tram isch ds gliiche passiert
churz vorem HB machter e vollbrems und springt zur tür use, ich bin kanpp nid id schiibe gfloge, woni aaglehnt gsi bin.
schiinbar isch aber nur süsch öppis ufem gleis glege..zum glück

[Mastler(P)]

einisch am morge bin am bahnhof wos scho passiert isch.
zug am stah gsi, polizey ume, en zaelt und abgsperrte bereich, alles uf mim gleis!
aber hey, zum glueck hani ah dem morge voll verschlafe und dae draeck noed gseh.