The(G)Forum

S git scho gschpässigi Situatione, wo lüt triffsch wo d nie dra dänkt häsch.

Da es paar Bischpil:

- Geschter fahri so uf Wollerau; vor mir so en schwarze Golf,biegt links it Fürti i. gsehni so hine dra en "TheGnet Chläber". Isch sicher de Master G gsi

- Ich so vor paar Wuche easy am schaffe inere grössere Bank. Denn lauft so eine verbi mit so chuslete Haar. Denn dänki so "Du, isch das nöd de Yoberry?". Denn hani chli gluegt und dänkt " nei s isch en nöd, aber sehr ähnlich".

Denn so en stund später lauft er wieder verbi. Ich so dänkt: "Ja isch aber scho huere ähnlich. Er isch ja mitlerwile au echli älter worde. Chönnt en scho si"

Denn so en Tag spöter seit eine hinter mir woni nöd kenne: "Ja, das het mer de Henry geschter gseit". Denn isch mer in sinn cho mal gläse z ha dass de Yoberry Henry heisst. Da hani gwüsse ja logisch isch ers

- Gahni so ga zumeme Projektuftrag in ZH City a de Usteristrass. Bin damals rächt nervös gsi, min erschte uftrag damals, vor em igang gwartet. Wer gsehni: de XYBOT am verbielaufe.

- De Pulstar hani 2 mal gseh i de ZH City umelaufe. 1 x Badenerstrass, 1 x im Beethovenstrass

- Ich gester so imene Programm echli umeguslet, denn gsehni plötzlich dass de Applikationsverantwortlichi vo dem Programm de Brüeder vo eim isch mit dem ich 8 Jahr lang i de Schuel gange bin

Händer au scho Lüt troffe wo ner nöd demit grächnet hend, jetzt nöd nur vom G Forum sondern allgemein, Prominenti, Immens wichtigi Lüt IWL etc? Oder sust ungwöhnlichi begägnige?

s'gitt nüt wo's nöd gitt

h4xX0r hat geschrieben:s'gitt nüt wo's nöd gitt

Jede Mönsch isch mit jedem über 6 Statione bekannt

Forever alone

h4xX0r hat geschrieben:s'gitt nüt wo's nöd gitt

teh truest words

da no en luschtige ma:

de herr fotolia?

t wält isch rächt kli. im zitalter vo internet und billige flüg sogar winzig. kasch alles mache, überall hi goh, über alles informiere.

evo hat geschrieben:über alles informiere.

informier dich doch.

ich mach

evo hat geschrieben:ich mach

über de fc bayern?

zum bischpiel
jez hani mi grad drüber informiert das dr karlheinz de bayern ultras mit sanktione droht wenn si witerhin dr neuer beleidige

evo hat geschrieben:zum bischpiel
jez hani mi grad drüber informiert das dr karlheinz de bayern ultras mit sanktione droht wenn si witerhin dr neuer beleidige

richtig so!

Worschinli de bescht bitrag i dem dumme topic!

TypeJ hat geschrieben:
Worschinli de bescht bitrag i dem dumme topic!

2010 bini mit em kolleg für 6 mönet uf auschtralie go trämpe
im ne backpacker hostel hemmer i de chuchi e schwizerin troffe und usem gspröch het sich herusgschtellt dass sie d`tochter vo mim oberstufe lehrer isch
spöter immne nationalpark zmitzt i de pampa treffed mer ufem parking wider schwiizer, es päärli, d frau dervo isch mit em kolleg sinere schwöschter i de schuel gsi

scho lang sit her..anre hip hop party in basel het mer eine welle es t-schirt verkaufe, isch de torch vo advanced chemistry gsi. spöter gsehn i de gummihals wider in züri uf de strass,

han mal en alte maa berate, frögt er mi denn öb en nöd kenne? ich- nei wieso? er segi de ferdi kübler, hehhe het er no witz gmacht dass er ä anderi generation isch (jetzt kennen derfür)

d`melanie winiger isch grad vor mir is mascotte ine gange

de peach weber hani mal im kaffi im shoppi schpreitebach gseh

ja, dwelt isch mängisch scho chlii

ich vermiss de eleth.

emP hat geschrieben:Jede Mönsch isch mit jedem über 6 Statione bekannt

ich han das scho gwüsst bevor du das gwüsst häsch.

in sex and the city 2 het d'carrie in abu dhabi ihre ex troffe!! wie chlii isch d'wält?!

ritschi hat geschrieben:in sex and the city 2 het d'carrie in abu dhabi ihre ex troffe!! wie chlii isch d'wält?!

das chamer so nid gseh. wenn si de ex nid troffe hätt in abu dhabi häts au gar nie en film gä. also würdemer gar nid drüber rede das d wält chlin isch.

T Welt isch sowas vo winzig,
Ich finds super, zwar hani weniger Erlebnis mitem (G) gmacht, defür umso meh mit Polit-"Promis". De Köppel hani scho zwei mal gseh, eimal sogar mit ihm gredt LOLERZ, no recht en nette ischer. De Toni Brunner hani ide letschte bede Mönet sicher au zwei Mal gseh, gseht in Ächt chli elter und seriöser us, findi. De Mörgeli ischmer am morge am 7ni au mal am Central entgegezlaufe cho.. Er gseht aber gar nöd guet us, recht kabutt, lulz. Diversi Moderatore vom SF hani au scho gseh, verallem Lüüt vom 10vor10. Mini Eltere sind mal im Globus go 'schnoige' und hend det de Grübel gseh, winer i zerfätzte Jeans und emene Filzpulli go shoppe isch... Denn sinds no per Zuefall em Morgan Freeman vor t Füess gloffe, lolerz. In Küsnacht hani scho t Janet Jackson gseh.. und suscht halt no paar B/C-Promis, CH-Musiker a Konzert, gsehni au immer mal wider wär.

Luschtig isch au, wennd uf ricardo was ersteigerisch und denn isch de Verchäufer eine wott vom Militär, vom (G), vode Primar - oder suscht woher kennsch.. Oder aber du gsesch via Facebook wär genau wen kennt. T Cousine kennt en Kolleg usw. .. recht amüsant..

turntablism hat geschrieben:d`melanie winiger isch grad vor mir is mascotte ine gange

de peach weber hani mal im kaffi im shoppi schpreitebach gseh

ja, dwelt isch mängisch scho chlii

was hett das mitm thema ztue? d welt isch chli will du die beschissne b-promis uf de strass gsehsch?

ich han z chrüzlinge mol de KLIBY gseh!!!

Resonanz Prinzip. Was di interessiert, ziehsch automatisch a. Het nüt mit der Grösse vo der Wält ztue.

D'schwiz = wält ? Guet, für es paar do inne wohl scho

woni ds erschtmal in japan bin gsi im 98, bini bim heimflug i de swissair per zuefall näbeme bekannte gsässe.