OSX Lion?

[der_blubb]

mis macbook pro isch eins vo de ältere generation (no silbrigi taschtatur). lohnt es sich s lion druf z tue? mis trackpad cha jo villes gar nid vo dene neue funktione

[Uriel]

Häsch du no en Core Duo Prozessor vo de erste Generation drin odr nu en Power PC? Denn chasch ds Update sowieso vergässe.

Falls nüd lohnt sich imo Lion au nur schu deswäge, wil Apple sehr viel bim Thema Sicherheit gmacht hät (Sandboxing vo Prozess etc. etc.)

[der_blubb]

duo core hani dinne

merci füre tipp, denn machi das mol druf

[Uriel]

Nei ebe: hesch en CoreDuo oder en Core2Duo?
Das findsch über der Öpfel links obe use (Ich glaub es heisst "Systemeigenschaften" oder so)
Lion lauft nur uf 64 Bit Prozessore, und der CoreDuo isch ken 64 Bit Prozessor. Warum weiss wohl nur Intel

[der_blubb]

core2duo hani, super isch. lion holi mir denn mol no

[damian]

ich han dä leistigsschwächst mac wo lion druf lauft und d'performance isch bi mir viiieeel besser. drum würdi säge dasses sich uf jede fall lohnt, wänns uf dim compi lauft (mues eifach intel drin ha). allerdings laufet dänn d'powerpc programm nümm. also falls uf programm aagwiese bisch wos scho länger kei updates me gä hät chöntisch es problem ha, ich mues jetzt z.b. min 10 jahr alte scanner furtrüere...

[geosnow]

hä, scanner laufed doch mit twain software immer.

[swordfish]

... denn machi das mol druf

wenns nid unbedingt grad jetzt sofort bruchsch: ich würd immer d .1 release abwarte bimene os

[tigerprinz]

Pass uf, es isch teilwiis rächt scheissendregg.

Bis jetzt han i sit em System 1.0 bis hütt JEDES
Mac OS am erschte Tag installiert. De Leu isch
erschte überhaupt, wonis bereut han. Komischi
Bugs wo eigetli jede Trottel hätt müesse merke.

TEH BETA

[damian]

hä, scanner laufed doch mit twain software immer.

was isch das? wär super...

[damian]

Pass uf, es isch teilwiis rächt scheissendregg.

Bis jetzt han i sit em System 1.0 bis hütt JEDES
Mac OS am erschte Tag installiert. De Leu isch
erschte überhaupt, wonis bereut han. Komischi
Bugs wo eigetli jede Trottel hätt müesse merke.

TEH BETA

bi mir isch genau umgekehrt. s'erst mal wo vo aafang aa alles perfekt lauft...

[tigerprinz]

bi mir isch genau umgekehrt. s'erst mal wo vo aafang aa alles perfekt lauft...

iMac
Jedes zweite mal us em Ruhezuestand -> no network.
LAN-Kabel usni, wieder ini und es paar Sekunde warte.
Nöd wüki geil.

Mac Mini
HDMI-Usgang hät eifach nüme gfunzt, s Grät isch
grad mal es halbs Jahr alt. WTF??

[O_O]

bi mir änderet sich d scoll richtig all 3-4 mal.

evtl. machi au was falsch i wüsst aber nid was. auso einisch scrolli mit de muus gäg abe und s fänster gaht gäg ufe. einisch scrolli gäg abe und s fänster geit gäg abe. WTF?

[damian]

s'scrolle isch jetzt einheitlich umgekehrt wie vorher, am aafang nervig, aber han mi scho dra gwöhnt.

[O_O]

ja aber ab und zue wächslets eifach. sau dumm.

[Chäller]

Pass uf, es isch teilwiis rächt scheissendregg.

Bis jetzt han i sit em System 1.0 bis hütt JEDES
Mac OS am erschte Tag installiert. De Leu isch
erschte überhaupt, wonis bereut han. Komischi
Bugs wo eigetli jede Trottel hätt müesse merke.

TEH BETA

ich bin aunöd soooo zfriede. Isch irgendwie alles chli träger worde.
Han eis vo de erste 13" Alu Macbooks.


Und das mit de umgekehrte Scrollrichtig isch todbeschisse. Hani grad nach 3min müesse umchere.

[O_O]

wo chame?

[damian]

Hani grad nach 3min müesse umchere.

Wo chammer? hans nöd gfunde! (ok, etz han mi eh scho dra gwöhnt)

[damian]

ps. ischs ächt möglich dass s'system besser lauft wämmera komplett neu installiert hät inkl. hd formatiere. ich han das ebä gmacht und bi mir laufts besser denn je. Ev gits problem wämmer alti system-/Programmteil übernimmt...

[Chäller]

Unter Systemeinstellungen --> Trackpad in Tab "Scrollen und Zoomen" wechsle, det dänn die oberst Option deaktiviere (Natürliche Scrollrichtung).

[der_blubb]

s update ufe schneeleopard isch au e chli problematisch gsi. ha immer wieder greyscreens gha und erscht nachem erschte richtige update isch das behobe gsi

[damian]

Unter Systemeinstellungen --> Trackpad in Tab "Scrollen und Zoomen" wechsle, det dänn die oberst Option deaktiviere (Natürliche Scrollrichtung).

tatsächlich. tümmer hettets es nümm chöne aaschriebe...

[Uriel]

Das, wo der O_O beschriibt isch en bekannte Bug. Wenn "Natural Scrolling" ab, und wieder aawählsch, sötts in allne Programm funktioniere.