V: Nintendo Gamecube Standgerät

The Sheep · Beitrag von **The Sheep** » 27 Sep 2011 12:58

Mir händ grad öppis nid so alltäglichs inebecho: Es Gamecube Standgrät wiemer se öppe in Mac Donalds oder in Chaufhüser gseh het.

Bild

Mit TV, Controller und Schlüssel, aber ohni Konsole. Prisvorstellig 500.-
s'Foto obe isch vom tatsächliche Grät womer verchaufe.

Falls Interässe bitte fix pm. s'het nume eins. Abzhole wärs bi der VSA in Zeinige.

zeromeier · Beitrag von **zeromeier** » 27 Sep 2011 14:08

für was brucht meh das?

The Sheep · Beitrag von **The Sheep** » 27 Sep 2011 14:41

die wahrschinlichschti Awändig wär das Teil ine Gameroom oder in Huusigang zstelle und sich vo Bsuecher bewundere lah wasmer da für en Raritet an Land zoge het.

Alternativ chönnt mer natürlich au de Monitor wägschmeisse und Blueme dri stelle ^^

SinGinSmith · Beitrag von **SinGinSmith** » 27 Sep 2011 16:20

zeromeier hat geschrieben:für was brucht meh das?

Zum Posä dänk. En Gamecube stand dihei = long schween

zeromeier · Beitrag von **zeromeier** » 27 Sep 2011 16:47

The Sheep hat geschrieben: Alternativ chönnt mer natürlich au de Monitor wägschmeisse und Blueme dri stelle ^^

Das wär super

Zoran · Beitrag von **Zoran** » 27 Sep 2011 17:43

en Kolleg hät mal so eine für de Dreamcast kauft und au dänkt er wird en mal bruche ....isch dänn nur no im Baschtelrum umegstande ... aber für e Gameparty wärs scho öpis

meyerli · Beitrag von **meyerli** » 27 Sep 2011 17:59

Zoran hat geschrieben:en Kolleg hät mal so eine für de Dreamcast kauft und au dänkt er wird en mal bruche ....isch dänn nur no im Baschtelrum umegstande ... aber für e Gameparty wärs scho öpis

hani au gha und mitem kolleg stundelang soul calibur gspilt. het eus meh gmacht spass als ufem sofa z hocke.
aber bi fraue ziets aso nöd me als e briefmarkesammlig

Marco_in_motion · Beitrag von **Marco_in_motion** » 27 Sep 2011 18:06

MEYERLI! Hau ine xD

meyerli · Beitrag von **meyerli** » 27 Sep 2011 18:56

Marco_in_motion hat geschrieben:MEYERLI! Hau ine xD

wiso? wetsch cho helfe träge?

Jones · Beitrag von **Jones** » 27 Sep 2011 19:42

zeromeier hat geschrieben:für was brucht meh das?

dasch für die lüt, wo z'sportlech si, um ufs z'sofa z'hocke

The Sheep · Beitrag von **The Sheep** » 27 Sep 2011 20:20

Jones hat geschrieben:
zeromeier hat geschrieben:für was brucht meh das?
dasch für die lüt, wo z'sportlech si, um ufs z'sofa z'hocke

Es git au bequemi Barhocker

geosnow · Beitrag von **geosnow** » 27 Sep 2011 23:08

The Sheep hat geschrieben:
Alternativ chönnt mer natürlich au de Monitor wägschmeisse und Blueme dri stelle ^^

Isch aber schad, will de Monitor no öppe s beschte a dem Teil isch.

PicardB · Beitrag von **PicardB** » 28 Sep 2011 09:52

isch im fall es hure schwers teil ha 3 Mann brucht zum nur dr unteriteil zu mir in erschte stock z trage has vo nintendo diräkt mit beschtem dank an Dax

Jeridian · Beitrag von **Jeridian** » 01 Okt 2011 09:00

Hübsches Gerät, wenn ich wüsste wie ich es nach Schaffhausen bringe währs wohl gekauft. Würde sich sicher gut in meiner kleinen Sammlung machen.

The(G)Forum