Wahrschiinlichkeite...

[h4xX0r]

Wenn ich 5 Lüüt han.

Ich 5 Zätteli mit je einere Zahl vo 1 bis 5.

Ich lahn de erschti zieh, de bhaltet sin zättel, denn de zweit und so wiiter.

Wie hoch isch d'Wahrschiinlichkeit, dass de letschti es 1 hät?

[turntablism]

kei ahnig, glaub nöd so hoch, vilicht 4 zu 1 ? böh ?

[Tatsujin]

gliich gross wie er es 2 es 3 es 4i oder es 5i het.

[h4xX0r]

gliich gross wie er es 2 es 3 es 4i oder es 5i het.

isch d'chance, dass de erscht es 1 zieht gliich gross, wie dass de 5. es 1 zieht, wenn mer d'Zettel nöd zruggleit?

[h4xX0r]

was ich nöd schnalle:
wenn de erschti sini 20% wahrnimmt, denn händ ja die andere 0% zum es 1 zieh. Wie spiegled sich das wieder?

[O_O]

i dem das wenners ebe grad nid zieht de nächst nur na 4 und nid 5 möglichkeite het. usw. bis zum letschte

[Uriel]

Wenn ich nüd grad es Loch im Chopf han:

Du muesch ja zerscht usefinde, weviel Möglichkeite es git:
Der Ersti het 5 Zettel zur Uuswahl.
Der Zweiti 4, etc etc.
Also ergebet sich folgendi Möglichi Fäll: (5*4*3*2*1) oder 5! oder 120.

Wenn jetzt e Lischte würdisch mache, weli Fäll iiträffe chänd, denn chunsch folgendes über, ganz nachem Muschter "Der erschti ninnt es 1 der zweit es 2 der dritt es 3 etc. etc.

12345
12354
12534
12543
12453
12435

13245
13254
13425
13452
13542
13524

14235
14253
14325
14352
14523
14532

15234
15243
15324
15342
15423
15432

usf.

was da gsehsch, sind die 24 Möglichkeite, dass d erscht Person es 1 zieht (btw. isches völlig egal, weli Person die erscht isch, ich han jetzt ds 1 eifach mal a Aafang gno).

Also 120 Fäll, in 24 dervo chunnt der erscht es 1 über -> 120/24 = 5
Also isch d Wahrschinlichkeit bi 1/5. (oder 20%)

Filicht als Gedankestütz:
Genau so hesch ja au all Fählversüech abbildet. Wenn der erschti es 1 zieht, denn isch am letschte sini Wahrschiinlichkeit, es 1 ds zieh = 0, aber wenn all andere 2,3,4 und 5 ziehnt, denn isch sini Wahrschiinlichkeit 100.

Falls der das au nüüt bringt:

E ok Erchlärig fascht ohni Fachtermini.

[h4xX0r]

aso isch es tatsächlich:
4/5 * 3/4 * 2/3 * 1/2 * 1 ?
findi huere krass, dass es nöd druff aachunnt, ob du zetteli usenimmsch oder nöd.
wahnsiinnig wiit usem fenschter hani mi grad lehnt... jetzt chani denn allne es mail schicke, dass sie recht gha händ lol
usserd öpper findet no es wahnsinnigs gschiids wahrschiinlichkeite modell.

[O_O]

was ich nöd schnalle:
wenn de erschti sini 20% wahrnimmt, denn händ ja die andere 0% zum es 1 zieh. Wie spiegled sich das wieder?

denn luegsch nüm s ganze an sich ah sondern en einzelne fall. natürlich hei denn alli 0% ufs 1s aber wenn ers nid zieht het de zweiti ja 25% ufs 1 und d chance das das passiert isch ja immerhin 80%.

wenns ganze mit jedere müglichkeit aluegsch blibts für jede 20%.

[h4xX0r]

was ich nöd schnalle:
wenn de erschti sini 20% wahrnimmt, denn händ ja die andere 0% zum es 1 zieh. Wie spiegled sich das wieder?

denn luegsch nüm s ganze an sich ah sondern en einzelne fall. natürlich hei denn alli 0% ufs 1s aber wenn ers nid zieht het de zweiti ja 25% ufs 1 und d chance das das passiert isch ja immerhin 80%.

wenns ganze mit jedere müglichkeit aluegsch blibts für jede 20%.

wenn ich jetzt würd säge, s'N1 chunnt 1 Mio über. Wärsch gern de erscht wo zieht oder de letscht?

[Uriel]

was ich nöd schnalle:
wenn de erschti sini 20% wahrnimmt, denn händ ja die andere 0% zum es 1 zieh. Wie spiegled sich das wieder?

denn luegsch nüm s ganze an sich ah sondern en einzelne fall. natürlich hei denn alli 0% ufs 1s aber wenn ers nid zieht het de zweiti ja 25% ufs 1 und d chance das das passiert isch ja immerhin 80%.

wenns ganze mit jedere müglichkeit aluegsch blibts für jede 20%.

wenn ich jetzt würd säge, s'N1 chunnt 1 Mio über. Wärsch gern de erscht wo zieht oder de letscht?

We gseid: es chunnt nüd druffa.

[O_O]

wenn ich jetzt würd säge, s'N1 chunnt 1 Mio über. Wärsch gern de erscht wo zieht oder de letscht?

chunt druff ah obs dä wos verwütscht s gad luut userüeft, de chönti äuä nid bis zum letschte warte

[Uriel]

wenn ich jetzt würd säge, s'N1 chunnt 1 Mio über. Wärsch gern de erscht wo zieht oder de letscht?

chunt druff ah obs dä wos verwütscht s gad luut userüeft, de chönti äuä nid bis zum letschte warte

Und was nützt ders, wenn denn erscht der 4. vo 5 luut usrüeft und du der 5. bisch?

Es chunnt überhaupt nüd druf aa.

[O_O]

ich weiss dänk

es gaht drum das miner chance nid stiige wenn ich warte also hetti kei luscht 4 lüüt vor mir zue z luege wie si es zetteli usem huet zieh und ich alles mues mitaluege.

gib mer s erste ich gwünn oder verlür und gang hei.

[Uriel]

ich weiss dänk

Ich weiss, dass du weisch!

[O_O]

siehe edit

[h4xX0r]

verdammt, ich hass das. ich glaub, ich säg nix lol

[randy]

oder

[Jones]

gwüssi lüt da inne si eifach z'gschied!
e riese lischte mit formle etc und am schluss chunnt als resultat 20% use? auso bitte!

[h4xX0r]

oder

endi jahr isch eh fertig lol

[emP]

HOLY MOLY.

[O_O]

chasch se mite geisseproblem wieder hole:

du hesch 3 türe, hinger eire devo isch es auto hinger zwei sind geisse. du chunsch de inhalt über vo dere tüür wo du nimsch, yadda yadda alles klar.

1. ich las dich per zuefall useläse welli tür das du wosch.
(nämemer ah du nimsch türe 1)

2. ich säg dir jetzt hinder weller vo de zwei übrige tüürene ds auto garantiert NID isch.
(sägemer hinger türe 2)


3. jetzt gib ich dir d chance namal uf türe 3 z wächsle. machsches?

wie höch isch jetzt dini chance ob ds auto hinger tüür 1 (dire originale uswahl) oder hinger tüür 3 isch.



tüür 1: 33%
tüür 3: 66%

[randy]

oder

endi jahr isch eh fertig lol

also hopp jetzt no die räschtliche ferie näh / chrank sii, denn muesch si nie me gseh

[Uriel]

chasch se mite geisseproblem wieder hole:

du hesch 3 türe, hinger eire devo isch es auto hinger zwei sind geisse. du chunsch de inhalt über vo dere tüür wo du nimsch, yadda yadda alles klar.

1. ich las dich per zuefall useläse welli tür das du wosch.
(nämemer ah du nimsch türe 1)

2. ich säg dir jetzt hinder weller vo de zwei übrige tüürene ds auto garantiert NID isch.
(sägemer hinger türe 2)


3. jetzt gib ich dir d chance namal uf türe 3 z wächsle. machsches?

wie höch isch jetzt dini chance ob ds auto hinger tüür 1 (dire originale uswahl) oder hinger tüür 3 isch.



tüür 1: 33%
tüür 3: 66%

Um das ds Erchläre, muesch jedoch e gehörigi Portion Vodoo beherrsche. Bi mir hets uf jede Fall es paar «WTF?» Moment usglööst bim läse.
New York Times Artikel
Ziegenproblem

[O_O]

au guet:

wieviel persone bruchts umd warschinlichkeit vo 50% z ha das zwei devo am gliche (beliebige) tag geburtstag hei?


23