Wohnigsbewerbig - Formular scho ah dä Besichtigung abgäh?

[Vyse]

Abgseh devo, dassi sowieso chancelos bin mit däm Lohn e halbwägs gueti Wohnig zfinde, gits doch ab und zue es Ahgebot, wo dIllusion vonere Chance wiederuufwecke laht.

Was meinsch, was isch gschiider, Formular scho vor Ort uusfülle und imne Mäppli samt em Betriibigsuuszug dä Verwaltigsperson abgäh (falls sie dWohnigsbesichtigung füehrt) oder uuf em übliche Wäg, so schnäll wie möglich per Post zuestelle?

[evo]

ich glaub es spilt kein rugel

[Sylvara]

lüg bim lohn

[Vyse]

!

Wänn ehrlich bisch, dänn wirsch sowieso uusselektiert und bechonnschs eh nöd.
Wännd lüügsch dänn gits immerhin zwei Möglichkeite, entweder sie prüefets bim Arbetgeber oder nöd, aber dChance stiigt sicher mal.

Wänns nöd so churzfrischtig wär, hätti en Anderi Lösig: E Kollegin und Personalcheffin hät mier ahbotte, dass ich Sie bi Wohnigsbewerbige als Cheffin und Referänzperson ahgibe. (Hätt also en Fake Arbetsgeber)
Ich chönnt dänn irgend en Lohng häreflunkere, sie würs bestätige und grad no e perfäkti Uuskunft über mich abgäh.

[feeshlee]

dä kolleg hät dä vogel abgschosse. dä typ isch grad mal zwei wuche ide schwiiz gsi. en pol, wo die letschte jahr in schottland verbracht hät. findt uf ahieb en superwohnig im säuliamt und kriegt sie auno grad.
'sprecken sie auck englisch?... excellent!'

[NERV]

Ganz klar schicke - wenn grad vor Ort abgisch, würkt das echli gar verzwiflet. Öppe so wie die Lüt, wo grad wei ein Mietvertrag abschliesse, obwohl sie d'Wohnig no gar nie gseh hei. :typej:

[NERV]

!

Wänn ehrlich bisch, dänn wirsch sowieso uusselektiert und bechonnschs eh nöd.
Wännd lüügsch dänn gits immerhin zwei Möglichkeite, entweder sie prüefets bim Arbetgeber oder nöd, aber dChance stiigt sicher mal.

Wänns nöd so churzfrischtig wär, hätti en Anderi Lösig: E Kollegin und Personalcheffin hät mier ahbotte, dass ich Sie bi Wohnigsbewerbige als Cheffin und Referänzperson ahgibe. (Hätt also en Fake Arbetsgeber)
Ich chönnt dänn irgend en Lohng häreflunkere, sie würs bestätige und grad no e perfäkti Uuskunft über mich abgäh.

Aber wenn unwahri Agabe agisch, chöi sie dir wäge Falschussag bzw. Urkundefälschig de Vertrag chünde und die no grad verchlage.

[Vyse]

Devise isch: Lüüge was sZüüg hebet und das Risiko iigah, anstatt Ehrlichkeit walte lah und wiiterhin inmne Ratteloch vonere Wohnig läbe.

Ich han no nie i mim Läbe e Wohnig gha, wo sich wie es Dihei ahgfühlt hät und nöd wie e Notlösig, will em Heini vo dä Verwaltig sEinzelschicksal
scheissegal isch, wie jedem andere au. Häsch sGfühl, dass Ehrlichkeit da irgendwo no öppis zsueche hät? Es gaht imne gwüsse Sinn ums Überläbe
und i dä Verwaltig zällt sIikomme als Garant defür, dass en guete Mieter häsch, ob dä Niedriglöhner villicht sogar besser mit Gäld umgah chann, als
dä mit em Cheflohn, interessiert genauso niemert.

[NERV]

Devise isch: Lüüge was sZüüg hebet und das Risiko iigah, anstatt Ehrlichkeit walte lah und wiiterhin inmne Ratteloch vonere Wohnig läbe.

Ich han no nie i mim Läbe e Wohnig gha, wo sich wie es Dihei ahgfühlt hät und nöd wie e Notlösig, will em Heini vo dä Verwaltig sEinzelschicksal
scheissegal isch, wie jedem andere au. Häsch sGfühl, dass Ehrlichkeit da irgendwo no öppis zsueche hät? Es gaht imne gwüsse Sinn ums Überläbe
und i dä Verwaltig zällt sIikomme als Garant defür, dass en guete Mieter häsch, ob dä Niedriglöhner villicht sogar besser mit Gäld umgah chann, als
dä mit em Cheflohn, interessiert genauso niemert.

Stimmt ebe scho, interessiert en Verwalter würkli nid. Und Lüt wo no chlaget oder jammeret, wärde sowieso garantiert nie en Wohnig übercho.

[meo]

ja am beschte sogar drad no es bewärbigsdossier debi ha. Z züri isch rächt hert eini z becho... Schiens I ha die 2. Becho won i ha agluegt. (Wipkingä )

[SinGinSmith]

Devise isch: Lüüge was sZüüg hebet und das Risiko iigah, anstatt Ehrlichkeit walte lah und wiiterhin inmne Ratteloch vonere Wohnig läbe.

Ich han no nie i mim Läbe e Wohnig gha, wo sich wie es Dihei ahgfühlt hät und nöd wie e Notlösig, will em Heini vo dä Verwaltig sEinzelschicksal
scheissegal isch, wie jedem andere au. Häsch sGfühl, dass Ehrlichkeit da irgendwo no öppis zsueche hät? Es gaht imne gwüsse Sinn ums Überläbe
und i dä Verwaltig zällt sIikomme als Garant defür, dass en guete Mieter häsch, ob dä Niedriglöhner villicht sogar besser mit Gäld umgah chann, als
dä mit em Cheflohn, interessiert genauso niemert.

Stimmt ebe scho, interessiert en Verwalter würkli nid. Und Lüt wo no chlaget oder jammeret, wärde sowieso garantiert nie en Wohnig übercho.

Isch eigentlich en paradoxi Situation, lüt sind bereit vill Geld für es Objekt z zahle, werdet aber abglehnt.

Das isch wie wenn ich imeme Lade stahne, Lüt wend 10k pro Jahr für es Objekt zahle, und ich säg "Nei, chasch wieder gah" Völlig verblödet eigentlich

[emP]

Isch eigentlich en paradoxi Situation, lüt sind bereit vill Geld für es Objekt z zahle, werdet aber abglehnt.

Das isch wie wenn ich imeme Lade stahne, Lüt wend 10k pro Jahr für es Objekt zahle, und ich säg "Nei, chasch wieder gah" Völlig verblödet eigentlich

total nid.
und de fakt dass ebe würklich keh chauf tätigsch darfsch nid vergässe.

[boergi]

entweder sie prüefets bim Arbetgeber oder nöd

cha e öichere bude jede dim scheff alüte und froge wasd verdiensch?

[Buccaneer]

Rein mini Erfahrig:

Ich wür das mache wo schneller gaht, aber au die persönlich Methode chan sehr wirksam si.. Und wenn bide Besichtigung en guete Idruck machsch und das persönlich übergisch hed das sicher au en gueti Wirkig. Viel Vermieter entscheided fast usschlüsslich nach Sympathie. Und ich wür halt öppis ufem Land suche. Dete hesch 10 Bewärber und ide Stadt hesch über 100.

Drücke dir de Dume und hoffe, dass du es schönd Dehei findsch

Ich han jetzt nie die Erfahrig mit de unpersönliche Verwalter gha. Bide letschte Wohnig hani eifach meh Glück gha und die jetztig Wohnig (es wahrs Schmuckstück) hemmer eifach becho, well mir en guete und sympathische Idruck gmacht hend.

PS: Mach chli en aständige Idruck. Suberi Schueh und Jeans und es Hämli.

[Acid]

Devise isch: Lüüge was sZüüg hebet und das Risiko iigah, anstatt Ehrlichkeit walte lah und wiiterhin inmne Ratteloch vonere Wohnig läbe.

Ich han anderi Erfahrigä gmacht.

Allerdings hani natürlich au no niä in Züri e Wohnig gsuecht.

[emP]

Züri tönt recht super was so Wohnigssuechi abelangt.

*Lebensqualität*

[Sylvara]

yeah mega.....100m langi schlangene zum e 3.5Z wohnig aaluege. 1std mit kreti und pleti aastah, wills kei platz het ir wohnig. zettel sind o scho ewig weg.
i lache jedesmal wenni das widr noimeds gseh, züri live.

[feeshlee]

mir händ es 'familieföteli' biigleit. d'wohnig hämmer nämli ums verrecke welle ha.

[Sylvara]

ja schiints machet's teilwiis scho ganzi 'bewerbigs-mappe' vo sich, mit fotos und deckblatt und farbigem papier
bettle zum dörfe tüüri wohnige zahle. close welt.

[Avenger]

In Züri Wohnige sueche isch wohl e ziemlichi Tschällensch.

[Sylvara]

In Züri Wohnige sueche isch wohl e ziemlichi Tschällensch.

immerhin, sini wohnig loswerde isch derfür e klacks

[evo]

sälbscht wenns gratis wär würdi nit in züri wohne

[feeshlee]

ja schiints machet's teilwiis scho ganzi 'bewerbigs-mappe' vo sich, mit fotos und deckblatt und farbigem papier
bettle zum dörfe tüüri wohnige zahle. close welt.

für züri (stadt) isch en 4.5zi neubau mit 125m2 für 1930 frengg es schnäppli.
edit: nk inkl. und mit töff und audoparkplatz. verstaht sich.

[emP]

sälbscht wenns gratis wär würdi nit in züri wohne

Näbe de Wohnige fählt ono es Fuessballstadion

[damian]

In Züri Wohnige sueche isch wohl e ziemlichi Tschällensch.

am beste suechsch gad vo aafang aa in wollishofe oder oerlike!