S: Tee-Set (Zubehör und so...) 和敬清寂, wakeiseijaku

[Buccaneer]

Hallo,

da s hie inne sehr vieli Nippon-Fanatiker verträtte sind, gids sicher au de einti oder ander Teetrinkler.

Ich bin uf de Suechi nach paar Utensilie wo zum Teekonsum "dezue ghöred".

Ich tuen mal ufliste was i sueche und das nach Wichtigkeit:

1. 茶筅, Chasen (En Teebäse zum de Tee schön ufschüme (z.B. Matcha))
2. 釜, Kama (Wasserkessel)
3. 茶杓, Chashaku (Bambuslöffel / Messlöffel)

Wer hed was zum abgäh?

Gruss,

PS: Oder wo würed ihr sowas go poste?

[Acid]

zum Bispiel:

https://www.japantee.ch/Shop/Shop.aspx? ... tle=Matcha" onclick="window.open(this.href);return false;

[Buccaneer]

zum Bispiel:

https://www.japantee.ch/Shop/Shop.aspx? ... tle=Matcha" onclick="window.open(this.href);return false;

Danke für de Tipp. Aber hesch mal d Prise aglueged? Bin au scho chli go sueche. Für sone Bäse zahlsch zwüsche 15 - 35 CHF.- unglaublich

[Marco_in_motion]

also für ä eimaligi Ahschaffig findis findis jetzt grad absolute Wahnsinn 15-35.- z'zahle... hettisch dänn lieber en Occasion für 7.- ?

[Acid]

zum Bispiel:

https://www.japantee.ch/Shop/Shop.aspx? ... tle=Matcha" onclick="window.open(this.href);return false;

Danke für de Tipp. Aber hesch mal d Prise aglueged? Bin au scho chli go sueche. Für sone Bäse zahlsch zwüsche 15 - 35 CHF.- unglaublich

Das isch än Bäsä us Bambus wo öper vo Hand hergstellt hed... was sött de diner Meinig no choschtä? Tür isch öpis total anders.

[Buccaneer]

Ich find erhli gseid es bizzeli tür ja. Es blibt ja denn nid nur bi dem. Es chunnt dezue Bäse, Kanne, Tassli, Mässbächer, Wasserchocher, Tablet etc pp und die verschiedene Teesorte sind nid gad günstig.

Klar wirdi mir das Leiste. Aber ich wirde jetzt glich nochli zuewarte. Viellicht find sich ja öpper wo das alles deheime hed, aber kein Zyt und Lust meh hed zum usgibig Tee suffe und somit froh isch, wenn er de Krempel chan loswärde und no chli Bazzeli defür becho.

Ich bin sicher nid gizig oder so, aber warum nid zerst mal Frage, öb öber sis Züg möcht losha? Muess nid gad ide erst best Lade ineseckle und es heide Gäld usgäh, wenn ich de glich Mist für en Bruchteil vom Gäld bechume.

Wenn du was wottsch, rännsch in erst best Shop und ziehschs dir ine? tuesch nid zerst Prise vergliche und versuche es bessers Agebot z finde?
Han en sehr ähnliche Bäse für 15.- gfunde. 20.- Unterschied findi jetzt scho no gnueg, so dass mer sichs überleid

Aber ich glaube, mir müennd gar nid über das disskutiere. Ich bin jedefalls dankbar für de Link wo du mir gäh hesch und luege au die Agebot dete a und tues mit anderne vergliche. Und wenn dir/euch no öppis dezue in Sinn chunnd, nimi all euri Aregige, tipps und Hiwis sehr gärn entgäge.

[Sephi]

Das wo du wosch (Mässlöffel, Bäse) bruchsch ja bim japanische Tee nur gad für Matcha! Und wie scho erwähnt worde isch, isch das logischerwiis bitz tüürer - die Bäseli müesse ja doch rächt Robuscht sii.

Aber im Alltag trinke eh die wenigschte Lüt Matcha. Fang doch afemou bi angere Grüentee-Sorte ah wo nur e Tasse, Teefilter und der Tee sälber bruchsch. Genau so fein und findsch afemou use weli Sorte der so passe.

Und süsch gosch mou i Teelade di go lo berote.

[Astroboy]

Länggass-Tee <3

[Buccaneer]

Das wo du wosch (Mässlöffel, Bäse) bruchsch ja bim japanische Tee nur gad für Matcha! Und wie scho erwähnt worde isch, isch das logischerwiis bitz tüürer - die Bäseli müesse ja doch rächt Robuscht sii.

Aber im Alltag trinke eh die wenigschte Lüt Matcha. Fang doch afemou bi angere Grüentee-Sorte ah wo nur e Tasse, Teefilter und der Tee sälber bruchsch. Genau so fein und findsch afemou use weli Sorte der so passe.

Und süsch gosch mou i Teelade di go lo berote.

Ich liebe äbe Matcha. Vorallem die Würkig isch föcking unglaublich! Trinke au gärn Sencha,starche Schwarztee (Gunpowder) etc pp. Han da aber nie s Gfühl ha, ich brüchti special equipment. Aber de Matcha isch eifach Extraklasse und ich möchte das äbe ächli zelebriere! Und ich han en Dealer in Japan, wo mir jensti Sortene "relativ" günstig und frisch ab Mühli schickt. Darum möcht mi scho uf de Matcha fokussiere.

Ich han auf vor, Matcha regelmässig z trinke. für de Tag is Büro gad en Liter amache und mitnäh und denn am Abe und am Wuchenend das schön gmüetlich usläbe. In aller Rueh Wasser vorbereite un denne de Tee mache. Dezue es guets Buech oder eifach chli ufem Balkon plegere.

[Acid]

@Buccaneer: Logisch chasch verglichä etc., han di nid welä Agriffä, und begriff glaub erscht jetzt dass du nid de Priis unglaublich findsch, sondern d Priisdifferenz. Im erschtä Momänt heds für mich halt chli so tönt als würsch s Gfühl ha das so en Bäsä eigentlich nid meh als 3.- Hebel choschtä sött. Han halt nur mol welä Frögä was du dezuä dänksch, will es git halt hützutags relativ viel Lüt wo jenschtes Gäld für alles möglichä dummä Züg usgänd, und wenns denn öpis wänd wo dur Arbeit und Qualität tatsächlich ebä en gwüssä Priis hed, sinds plötzlich shockiert. (ebä wiä gseit, zu denä ghörsch du jo glaub nid).

Und nach bruchtem chasch immer Frögä, do das aber eigentlich i de Regel Sachä sind wo bi de Lüt meh oder weniger Täglich brucht werded, hätt jetzt ich s Gfühl das isch ehnder Züg womer sich neu chauft.

Ich han eifach letschti mol echli im Internet gsuecht wägäm Matcha (nid sehr lang zuä geh), und han dänkt de Shop gsehd no guet us. Ich bin allerdings au einä wo bi so eimaligä Investitionä i verhältnissmässig tüfer Priiskategorie nid uf de Frankä luegt und meh nach Gfühl gohd. Kauft hanmer allerdigns no nüt i diä richtig, und alles anderä zum Tee trinkä hani natürlich scho, do i eh jedä Tag Literwiis devo trink (und für das sind diä irgendwiä 100.- Investition für Wasserchocher, schönä grossä Glaschrueg und Gläser ebä nüchtern betrachtet nid so wahnsinnig... anderi gänd einiges meh i eim Tag für de Usgang us oder so).

Aber wemer scho debi sind, heb mol diä günschtigärä Bezugsquällä inä... weni früener oder spöter doch mol will probiärä sägi au nid nei wenses billiger gid.

[Avenger]

Notiz an mich: Matcha probieren.

[Buccaneer]

Ja d Prisunderschiid findi chli krass . Wenn was guet isch, sölls au was choste!

Ich bstelle de Tee da:

http://www.maiko.ne.jp/" onclick="window.open(this.href);return false;

Rächts obe chasch Sprach wähle. D Site isch au in Dütsch verfüegbar.
Wenn öpper Interesse hed, chan ich gärn au die persönlich Mail Adresse vom dütsche Mitarbeiter dete gäh. De isch vor Ort und chan ideal berate und mer chan d War direkt bi ihm bstelle.
Isch günstiger als wenns in Europa chaufsch und ab 1kg Tee bechunnsch 30% Rabatt.
Wahrschindli wür mer scho günstigeri Agebot finde, aber de findi jetzt scho ganz guet. Vorallem äbe: mer wird ganz guet berate.

Viellicht chan ja de Tatsujin no was dezue säge, er isch ja vor Ort und hed sicher au schomal ines Teelädeli inegügsled.

Mer muess halt scho gseh: Matcha isch Schweineteuer. Aber hie isches au absolut gereächtfertigt. Mer chan ne nur abaue wenn die klimatische Vorussetzige gäh sind. Es wird lang nid alles vode Pflanze verwänded. D Mühlestei sind Sacketeuer. De Prozess vom Mahle gad nur langsam vorwärts und isch sehr ufwändig, mer konsumiert s gesamte Teeblatt, s Knowhow wird sehr guet ghüeted und witergäh etc pp...

Ich han mir mal zum mit Matcha Afange sehr viel Matsu no Midori bstellt. Sig en mittelklasse Matcha und guet für Istiger.

[Buccaneer]

Notiz an mich: Matcha probieren.

Matcha isch ganz was anders als de üblichi Tee. Und vorallem d Würkig! Fuck du wirsch nie meh welle es Redbull oder ähnliche Mist wele alange.
Ine Teelade ine spaziere isch nid immer die besti Lösig. Matcha isch sehr unbekannt i eusne Teeläde, wird oft falsch glagered und nid als würliche "Tee" aglueded. Die verkaufed dir lieber en Früchte-Winter-Tee Mischig mit Orangeschale dinne

Hie isch eifach alles was mer heiss ufbrüeht fucking Tee. Oder Kaffe. In Frankrich wird das viel schöner unterschiede. Alle sustig Mist mit heissem Wasser isch "Infusion" und Tee isch würkli nume das, wo au us Teeblätter bestaht.

[Buccaneer]

Notiz an mich: Matcha probieren.

Matcha isch ganz was anders als de üblichi Tee. Und vorallem d Würkig! Fuck du wirsch nie meh welle es Redbull oder ähnliche Mist wele alange.
Ine Teelade ine spaziere isch nid immer die besti Lösig. Matcha isch sehr unbekannt i eusne Teeläde, wird oft falsch glagered und nid als würliche "Tee" aglueded. Die verkaufed dir lieber en Früchte-Winter-Tee Mischig mit Orangeschale dinne

Hie isch eifach alles was mer heiss ufbrüeht fucking Tee. Oder Kaffe. In Frankrich wird das viel schöner unterschiede. Alle sustig Mist mit heissem Wasser isch "Infusion" und Tee isch würkli nume das, wo au us Teeblätter bestaht.

Sobald ich min Tee becho han, wirdi öppe im G(mampf) en Fred dezue mache. De chömmer chli Erfahrige ustusche. Natürli darf mir au gärn eine zuvorcho und dete mal was arisse

[Sephi]

Notiz an mich: Matcha probieren.

Matcha isch ganz was anders als de üblichi Tee. Und vorallem d Würkig! Fuck du wirsch nie meh welle es Redbull oder ähnliche Mist wele alange.
Ine Teelade ine spaziere isch nid immer die besti Lösig. Matcha isch sehr unbekannt i eusne Teeläde, wird oft falsch glagered und nid als würliche "Tee" aglueded. Die verkaufed dir lieber en Früchte-Winter-Tee Mischig mit Orangeschale dinne

Denn hesch aber au en falsche Teelade verwütscht! So wies de Astroboy seit: Länggass-Teelade z Bärn isch zum Bispiu super und hesch ou extrem gueti Berotig. Mache sogar einisch pro Wuche en Kurs "japanischi Teezeremonie". De zeigesider gad no wied richtig bäselisch Ahja, de Chasen gits dört ou zum Choufe - weni s nöchschtmou düreloufe frogeni churz noche wie tür. Wird tendentiell aber äuä ehner meh choschte aus im Onlinehandel.

Mit der Würkig vom Matcha hesch rächt - hautet di extrem guet uf de Bei und isch derzue no fein. Und gsünger aus Energy Drinks etc. allemal. Lueg was Tee usmer gmacht het, jetz redeni scho wiene dräckige Hippie.

[Tatsujin]

LOL

[Buccaneer]

Das mit de schlächte Teeläde hani vorallem gläse . Bin aber au mal i eim inne gsi, die hend vo so exotischem Züg nid esone Ahnig gha.
Pfui en Hippie bisch worde!


Tatsujin warum tust du lachen?

[Tatsujin]

Ich trink jede morge und abig en macha catechin tee. Nlmmsch au super ab.

[Astroboy]

So steui mr dr zwrillibatz mängisch vor, nur mit Rosschwanz.

[Tatsujin]

zämenhang?

[Tatsujin]

OT, gang eifach de "mischt" ga poschte und den heschs ein für allemal. es 2nd hand sadou set isch doch für de lulz. absolut am falsche ändi gsparrt.
15 stutz für so en chasen isch doch so nüüt, choschtet da au nöd würkli weniger.

[LeviathanX]

Notiz an mich: Matcha probieren.

Matcha isch ganz was anders als de üblichi Tee. Und vorallem d Würkig! Fuck du wirsch nie meh welle es Redbull oder ähnliche Mist wele alange.

Der Japaner und sei Frau haben uns gewarnt "Achtung sehr stark, ihr könnt danach heute Nacht nicht mehr schlafen" (es war schon etwas fortgeschrittene Stunde)...

Effektiv: mich hat der Matcha net aufgeputscht... Hab dafür aber gepennt wie ein Stein die Nacht

[Tatsujin]

ich schlaf nach minere überdosis matcha au immer wien es chliises chind.

[LeviathanX]

ich schlaf nach minere überdosis matcha au immer wien es chliises chind.

[Sephi]

Immunität gäg s Koffein... Da simer säuber dranne tschuld