PC Bild is Wohnzimmer Stream

[Sephi]

Und nomou e technischi Frog: Isch zum Streame vo Filme is Wohnzimmer nach wie vor Popcorn Hour so das wome aktuell brucht? Und chanme da evtl. ou grad s Biud vom Desktop diräkt streame, so dassme zum Bispiu chönnt PC-Games schpile oder schaffe ufem TV/Beamer?

Ig = Ke Ahnig vom Thema!

[Uriel]

Was du suechsch fürs Schaffe/Game heisst VNC.
Grundsätzlich chasch für Film so öppis we Popcorn Hour bruuche. Für dr Popcorn Hour gits au en VNC Client, wo aber sehr schlächt funktioniert ( resp. offebar gar nüm). Die bessere Konkurrente zur PCH sind Asus O!Play und WD TV Live. Ich han allerdings nüm soo viel Erfahrig mit dene Dinger, wil ich öppis anderes verwände.
Ich han mer en PC zämebaschtlet, wo bi mir Meidacenter Software we XBMC druf lauft. Über der PC han ich denn VNC -Sessions, mit dene ich der Mediacenter PC au chan über min Laptop etc stüüre. Allerdings funktioniert das mitem Game über VNC nüd soo guet. Mit gwüsse Games klappeds bi mir fascht ohni Problem, anderi startet gar nüd. Für Office etc. funktionierts problemlos.

Mit echli Glück chönnt Rasberry Pi dini beide Problem löse. Das isch es Mini Linux System für 35$, wo denn chönntisch VNC installiere + söll das Ding i der Lag sii, Film in 1080p ds streame. Es tönt extrem vielversprächend, ich wart sit em ne halbe Jahr uf das Ding. Es wird sicher e Baschtellösig sii, abr wenns würd so laufe, wes behauptet wird, wärs eine vo de geilschte Sache, wo i dem Jahr usecho sind.

[ritschi]

chönnt mr jetzt vorstelle, dass pc bild streame bits verzögerig het und nid so zum game g'eignet isch.

[Uriel]

Bi mim Heimnetzwerch über Kabel verwänd ich RealVNC. Under Windows isch d Verzögerig nüd spürbar. Über die wenige Games, wo funktioniert hend, au nüd. Allerdings hani au ke Ego -Shooter oder ähnlichs gamet.
Es isch uhuere krass, we latenzfrii VNC funktioniert.

[Sephi]

Ok, merci afemou für d Tipps - mau gugge. Süsch muesi haut es längs HDMI Kabu choufe für die paar mou woni der PC a Beamer wott hänke... De wäre nur no Tastatur/Muus/Controller s Problem.

[Sephi]

@ Uriel

Merci nomol für d Tipps, aber je länger je meh heimer s gfüehl en Barebone PC wär ehner s richtige für üs, damitmer gad no Bluray etc. bim Beamer ir nöchi hei und nid no wäge Tastatur/Muus Verlängerige müesse luege. Augemein wärs vermuetlech eifach gäbiger wiu eifacher zum Files umeschufle etc. Und de chöimer ou liecht sone VNC client drufhoue, nid? Was meinsch du zu folgende zwöi Agebot vom Digitec:

http://digitec.ch/ProdukteDetails2.aspx ... kel=214729" onclick="window.open(this.href);return false;

http://digitec.ch/ProdukteDetails2.aspx ... kel=214719" onclick="window.open(this.href);return false;

Sött ohni Problem goh zum 1080p Sache abzspile und z streame, nid? Und für games hätme de äbe VNC?

[Uriel]

1080p isch mit de Gräät, wo für dich in Frag chömed, kes problem. Ich würd us religiöse Gründ zum AMD Ding griffe (es isch au es biz schneller als d Atom/Ion Combo).
Allerdings han ich jetzt es paar Teschts gmacht mit VNC und Gaming und es gseht nüd guet uus: bi de meischte Games (Bioshock I &II. Skyrim) hani gar kes schlaus Bild, bi gwüsse gseht me nüd all Menus (A.I. Wars z.B.... crazy shit). Bi Civilisation V gahts es ziitli, denn wird dr Bildschirm pltzlich schwarz, es isch es märtyrium.

Ich würd also abrate, über VNC ds game. Nüd weg irgendwelcher Latenz, sondern wil viel Games es nüd suuber mitmached. (Fun fact: d Grafikschnittstell vo Linux, X11, beherrscht ds Darstelle vo Grafik übers Netzwerch sit ca. 15 Jahr...)

Wenn allerdings Bluray willsch, sind die Gräät, wo du grad usgwält häsch, zimli guet: dr Priis sich vergliichbar mitere Popcorn Hour und was d Kompatibilität zu Videoformat betrifft, übertrifft Windows halt nach wie vor nüüt.

[Sephi]

Nomol en Frog (mir hei das zwüschezitlech afemol miteme lange HDMI-Kabel glöst).

Was isch aber eigentlech mit streame vom Media Player uf en PS3 oder Xbox 360? Funktioniert das nid suber? Was wäred d Nachteile? Will d PS3 hani bereits am Beamer/Receiver und jetz hani gseh dass die min PC ja eigentlech findet im Netzwerch. Erfahrige? Formatproblem?