Möbel, Möbelhüüser, Gamermöbel etc...

[Marco_in_motion]

Da chönder geili Möbel ineposte, Ihrichtigstips, erfahrige mit div. Möbelhüüser etc...

Ahfangs Feb hani es Näst und es Sofa bstellt bi mycrib.ch



Hät gheisse i 4-6 Wuche isches da, also spätistens mitti März. Da ich uf dä 01.04.2012 züglet bin hani dänkt isch das tip top eso, hütt hämmer dä 27. und gester seg s'Sofa ahcho :typej:

Bin ja en zimmli geduldige Chund aber irgendwänn langets, ahzahle hani au müese. Und siit mitti März probieri diä lüüt ufem tel. z'erreiche, gester hanis dänn gschafft nachdem ich per E-mail ahkündet han dasi ahlüüte. Dänn händsmer no ä Liferig welle verchaufe, chosted 300.- und ich nur bis "Bordsteinkante" ä einzelni Katastrophe.
...am 10.05. sött s'Bett ahcho. Hät schomal öpper was vo däne kauft und au sone erfahrig gmacht?

Übrigens dä da wotti irgendwänn mal :

[blackraini]

S' Bett gseht no schön us. Sind dia gschwungene Element uf dr Siita mit Stoff bezoge (gsehs nid richtig)?
... So Theater mit Lieferige, nei Danke...

... Sofa kaufi mir nachem Studium a neus vo Vitra, Suita isch sau bequem und chasch x Variante zemmastella
http://www.vitra.com/de-ch/home/products/suita/splash/" onclick="window.open(this.href);return false;

[turntablism]

cools bett hesch der kauft ! passt zu de candys

[Avenger]

Geil Sofa isch das. Mis Budget het leider nume für es Manstad us em IKEA glängt.

[meyerli]

Isch das nöd de wo früener under derosa und na emen andere name möbel verchauft het? Han mal es sofa vom derosa gha, isch aber nöd würkli de hit gsi. Hend de d nöt grise. Han sogar s falsche becho gha bim abhole und bi de gschuld gsi willis nöd gnueg kontrolliert gha han. Nach 3 mönet ischer aber glich cho ustusche wills s ander au verchauft gha hend und drum brucht hend :typej:

würd nie me bi somene billig importer möbel chaufe

[Marco_in_motion]

Das Züüg wo ich bstellt han isch imfall voll Ikea Priis... Sofa 1200.-
Bett 900.- sind so billig produzierti designer Möbel. Werdet irgendwo churz vor Pole gmacht händs mer gseit.
Und anschiinend segeds eso in Verzug gsi will im Feb. i säbere Fabrik d'Maschinene ihgfrohre sind lol.

@blackraini : nei diä gschwungne Element sind Kunstläder bezoge.

@meyerli : Jep ich glaube das isch dä... Dänke au dass das Züüg qualitativ max. so guet wiä Ikea isch, wott und chan aber au keini 4000.- für so öppis uusgäh. Han eifach was stylisches welle.

[geosnow]

min traum wär alles selber designe und denn vomene schriiner mache lah. auf fiberglass teilis machemah. oder gussforme für platik möbel. oder schweisse für titan gstell.

[evo]

möbl? ui das seit mier iz gar nüüt. nimme meistens s züg vo dr stass mit wo anderi usestelle oder erbe züüg wenn kollege zügle

[Marco_in_motion]

Ja weisch wiä Geil! Isch eifach unbezahlbar...

[Marco_in_motion]

möbl? ui das seit mier iz gar nüüt. nimme meistens s züg vo dr stass mit wo anderi usestelle oder erbe züüg wenn kollege zügle

Wänns no bruuchbar isch und nöd abgsifft uusgseht warum nöd. Bi eus stelleds halt eifach sache use
Wo scho öppe 3x usegstellt worde sind...

[Buccaneer]

S Bett gfallt mir jetzt nideso, aber glich, s Design isch no Fräch.

De Sofler gseht hure geil us, aber au unbequem. Hesch chönen Probehocke? isch güt. Scheiss ha nich mich schwär tah es Sofa z chaufe. Sehr schwirig gsi.

Aber was ich am wichtigschte finde isch de Chuchitisch!!! De Rest isch mir Schnuppe, aber Tisch... Well de Tisch isch für mich so de Hauptpunkt ide Wohnig. Dete isst mer zäme, trifft sich und trinkt au viel. Mages nid, wenn de Bsuech ufem Sofa umegammled und de TV lauft. Sofa gammle ohni TV ok. Aber das verwandled all immer sofort in Zombis.

Irgendsowas hani. En massive Holztisch wo locker 10 Lüt ane passed. Mer chönnt au 12 anequetsche... dezue je nach Gusto Bänk oder Stüehl wo au relativ massiv sind.

[geosnow]

s'sofa hämmer vom interio usverchauf. balkontisch & -stüehl, esstisch & -stüehl, 3 kleiderschränk, , tivigstell, gamegstell & gamesässel, gäschtebett vode ikea. pult vode fründin isch vom conforama. chuchitisch & -stüehl hämmer gerbt. s einzig türe isch de lättliroscht und d matratz vom hüslernescht.

ich finde designer möbel in mietwohnige chli überbewertet. wenni mal chli meh geld für möbel usgib, denn wenni es huus chauf.

[TypeJ]

voreme jahr endlich es gschieds bett kauft:
http://www.flexside.ch/gelbett-varianten.htm" onclick="window.open(this.href);return false;
schlafsch wie gott!!! service isch au de hammer, isch familiebetrieb, do wirsch na bevorzugt bedient! würklich empfehlenswert!!!

chaschte etc. hemmer im märki kauft, geili qualität, fründlech, super!

[turntablism]

ich chaf au immer billige 08/15 seich im conforama. s problem isch würklich wenn das gschmäus eimal züglisch, chasch es grad is hagenholz bringe wells kaputt gange isch. zur ikea gang ich aber nie meh, bin 2 vo 2 mal ufd`schnörre gheit bi dem lade. zweimal hani dihei möbel dervo zämegsetzt und zwei mal isch irgendswas falsch gloffe, bim sideboard het e nuet i de rückwand gfehlt und bim andere isch au öpis falsch drin gsi

[TypeJ]

ha bis 30gi au nur billige schaiss kauft..aber irgendwenn hani doch mal was richtigs welle! und de underschied sind WELTE!

[evo]

e Bett macht au voll sinn findi. git wenig möbel wos wirklich uf qualität akunt.
amne billige tisch kasch partisch genau gliich guet ässe oder zitig läse wie ufme 5000 fränkige

[Avenger]

Bett bruch i bald es neus. Benutzt hie öpper es Wasserbett und cha vo sine Erfahrige brichte?

[boergi]

http://www.moebel-berger.ch

[Buccaneer]

ich chaf au immer billige 08/15 seich im conforama. s problem isch würklich wenn das gschmäus eimal züglisch, chasch es grad is hagenholz bringe wells kaputt gange isch. zur ikea gang ich aber nie meh, bin 2 vo 2 mal ufd`schnörre gheit bi dem lade. zweimal hani dihei möbel dervo zämegsetzt und zwei mal isch irgendswas falsch gloffe, bim sideboard het e nuet i de rückwand gfehlt und bim andere isch au öpis falsch drin gsi

versteht die Anleitung nicht!

Haha isch leider schono oft eso. Einmal hed sogar de Scheiss Bauplan gfählt und es isch nid es simpels Möbel gsi.

[thaeye]

isch eh alles china war. chinderarbet wie mis sofa.

[thaeye]

lol i dem bett vögle, viel spass.

[turntablism]

isch eh alles china war. chinderarbet wie mis sofa.

chinderarbet würdi jetzt nöd grad säge, aber es isch billig = (schrott) und günschtig

[turntablism]

lol i dem bett vögle, viel spass.

[geosnow]

und de underschied sind WELTE!

das isch scho so. aber leider passt en saarinen tisch nöd i jedes zimmer. 2. isch es au no e türi a glägeheit alles bi vitra zchaufe.

[meyerli]

@meyerli : Jep ich glaube das isch dä... Dänke au dass das Züüg qualitativ max. so guet wiä Ikea isch, wott und chan aber au keini 4000.- für so öppis uusgäh. Han eifach was stylisches welle.

Mis sofa het 1700 kostet gha, isch aber grad ab lager gsi. Cha nöd es möbel chaufe und de wuchelang warte. Mueses sofort ha! Isch es eck sofa gsi mit 3m längi pro site.

Ikea findi super. Sind am überlege en chuchi vo dete zhole, aber ev au usem dütsche.