[Serie] Avatar: Legend of Korra

[feeshlee]

Sequel zu Avatar: Legend of Aang.

Han etz mal die vier erschte Episode gluegt. Gfallt mer.

http://www.imdb.com/title/tt1695360/" onclick="window.open(this.href);return false;

[feeshlee]

Isch na guet.

[Master(G)]

ich freu mi au druuf. allerdings warti no bis season 1 dure isch...

[Astroboy]

Ha chürzlech zum Hirni verlüfte mit Season 1 vom Original aagfange.
Wirds no besser? Bi ize aafangs 2. Staffle und es isch eher mau, dr Glatzchopf und dr Hormontubel närvt, d'Charakterentwicklig isch schleppend und lustig isches nur säute. Und Elementkämpf gits ou viu zwenig. Super isch die Foug mit de Hippiegypsies gsi. Und da dr Opaunkel vom Narbefüürio isch dr Knaller, dä chunnt viu zwenig vor. Es sött es Spin-Off gä über dä, wiener Blueme sammlet! Er erinneret mi chly ab Bob Ross.

[O_O]

ja wird immer wie besser. bi oh erst afangs mitti season 2 voll inecho.

[Astroboy]

Fair, dämfau blibi dranne, merci.

[Supersonic]

Alt findi grandios, neu findi bis jetzt sehr unterhaltsam.

[Snatcher]

oh ja vor allem ab de mitti zieht de ersti teil starch ah, hans gliebt.

[feeshlee]

s'erschte buech voms korra isch jetzt nöd schlächt gsi. wobii es git kei adüütig, wies im zweite chönt wiitergah.

[Tako-yaki (ex bahamutzero)]

bi mir het's gli länger brucht bis Avatar gluegt ha.
Has am Afang für dr üblich Nickelodeon Lölli-quatsch abstemplet und ignoriert :typej:

ha denn aber paar spöteri folge gseh (Tochter sei dank) wo grad story und kampfmässig interessant gsi sind.
has denn vo afang afo luege und han alli 3 staffle quasi am Stück gfresse.
und bi nid enttüscht worde grad ab dr mitti sichs recht afoht steigere.
grad die folg "The Puppetmaster" (Drama um Hama) im dritte buech het enorm gfalle.

Ha die hüt und gescht alli folge vo Legend of Korra Session 1 inozoge.
Am afang isch gli gwöhnigs bedürftig gsi weil sich doch recht vom alte unterschiedet.
Aber find mir gwöhnt sich schnell dra und grad das Steam-Punk aghuchte setting findi sehr cool und muetig gwählt
freu mi uff die nächscht Session und hoff das sich Story und Charakter sich no steigere werde

[Supersonic]