Programm zum d Hard Disk Checke

[Sephi]

Weles Programm isch empfählenswärt? Si ratteret momentan ständig u würd gärn en tscheck mache.

[feeshlee]

hdd health vo panterasoft

[Sephi]

kk merci!

[Mastler(P)]

ich han amigs spinrite für maintenance brucht.

[ritschi]

guete avatar.

[Uriel]

Es chunnt zimli druf aa, was genau überprüefe willsch.
E ratterndi Feschtplatte chan au eini sii, wo eifach starch fragmentiert und voll isch. Denn chan Windows scho mal müeh becho, d Uuslagerigsdatei uf dr Feschtplatte abdslegge, was denn zunere grössere Beaspruchig vo de Feschtplatte füehrt.

Wenn mehreri Mal es luuts «KLACK» ghörsch, chans sii, dass im harmlose Fall, d Feschtplatte ständig parkiert, d.h. in Ruhezuestand wächslet. Wennd en Lenovo hesch, würd ich denn mal die «Tinktools» Dinger update. Es isch allerdings hüüfig soo, dass dr d Feschtplatte glii abliit (v.a. wenn hüüfiger langi Warteziite oder crashes häsch).

Wenn meinsch, ds Dateisystem het mal bim ne Absturz schade gnaa, denn chasch mal checkdisk oder sfc laufe laa. Sind beides Tools, wo bi Windows 7 derbii sind.

Grundsätzlich han ich jetzt scho mehreri toti Feschplatte gsee, und bi keinere het S.M.A.R.T (es Feschplatte-Check-Dings)irgend öppis verdächtigs gmeldet gha. Erscht wos ganz kaputt gsi sind, het S.M.A.R.T. mal reklamiert. Deshalb: Sött es Tool, wod verwendisch, dir «S.M.A.R.T Status: OK» oder so mälde, vergiss nüd:

«The Cake is a lie»

[Sephi]

Ok merci füre detaillierter bscheid. Si het mal 20 Minute am Stück gratteret, sithär isch aber wider guet. Was allerdings öfter passiert isch dass si plötzlech bimene Ordner extrem lang het bis der Ordner glade isch.