ms9 chassis ad röhre aaschlüsse.

[damian]

jetzt hani ich vorher gad mis defekte ms9 chassis mit eme funktionierende welä wechsle und han mir dummerwiis nöd bi allne stecker gmerkt wie die dra gsi sind. namentlich sind das 3 mal en 2 Pol stecker wo i beidi richtige chasch iistecke (also dä stecker erlaubt dass mer si 180° verchehrt iisteckt)

2 stecker händ dicki kabel und en dicke stecker. 1 eher dünneri kabel und en dünnere stecker.

bi dä dicke stecker chömet beidi vo dä röhre her: dä eint hine, eher bim hals (aber nöd det wos chassis dra gmacht wird, sondern chli wiiter vorne); dä ander gaht füre i dä elektrochreis vorne bi dä röhre.

dä dünn stecker chunt ebefalls vo dä röhre hine

und dänn isch no es einzelns schwarzes kabel vo obe woni plötzli dä pin nümm gseh wos dra chunt.

chan mir da öpper helfe? ich idiot han doch genau gwüsst dassi vorher mues luege, aber natürli nöd gnueg guet :typej:


ah ja, woni iigstellt han isch s'bild en vertikale strich gsi (öppe 1cm breit)

[Marco_in_motion]

Villicht hilft das?

Ha grad gmerkt dases nöd hilft, aber evtl. das da :
http://forum.arcadeotaku.com/viewtopic.php?f=4&t=12375

[damian]

perfekt, genau die stecker sinds

[Marco_in_motion]

perfekt, genau die stecker sinds

Welli meinsch? diä vom Bild oder diä vom Link?

[damian]

vom bild

[Marco_in_motion]

Aaaahhhh!

Diä Stecker entscheided ob s'Bild gflippt wird oder nöd! lueg 2. Post http://www.emphatic.se/?p=1025

Hau ine, hoffentlich funzt's...

[turntablism]

ah ja, woni iigstellt han isch s'bild en vertikale strich gsi (öppe 1cm breit)

das gits wenn vertikalablenkig/horizontalablenkig kaputt isch oder....hesch d`fernbedienigs platine aghänkt (die platine mit de regler brightness contrast usw..) wenn diä nöd agschlosse isch hesch au en strich

[damian]

doch, die hani aagschlosse. und etz au alles so wie uf em bild. nur eis einzelns dicks kabel mit stecker weissi nöd wos anechunt. ev liegts ja au a dem... es müest irgendwo uf dä platine en einzelne pin ha.

bi dem schwarze teil (hochspannigsgenerator?) häts so en pin, aber dä chans glaubs nöd si, will er zwiit wäg isch (s'kabel chunt nöd bis det ane) und ussertdem det scho es kabel fürd erdig dra isch...

[Marco_in_motion]

lueg eifach das der de Scheiss nöd um d'Ohre flügt!

[damian]

ich wart mal ufd experte

[Marco_in_motion]

lüüt am Hyun Soo ah?

[mastercello]

Müesst de Ground vom Neckboard (Print hinde a de Röhre) si...lueg mol dete!

[damian]

Müesst de Ground vom Neckboard (Print hinde a de Röhre) si...lueg mol dete!

tatsächlich, det hani natürli nöd glueget gha...

[damian]

han aagschlosse, aber immer no sgliiche problem: en vertikale strich...
was chönti ächt falsch aagschlosse si, dass das so isch? ich nimm mal aa s'chassis funzt scho no, schliesslich häts dä vectrex erst vor ere wuche mir verchauft gha und wohl vorher scho no testet...

[turntablism]

tönt jetzt blöd aber hesch bildbreiti au scho versuecht mit de poti z`regle ? (s`bild breiter mache)

[damian]

ja, die regler a dä kontrolplatine händ kein effekt ufs bild. vertikale stretch und shift hingege scho... d.h. effektiv d'horizontalablenkig fehlt... jetzt wo alles korrekt aagschlosse si müest, frägi mi öbs ächt würkli butt isch... oder was chönti ächt falsch aagschlosse si oder fähle, demit das so isch?

[turntablism]

en wackel hesch au nöd feschtgstellt ? wenner lauft a de kabel es bitz rüttle (achtung hochspannung!)

[damian]

nei...

[Tatsujin]

merke, bevor mer stecker entfernt, immer zersch es fetli devo mache wos denn wieder herechömid. het mer scho hunderti vo schtunde a ziit gschänkt.

[Avenger]

bevor mer stecker entfernt, immer zersch es fetli devo mache wos denn wieder herechömid

[turntablism]

hmmmm....ich chan leider nümm helfe, bin eh nur diletant ....probiers bim arcadezentrum de winni, oder uf englisch im arcadeotaku de grantspain


edit: was isch denn a dim defekte chassi de fehler/defekt ? bzw. warum hesch es jetzt gwechslet..

[damian]

ok, es lauft etz.

ABER:

s'bild isch sehr dunkel und kontrastarm. sälbst wänni dä kontrastregler uf dä reglerplatine, sowie dä uf em pcb selber ufs maximum stelle, sowie a dä hochspannig d'stärki ufs optimum iistelle, isch s'bild eifach so dunkel wie wänn bi mim alte chassis alles uf minimum gsi isch. also mer chan zwar demit spiele, aber spass mache tuets nöd... hät da öpper ä idee a was dass das liegt?

[turntablism]

nimm mal d`sunnebrülle ab...
am zeilentrafo (schwarze chlotz mit anodechappe wo uf d`röhre gaht) het zwei regler screen und focus, dört chasch meh pfuus gäh

aber es lauft schomal

[damian]

das hani gmacht, aber es nützt nüt. wänni det me pfus gibe wird s'bild eifach sehr wiiss und hät querstreife drin.

es isch als ob s'iigangssignal z'schwach wär. so wie wänn dä iigangswiderstand zhöch wär und bim blau namal chli me zhöch (es hät nämli en liechte gälstich, wänni alli rgb gain und cut abschalte). aber soviel ich weiss chammer bim ms9 dä iigangswiderstand nöd iistelle... oder?

ich han nämli mal genau sgliiche problem gha mit eme alte monitor und dä hani dänn drum furtgrüert, ev. verstönd anderi mensche öppis anders unter "funktionstüchtig"...

[boergi]

i lüte der hütt zobe no ah.