Master System Versionsunterschiede

[Herr Rossi]

Sali zäme

Mine Brüeder hed zwöi Master System 1. Bim einte schtot unde RGB FR (nime a isch die französisch Version) und bim andere PAL-G. D Konsole sind unterschidlich schwär, bim RGB FR isch s Alex Kidd 1 "vorinschtalliert", bim andere s Hang On. Bim RGB FR Grät isch hinde de RF-Antenneaschluss werksmässig abkläbt, d Konsole lauft ufere 50Hz Röhre mit em RGB Adapter über Scart.

So wiit so guet.

S PAL-G Grät lauft nur über s RF Kabel, aber nid mit em RGB Adapter, det chund de nume de Ton ufs Grät, s Bild fählt.

Komischerwiis gid s französische Grät im Gägezug aber ufeme andere 50Hz Röhre TV keis Bild use.

Irgend öper e Idee wie mer....

a) s PAL-G Grät über de RGB Adapter mit Bild zlaufe bringt und
b) s Franzosegrät ufem andere TV dezue bringt öpis azzeige

Chunsch druus?

Cha löte, also sind au Baschtelaleitige für dubiosi Kabel willkomme

Danke gäll

[Tatsujin]

poscht bitte mal bilder vo dene stecker & adapter. ds SMS chan ja eigentlich vo huus uus RGB. wenn es MD RGB kabel hesch, chöntisch das mal uusprobiere.

ds FR SMS isch wahrschiinlich intern modifiziert worde (us wellem grund au immer? secam?)

und mach doch bitte au mal beidi uuf, den gseht mehr na ehnder was gloffe isch, und werum ds einte merklich schwerer isch.

[Herr Rossi]

Ja, ich dänke das wirdi am Wuchenänd mol mache. Wobi ich dänke dass de Franzosemaster eher nid modifiziert worde isch --> de Chläber isch Original, wahrschinlich hends bi schpötere Modell eifach de RF Out nümm welle verwände. Bi Sega bini was das abelangt aber scho bim MS2 nid drus cho; kei RGB Out me, wie tumm mues me sii.....

Danke für de Tip mit em RGB MD Kabel, probiere das no us. Ha grad no gläse das es de au nur mit eme MD1 RGB Kabel got.... :typej:

Wenn suscht no Idee ume sind, merci defür.

[damian]

isch würkli recht seltsam. ich han au kei erklärig, aber viellicht hilft dir folgendes wüsse wiiter:

bisch sicher dass dis kabel es rgb kabel isch? also staht bi dä signalquelle rgb, und es hät au schöns bild? (wänn dis funktionierende grät aagschlosse häsch?)

rgb wird ussertdem nur aazeigt, wänn uf eme scart-pin ä 5V spannig isch. ganz wenig fernseh zeigets au ohni die aa. ev fehlt bi dim selber bastlete kabel/mastersystem die 5V spannig und zeigts drum nur uf dem einte fernseh aa...

es master system 1 sött vo huus us rgb chöne. es isch mir also es absoluts rätsel, wieso dass s'gliiche kabel uf em einte gaht und uf em andere nöd.

Moment mal, da chunt mer in sinn: ich han genau das problem au mal gha wo ich anere gn han wele es (japanischs) sms aaschlüsse. es isch eifach nöd gange uf 2 fernseh und dihei ischs wieder gange, ich han aber nöd chöne evaluiere wieso. a de 5V spannig ischs sicher nöd gläge... ich hans mir dänn eifach so erklärt, dass damals wos sms usecho isch rgb no kein offizielle standart gsi isch und drum gwüssni norme nöd immer chöntet kompatibel si. (scart gits erst sit dä 80er, genau wies sms). ich han nöd usegfunde was ich det falscgh gmacht han... ev. isch au d'5V spannig z'schwach, so dasses amel nöd gaht und amel scho...

da no d'pinouts:

[Tatsujin]

ich hans mir dänn eifach so erklärt, dass damals wos sms usecho isch rgb no kein offizielle standart gsi isch und drum gwüssni norme nöd immer chöntet kompatibel si. (scart gits erst sit dä 80er, genau wies sms).

das glaub ich etz eher weniger.

[damian]

und chöntis ächt so öppis si, wie dass d'5V spannig z'schwach worde isch will irgend en elko uströchnet isch oder so? wär das möglich?

[Tatsujin]

chönti si. müesst mer ebe mal uusmässe

[damian]

interessant, lueget mer mal was s'andere kabel seit... wänn mit dem sgliich isch müest mer würkli mal usmesse... *spannend*

[Herr Rossi]

und chöntis ächt so öppis si, wie dass d'5V spannig z'schwach worde isch will irgend en elko uströchnet isch oder so? wär das möglich?

Das isch au mi erscht Gedanke gsii, wil s Bild doch sehr churz ganz schwach sichtbar gsi und denn usbländet worde isch. Eigentlich typischs Fählerbild
Mängisch sett mer de erscht Gedanke witer verfolge....
Lueg mer bi Glägeheit mol d Elkos aa öb gwüssni scho chli ufbläit sind.

[damian]

ich glaubs d'5V spannig isch nur 1 oder 0. wänn d'spannig ime bestimmte bereich isch wirds bild aazeigt und sust nöd. d.h. weniger spanig isch nöd eifach es dünklers bild. aber es chan si dass dur zuefall bim aaschalte s'bild no churz ufblitzt oder so...

[Tatsujin]

Genau

[Grisu]

Hoi zäme

Bi de brüeder vom Herr Rossi, dä mit de beide Master System. Zwerscht mol merci fürs hälfe Chopfzerbräche

Muess mol warte, bes min Brüeder verbichunt, be sälber voll de Laie wenns zu technisch wird...

Zum eine bini sehr gespannt, was die Unterschied vo de beide Grät usmacht, jetz hani äbe grad wäg dene Retro-Konsole wieder en Röhre-TV gholt... :typej:
Zum andre möchti eis Grät (glaubs s'französische, isch imne schöne Zuestand) no verchaufe und nid unbedingt müesse min alti Röhre-TV dezuegäh, damits denn bem neue Bsitzer nur det druff lauft.

Han sälber 100stutz (ech weiss, esch vell zvell) defür zahlt, würds aber für ca. 70stutz mit emne Alex Kidd High Tech World zäme verchaufe (falls de AlexKidd nid no uf Ricardo wäggoht bis morn). Stells de mol do is forum ine..

[damian]

das mit de 5V spannig chasch recht easy teste wänn eifach es externs netzteil an scartstecker lötisch. hani au scho gmacht

[Herr Rossi]

Da mal no es churzes Feedback

S PAL Grät (V3) isch vor allem wäg em Abschirmblech chli schwerer. Dur s fähle vom Bläch isch d NTSC Konsole übel verschtaubt gsi, Grüenspan uf de Chupferflächene etc... s PAL Grät gset defür inne us wie usem Lade. Naja, mer weiss ja nid wie die Grät vo de Vorbsitzer behandlet worde sind.
D Platine sind natürlich au chli andersch beschtückt.

PAL-Grät
http://imageshack.us/photo/my-images/85 ... 44713.jpg/" onclick="window.open(this.href);return false;

obe NTSC, unde PAL
http://imageshack.us/photo/my-images/70 ... 29664.jpg/" onclick="window.open(this.href);return false;

http://imageshack.us/photo/my-images/3/ ... 39558.jpg/" onclick="window.open(this.href);return false;

http://imageshack.us/photo/my-images/80 ... 44598.jpg/" onclick="window.open(this.href);return false;

Jetzt juckts mi grad i de Finger, ha Luscht e 50/60 Hz Umbau zmache

[geosnow]

ja mach!

[Herr Rossi]

Das isch ja voll easy zum mache. --> http://circuit-board.de/forum/viewtopic.php?t=202
Ich lueg mol mit em Brüeder öb er sich dezue lod lo überrede. AM beschte grad beid umbaue

[Tatsujin]

Am beschte es jap oder fm mod

[Herr Rossi]

De Grisu hed jo zwöi, de chamer chli baschtle

[Grisu]

:looool: baschtlä nöchst Wuche

[Herr Rossi]

Baschtelschtund erfolgrich beändet, jetz hed de Grisu es französisches RGB MS mit 50/60 Switch.
D PCB isch dezänt andersch als bi de PAL MS.

Bild isch de Hammer

[Tatsujin]

dä RGB umbau isch schiins rächt kompliziert.

[Grisu]

Isch scho bizli müesamer als dänkt gsi. S'komische a de franz. RGB-Version isch dä huuseigni Secam-Umbau. Da muesch scho aglöteti Kabel wieder umleite...
Bem dütsche PAL-Grät goht das ganze jetz vell schneller..

Wär wott MasterSystem 50/60Hz Umbau?

[Tatsujin]

logisch, ds SMS isch ja vo huus uus RGB

[Herr Rossi]

logisch, ds SMS isch ja vo huus uus RGB

Nume s eis, s zwöi nümm :typej:
Aber s 2 isch jo au hässlech wie nüt anders

[Tatsujin]

logisch! kein normale mänsch ever würdi es SMS 2 poschte.