S: Canon Objektive

[Supersonic]

Hett öpper öppis cools woner nüme bruucht? Egal ob FD oder EOS! Mich interessiered au die alte!

[Acid]

tuesch adapterle? oder hesch eifach no alti SLRs?

Ich han es Peleng 8mm Fisheye woni niä bruch, und verchauf wenn wilsch. Und bim 150mm Makro vo Sigma überlegimers au scho länger. Beides EOS.

Es 17-50er wirsch jo nid bruchä nimi ah?

[Supersonic]

tuesch adapterle? oder hesch eifach no alti SLRs?

Ich han es Peleng 8mm Fisheye woni niä bruch, und verchauf wenn wilsch. Und bim 150mm Makro vo Sigma überlegimers au scho länger. Beides EOS.

Es 17-50er wirsch jo nid bruchä nimi ah?

Sorry erst jetzt gseh, too many Topics!
Ich würd adapterle ja! Bi gwüsse Objektiv lohnt sich das extrem!

Wieviel würdsch denn für de jewiils wele? s'150mm vo Sigma nimmt mi am meiste wunder, de Rest aber au.
Es 17-50er isch nöd grad de Favourite zum filme, chan aber au hilfriich sii.

[Acid]

Ach so... ja, han ebä amigs nur ghört dasses bim Adaptiere vom FD Linsä echli problematisch chan si, will jo nid Linsä los chan Adaptiert werdä... grad zum Filmä, wemer sowieso manuell fokusiert, gits natürlich aber au suscht no einiges a Adapter für ES.

Also:

-EX Sigma 150mm 1:2.8 APO MACRO DG HSM -> Absolut iwandfreiä Zuestand, kei chrätzerli uf de Linsä oder so öpis. Au Funktionell hetti niä en Fehler bemerkt, und üsserlich au kei grossi Gebruchsspurä. Debi isch e Streuliechtblendi, Stativschällä, Objektivköcher, und natürlich de hinder und de vorder Deckel.

Mer ghört jo amigs vo Seriästroiig bi Sigma... weiss nid wiä sehr das uf das Modell au zuätrifft. Warschindlich nid so fescht, wasi aber chan sägä isch dass mis Exemplar uf jedä Fall Sau scharf isch. Isch geile Ding.

Uf Grund vo dem wär min Vorschlag 500.- Stei


-MS Peleng 3.5/8A (8mm Fisheye) -> das hanni öperem als Neuwertig ab kauft.. leider ischs das gar nid de Fall gsi.
Janu, es isch es Massivs Teil und ich glaub i de Funktion heds kei Schädä... D Frontlinsä hed nachere intensivä Reinigung au nur es paar Spurä, wo aber eigentlich so viel ich gseh han kei Uswürkig ufs Bild händ. (do muemer aber ufpassä, will d Deckel (vornä und hinnä) sind für nüt... hebed kei Bitz, drum immer en Gummi drum... zur Sicherheit, logisch.)

Abgseh devo isch das Objektiv aber natürlich vo de Bildqualität her sowieso meh eifach für e Witzigä Effekt ufgrund vom grossä Bildwinkel und weniger für qualitativ höchschtwertigi Ergebniss z bruchä. Villicht würd bim Filme no chli vo de chlinere Uflösig profitiere.
Es isch natürlich 100% Manuell, und hed au gar kei Kontakt wo de Kamera irgendwelchi Datä wür witergeh (also au kei Bländäinformation oder so). Debi sind diä beidä Deckel, und d Originalschachtlä (wo zwar eigentlich gar nüt bringt, chaschsi aber natürlich glich ha).

Do wär min Voschlag 100.- Hebel (will meh würdi für das wahrschindlich au nid zahlä)


-Tamron ASPHERICAL LD XR Di II SP AF 17-50mm 1:2.8 (IF) A16 -> Do muemer grad zerscht sägä, das isch natürlich für EF-S... wenn Vollformat hesch, gheit das also nur scho wäg dem weg. Isch das woni sicher am meischtä brucht han vo denä, aber isch trotzdem no in guetem Zuästand. Au do kei Chratzer, hed au no en B+W UV Filter drufgschrubed, de gits au mit (ich bevorzug eh ohni eigentlich...), au üsserlich kei Gröberi Gschichtä. Isch au es qalitativ guet gmachts Ding, mit Metall Bajonet und so, damals wonis kauft han (wohl so 3-4 Johr) de Canon Alternativä überlägä gsi (zumindescht denä wos eim amigs grad mit de Kamera wänd adrüllä). Debi Streuliechtbländi, und diä beidä Objektivdeckel (diä hani zwar Ewig nüm drum gha, wills jetzt woni diä Digital fascht niä meh bruch eigentlich immer uf de Kamera isch, aber irgendwo sinds sicher no...).
Min Vorschlag 180.-


Hoffentlich gnau gnueg beschriebä
Aber wenn no frogä hesch nur zuä...

[h4xX0r]

ich han no e A1 mit objektiv gönnd die au?

[Supersonic]

@Acid
Dini Makro Linse isch es Tröimli aber eis woni mir momentan nöd leiste chan. De Priis isch guet, aber liit momentan eifach nöd drin.
S'Tamron interessiert mi aber zimli da ich eh ä 7D hett, würd also guet passe! Ich mues nochli recherchiere öbi sie wükli chan bruuche fürs filme aber ich meld mi nomal.

@Haxx0r
Joa sicher, was häsch so für Objektiv?
Makro isch gsuecht vo mir!

[kabuki]

hätti es manuels canon fd objektiv
50mm und 1.4 bländi
68.-

[Supersonic]

Tamron isch gekauft!
Wohnsch du in Zurigo oder ide nööchi?

[h4xX0r]

ich han:
Canon Zoom Lens FD 80-200mm 1:4
80 Frengg

35-70 mit Makro
50 frengg

und e canon T90
100 frengg

ohni shipping

[Supersonic]

ich han:
Canon Zoom Lens FD 80-200mm 1:4
80 Frengg

35-70 mit Makro
50 frengg

und e canon T90
100 frengg

ohni shipping

Wenni d'Makro mal uusprobiere chönnt wäri vilicht interessiert!

[Acid]

Tamron isch gekauft!
Wohnsch du in Zurigo oder ide nööchi?

Nei... Chur. Aber chasch mer suscht dini Adrässä durägeh per PN, ich gibdr denn d Kontodatä durä. Mues eh no uf d Poscht anderi Päckli go verschickä.

[h4xX0r]

ich han:
Canon Zoom Lens FD 80-200mm 1:4
80 Frengg

35-70 mit Makro
50 frengg

und e canon T90
100 frengg

ohni shipping

Wenni d'Makro mal uusprobiere chönnt wäri vilicht interessiert!

ja chunnsch mal uf fislisbach lol