Alice im Wunderland

[Jaffar Sholva]

Salü zäme

Aus erschts möchti am Masatshi fürd Gnähmigung zur Veröffentlichung vo däm Thread danke.

I möcht öich gärn äs Projekt vo mir as Härze lege. Es nenntsech Freaks On Sofa, vilech het ds dr eint oder anger scho mau ghört. Üs gits sit guet zwöi Jahr. Bis i Novämber 2011 heimer sibe pdf-Magazin usebracht, wo mir üs mit spezielle Themene befasst und Reviews, Kolumnene und News gschribe hei. Mir hei zum Bischpiu äs Special zur Kirby- und Prince of Persia Serie veröffentlecht. Nach über emne haube Jahr "Pouse" heimer die Wuche ä interaktivi Flash-Präsentation zu Alice im Wunderland usegä:

http://www.freaks-on-sofa.org/alice-im- ... d-special/" onclick="window.open(this.href);return false;

Mir behandle d Büecher vom Lewis Carroll, d Gschicht vor Bootsfahrt wo zu dene Büecher gfüehrt het, d Comicableger, d Buechtrilogie vom Frank Beddor, dr Disney- und Burton-Fium und natürlech aui Games zu Alice, insbesondere am American McGee sini. Üse Ahschpruch isch gsi, ts Wunderland vo aune Site ts belüchte und Verbindige zwüsche de verschidnige Medie härzschteue. Mir hei es haubs Dotze Gaschtbihträg und befasse üs mitem Horrorwunderland, mite Schprachschpilereie vom Humpty-Dumpty (Goggelmoggel), mit dr Psyche, mitem Nonsense. Säubscht dr Fium Paprika vom Satoshi Kon wird no churz erwähnt. Ts Spektrum isch aso sehr breit und es schteckt enorm viu Arbeit drhinger. Mir würde üs fröie, wender ä Blick würdet driwärfe. Für jegliches Feedback hie im Forum, ufm Blog oder uf Twitter bzw. Facebook simer sehr dankbar.

[O_O]

han d helfti vom kirby artikel gläse. nei danke


adie

[Mastler(P)]

Aus erschts möchti am Masatshi fürd Gnähmigung zur Veröffentlichung vo däm Thread danke.