Strafazeig erstatte

[Master Schief]

Guete Tag die Herre!

Ha es problem und evtl. cha mer öpper vo öich häufe (i hoffes)...

Situation:
Person B ungerschribt e Vertrag (Mietvertrag) bi Person A.
Person B zahlt ke Mieti... seit immer wider "jaja i zahles de"...
Person A macht Druck...
Person B wott uf einisch sini schulde bi Person A nüm begliche...
Person A fingt use, dass Person B bevormundet isch und somit d'Ungerschrift vo Person B ufem Mietvertrag ungültig isch.

Jetz isch die Frage....: Cha Person A e Azeig wäge irrefüehrig, betrug oder schüsch öppisem erstatte???

[Mastler(P)]

es wär logisch.. scho mal dim fründ und helfer aglühte?

[Master Schief]

es wär logisch.. scho mal dim fründ und helfer aglühte?

hehe jaaa... dä typ het aber ke ahnig gha... het mer gseit söu uf d'vormundschaftsbehörde alüte.
Hani gmacht und disi het gseit "näi, das sig s'risiko vo der andere partei".... was vo mir us gseh aber schwachsinn isch...

[Mastler(P)]

lol. frög mal dä jones.

[Chäller]

Hani gmacht und disi het gseit "näi, das sig s'risiko vo der andere partei"....

Isch glaub würklich eso. Häsch kei Rechtsschutzversicherig? Chasch dene mal aalüüte.

[TypeJ]

ja man, was willsch bulle froge? frog en awalt

[Tatsujin]

isch schief gloffe.

[Skeletor]

Hani gmacht und disi het gseit "näi, das sig s'risiko vo der andere partei"....

Isch glaub würklich eso. Häsch kei Rechtsschutzversicherig? Chasch dene mal aalüüte.

ich meinti au isch eso.

[geosnow]

yep, für das gits awält. das sind immer d gwünner vo allem.

[Mastler(P)]

ok, frög dä spaghett.

[resuscitation]

klare Fall für d'Rächtschutz

[Grisu]

Ah schiet.
Wenns nid allzu viel Gäld isch, ischs bescht wo chasch mache, in Zuekunft gnaueri Informatione über möglechi "Mieter" izhole.
...und chünde muesch em jo süsch au nid, falls er, wie du seisch, demfall offiziell nid det wohnt

[damian]

ich het etz au gseit, dasses d'sach vo jedem vertragsteilnehmer isch sich über d'mündigkeit vo sim vertragspartner z'informiere.

Es isch bi bevormundete persone ziemli fies, aber was wilsch mache... wänn öpper bevormundet isch händ sini vertragsabschlüss eifach kei rechtschraft ohni vormund!

Uf em Strafwäg weissi nöd wie's isch. Det chasch en sicher wäge betrug (absichtlichs vortüsche vonere mündigkeit) aaklage, bevormundig schützt vo straftate wohl nöd. Aber das bringt dir kei geld....

[Avenger]

Das heisst er wohnt jetz in ere Wohnig ohni gültige Vertrag? De chasch ihn grad vor d Tür stelle, oder wie?

[Herr Rossi]

ich würd ihm höflich säge das er sini sibe sache innerhalb vo einere wuche sel packe und verschwinde. wenn er das nid macht gits e strafazeig wäge vorsätzlecher tüschig. das chasch uf jedem polizeiposchte mache. wenn er nid druf igat muesch es eifach de au mache, choschtet dich nüt. s gäld für d mieti muesch vergässe, ha die erfahrig (mit eme entmündete) leider au scho müsse mache.

d vormundschaftsbehörde hed mir empfohle azeig zmache. eifach us prinzip, kohle isch furt gsii aber de wixer hed es problem meh am hals gha.

[Jones]

würd o dr rächtschutz ischalte... und hoffe!

ob z'reine verschwiege vome vormund nach altem recht (neu: umfassendi Bistandschaft) längt, zum eine wäge betrug z'verurteile, weissi aber nid! das isch sach vo de richter... us mire sicht wirds wohl eher knapp...

zudem isch wie gseit z'beachte dass es sit am 1.1.13 äbe ke vormundschaft meh git u somit o ke unmündige bürger. da het einiges gänderet... vormundschafte si outomatisch i umfassendi bistandschafte umgwandlet worde. ob e mönsch mitere umfassende bistandschaft itz e vertrag darf ungerschriebe oder nid isch auso d'frag... i dänkes nid! es isch die 4. (und hertischti) stufe vore bistandschaft:
siehe: http://www.beobachter.ch/familie/vormun ... nach-mass/" onclick="window.open(this.href);return false;

betriebe chasch ja (gloubi) sowieso! das isch ja das, wo dir öpis bringt! ob eine itz e bedingti geldstraf bechunnt oder nid isch für di doch sekundär. du möchtsch gärn dis geld zrügg! okay... nid dass es de o sicher bechämsch, nur wiu ihn würsch betriebe...

[Jones]

Das heisst er wohnt jetz in ere Wohnig ohni gültige Vertrag? De chasch ihn grad vor d Tür stelle, oder wie?

e interessante asatz! ohni mündigkeit ke vertrag. ohni rächtsgültige vertrag ke mieterschutz! wär sicher abzkläre...

[Avenger]

Isch äbe d Frog und müesst me sowieso abkläre. Bispiel us der Praxis si sicher besser.

Du Nerv, heit der scho einisch so e Fau gha? Und wie fingt me das überhoupt use ob eine e Bistand het oder nid?

[damian]

er isch unrechtmässig drin d.h. je schneller dusse desto schneller en neue mieter. lüt dä polizei aa, en unberechtigte bsetzt dis hus, er hät sich mit betrügerischem verhalte dä unrechtmässig zuegang ergauneret. polizei holt en use und du duesch ihm sini gägeständ chostepflichtig nahliefere... problem glöst...

[Master Schief]

Also s'mietverhältnis isch ändi 2011 bis mitti 2012 gange. Wüi er d'Mieti nie zahlt het, hani ihn de när au usegschosse.

I ha no 2 Grät vo ihm i mim bsitz, ha gseit er bechäm die wider zrugg wenn er d'schulde zahlt het.
Aber das darfi jo glaubs au nid? So sälbstjustiz-pfändig?

Ob betriibe öppis bring weissi ebe au nid, will dr vertag jo ungültig wär.
Wett ebe jetz mau mit sim vormund luege was me cha mache... Zur zit irgendwie die einzig hoffnig...

[geosnow]

betriebsch mal de vormund.

[Avenger]

Frog der Rechtsschutz. Isch mehrbesser.

[Skeletor]

betriebsch mal de vormund.

was fürn schwachsinn.

[geosnow]

betriebsch mal de vormund.

was fürn schwachsinn.

so chönt mer de vormund chli wachtrüttle. rechtlich verhebeds natürlich nöd.

[Herr Rossi]

I ha no 2 Grät vo ihm i mim bsitz, ha gseit er bechäm die wider zrugg wenn er d'schulde zahlt het.
Aber das darfi jo glaubs au nid? So sälbstjustiz-pfändig?

Weli Grät? Was wie wo? Du hesch doch gar kei Grät vo ihm...
Verchauf de Grümpel, wenn er nid cha bewise dass es ihm ghört.

Heb is Trading ine!