Robot & Frank

[Asskicker]

Wunderbare film über en alte Ibrächer wo langsam senil wird und vu sim sohn en roboter als hushalts hilf überchunt.


Quelle

De Frank Langella isch super!

Wunderbare film!

[zwirrlibatz]

ah komplett ab mim radar gheit drbii ischs sicher en luegmuess.

[Uriel]

hanen im Züricher Filmfestival gse gha. Er isch e solidi Komödie, wo allerdings wichtigi Element leider oftmals nur aadütet. Irgendwie gahts im Film eifach um ds wenig. Der ganzi Moraldiskurs z.B. wird völlig chraftlos inszeniert. Das allei wer ja nüd schlimm, wenn der Film nüd ständig irgendwie würd versueche ds vermittle, dass es "um mee gaht". Au was d Altersdemenz betrifft, bewegt sich das Ganzi ufmemene "ah lueg jetzt was der kauzigi Knacker so alles versiebt" Niveau.

Schad eigentlich.

Unterhaltend ischer natürlich trotzdem.

[zwirrlibatz]

Gseh und er zeigt vöörig gnueg. Was eim da fählt, cha jede für sich wiiterdänke will Alter jede anders erläbt bzw no wird. En grad darum en sehr schöne und guete Film, wo, was die beschte Werk nämli vereint, Frage stellt statt glaubt, die allumfänglich für jede gältend beantworte z'chönne.