The(G)Forum

Sali zämme.

Wie es paar hie scho wüssed, hani mich per 01.01.13 selbstständig gmacht, jedoch nur zu 40%, sprich i arbeite immer no 60% bi Orange.

Mis selbstständige Ikomme chunnt vo:

http://www.polskagenetics.com" onclick="window.open(this.href);return false;
Coachings idr Region woni aber weder bewirbe no irgendwie Rechnige defür schribe
Google (YouTube...momentan 200-300.- monatlech also eher gringfüegig)
sid neuschtem ou no vo Amazon, Zanox etc. isch aber ersch sid ere Wuche debi.

Wasi also sicher söd Agä bide Stürerklärig sind d Ikomme vo mire Siite, Google und de Affiliate Partner, sovil isch klar.

Iz hani aber Froge zu folgendem:

- Was chani abzieh, bzw. wenn chanis abzieh? I han weder en Itrag im Handelregister, no es Konto wo über "PolskaGenetics" lauft oder so, got also alles über mis Privat Konto. Han MacBook, Kamera, Equipment, Hotels und Flüg woni wed abzieh, möglech?

- Wie gsets mit dr AHV us. I bimmer zimmlech sicher dasi denne was zahle muess, möchte aber vorher genau wüsse unger welne Bedingige, ev. gids ja es Schlupfloch oder s.

- MwSt. anyone?

- Wie am beschte vorgo, Konto eröffne, Handelsregisteritrag? Einzelunterhemig gründe?

Vil Frage, jede seit chli was andern und niemert chunt 100% drus. Darum bruchi iz öber wo drus chunnt, en Treuhänder und zwar en guete! Kennt öber eine oder weiss woni mi am beschte söd melde für mis Alige?

mousch ebe en treuhänder souche.

Tatsujin hat geschrieben:mousch ebe en treuhänder souche.

Lis mal de letscht Satz.

mousch hat geschrieben:

Tatsujin hat geschrieben:mousch ebe en treuhänder souche.

Lis mal de letscht Satz.

ja ebe, sägi ja

mousch hat geschrieben:
Iz hani aber Froge zu folgendem:

- Was chani abzieh, bzw. wenn chanis abzieh? I han weder en Itrag im Handelregister, no es Konto wo über "PolskaGenetics" lauft oder so, got also alles über mis Privat Konto. Han MacBook, Kamera, Equipment, Hotels und Flüg woni wed abzieh, möglech?

itrag bruchsch nöd, speziells konto au nöd, eifach alles was als ufwand gah häsch im gschäft: Mach es excel mit allne inahme und denn ziehsch alles ab, was nöd privat au bruchsch. Das was privat au bruchsch, chasch denn 1/3 devo näh und au abzieh. bisch a gschäftlich in San diego annere wiiterbildig gxi. etc. muesch das so formuliere, dass es sinn macht. bisch ja dete go trainniere und nur zum gspass dete gxi.

mousch hat geschrieben: - Wie gsets mit dr AHV us. I bimmer zimmlech sicher dasi denne was zahle muess, möchte aber vorher genau wüsse unger welne Bedingige, ev. gids ja es Schlupfloch oder s.

müestisch es AHV konto ifühere, und denn nachzahle. chasch denne eifach alüte und dieä erkläred alles tubbelisicher. für das bruchsch kein treuhändler.

mousch hat geschrieben: - MwSt. anyone?

ab 100k CHF umsatz. wenn meh häsch, chasch au en verein gründe. dieä händ d grenze ab 150k umsatz.

mousch hat geschrieben: - Wie am beschte vorgo, Konto eröffne, Handelsregisteritrag? Einzelunterhemig gründe?

AHV alüte und fröge, was söllsch mache. denn d näme ufschriebe und alles beachte. stell dich chli dumm und diä mached alles für dich. konto bruchsch nöd extra, ussert du wotsch e besseri übersicht.
es konto isch aber gsetzlich nöd erforderlich, will de stürinspektor eh alli konti zämmezelt.
handelsregister bruchsch eigentlich nöd, ussert du wotsch chraftfuetter verchaufe. idR will en distributor en handelregisternachwiis, aber eigentlich langed e homepage. zwingend isch das uf jede fall nöd.
einzelunternehmig bisch ja scho automatisch, muesch nöd gründe.

de stürinspektor chan bide abzüg au anderer meinig sii.

Das sind schomol paar gueti Tipps, danke.

Gseni das grundsätzlech richtig, dasi eigetlech jede no so gringfüegig Betrag als Ikomme muess agä? Sprich wenni iz vo mim Sponsor jede Monat 100 Euro ufs Konto bechume, muessi das als Ikomme verstüre?

Das in San Diego letscht Jahr si Ferie gsi. Aber das Jahr bini z.B. ad FIBO in Köln für Videomaterial für min YouTube Kanal...

min tipp:

vergiss was dä gege seit und suech dir en treuhänder ih dinere umgäbig. ich bin treuhänder, in pfäffike SZ. lieht wohl nöd grad uf em wäg für dich und mir sind glaub au bitz tüür, für so en "chline" wiä dich.

2. tipp. tuä nüd vor dä stüüre verheimliche. egal wiä wenig es isch.

und ahv/suva amelde sicher nöd vergässä.

mousch hat geschrieben:Das sind schomol paar gueti Tipps, danke.

Gseni das grundsätzlech richtig, dasi eigetlech jede no so gringfüegig Betrag als Ikomme muess agä? Sprich wenni iz vo mim Sponsor jede Monat 100 Euro ufs Konto bechume, muessi das als Ikomme verstüre?

Das in San Diego letscht Jahr si Ferie gsi. Aber das Jahr bini z.B. ad FIBO in Köln für Videomaterial für min YouTube Kanal...

alles ageh. däfür chasch au d'ufwendige wo das ikomme betreffet in abzug bringe.

mousch hat geschrieben: Sprich wenni iz vo mim Sponsor jede Monat 100 Euro ufs Konto bechume, muessi das als Ikomme verstüre?

nei, wiel er schänkt dier das ja eifach so. z.b. wie wenn mier mis krossmami en hunderter zuestecke würd.

Tatsujin hat geschrieben:

mousch hat geschrieben: Sprich wenni iz vo mim Sponsor jede Monat 100 Euro ufs Konto bechume, muessi das als Ikomme verstüre?

nei, wiel er schänkt dier das ja eifach so. z.b. wie wenn mier mis krossmami en hunderter zuestecke würd.

rofl. nei.

Skeletor hat geschrieben:min tipp:

vergiss was dä gege seit und suech dir en treuhänder ih dinere umgäbig. ich bin treuhänder, in pfäffike SZ. lieht wohl nöd grad uf em wäg für dich und mir sind glaub au bitz tüür, für so en "chline" wiä dich.

für was, wenn ers selber mache chan und die paar hundert franke spare tuet. eigentlich chasch alles abzieh, wenn alli innahme au agisch. obs de stürinspektor akzeptiert, isch e anderi frag. eigentlich muesch immer alles abzieh. s stüramt kann denn das striche, wo ihne nöd passt. denn chasch immer no ispruch erhebe.

chasch au grad no pauschal 400chf als spend für e partei abzieh, das kontrolliereds eigentlich niä. so tricks empfehled treuhändler de riiche. aber wiä gxeit, chasch alles im stürbuech vom kanton nahluege. für das bruchsch chli geduld.

Hör mal uf mit dim Stüürinspektor. Entweder luegts dä Stüürsekretär ah oder, wenn er nur na selbständig isch, dä Stüürkommissär. Zumindescht Kanton Züri.
und zudem: ich bin stüürkommissär gsi 4 jahr lang und han na 8 Jahr bruefserfahrig uf em Treuhandbüro. Vorallem Kanton St. Galle, Kanton Züri und Kanton Schwyz.

ich glaub ich känn mich bitz besser us wiä du.

er chan das alles guät selber machä, zumindescht für sini grössi. s'geld für en treuhänder würdi au spare. Nur zum mal alles ufgleise würdi mal zerscht mit emene treuhänder das genau aluege. nachher häsch en vorlag für diä nägschte jahr, bi unveränderte verhältnis.

Skeletor hat geschrieben:Hör mal uf mit dim Stüürinspektor. Entweder luegts dä Stüürsekretär ah oder, wenn er nur na selbständig isch, dä Stüürkommissär. Zumindescht Kanton Züri.

sorry gell, dassi de falsch name verwendet han. han gmeint, es sägi de richtig usdruck.

Skeletor hat geschrieben: ich glaub ich känn mich bitz besser us wiä du.

das stimmt sicher, hanni au nöd bestritte, aber es hät ihm ja niemerd gantwortet gah.

Skeletor hat geschrieben: er chan das alles guät selber machä, zumindescht für sini grössi. s'geld für en treuhänder würdi au spare. Nur zum mal alles ufgleise würdi mal zerscht mit emene treuhänder das genau aluege. nachher häsch en vorlag für diä nägschte jahr, bi unveränderte verhältnis.

fair.

Schwarzgeld + nüt agäh = ze win!

Skeletor hat geschrieben: 2. tipp. tuä nüd vor dä stüüre verheimliche. egal wiä wenig es isch.

Hör uuf trolle!

Solang dis Iekommensquelle vo eim Arbeitgeber nöd 3'000 CHF überstiigt isch das nonig AHV pflichtig. Sobald meh verdiensch wirds das und du bruuchsch en Lohnuswiis usw.
Aber theoretisch chasch vo etliche Arbetgeber under 3'000 Stutz becho und denn chasch dir das spare. Leider erreicht mer die Grenze recht schnell i de Regel.

er isch sin eigene arbeitsgeber. aber hey no en tipp. alli cash inahme i guets esse investiere. niemerd gxeht, dass meh verdient häsch, und s schwarzgeld isch denn quasi gesse und nöd gwäsche.

Dr Staat abzocke!!! Geil isches!

Vyse hat geschrieben:

Skeletor hat geschrieben: 2. tipp. tuä nüd vor dä stüüre verheimliche. egal wiä wenig es isch.

Hör uuf trolle!

statt ihm trollerei vordswerfe hättsch besser gfrogt wie d stüürverwaltig de schlitzohre uf d schliche chunt.

ebbe, bide riiche luegets nöd so strenn, wenn eine 400chf für svp sende abzieht. obs stimmt kontrolliereds nöd. alles so chlini sache, wo d lüt bschiised. mich würds freue, wenn das kontrolliert wird. de seich isch sicher uf em blocher sin mischt gwachse.

Supersonic hat geschrieben:Solang dis Iekommensquelle vo eim Arbeitgeber nöd 3'000 CHF überstiigt isch das nonig AHV pflichtig. Sobald meh verdiensch wirds das und du bruuchsch en Lohnuswiis usw.
Aber theoretisch chasch vo etliche Arbetgeber under 3'000 Stutz becho und denn chasch dir das spare. Leider erreicht mer die Grenze recht schnell i de Regel.

3000 pro Monat?

Naja i lüte die Wuche mau selber a, mau luege.

Naja schlussendlech brucht de Staat en Bewiis defür dass du Schwarzgeld verdiensch, solang er das nid hed chanr dir au nix vorwerfe. Mim Vater hends mau aglüte und en gfrogt wie ers gschafft hed imne Jahr 60k ds spare...lol...die hend aber nid begriffe dass sini Frau au no hed agfange schaffe.

Ich chan auch sehr vil spare momentan, kei Auto, chlini Wohnig, kein Partys,Alkohol,Ziggis...kei Junkfood...Supplements sind alli gratis...isch no easy von dem her.

Aber nid nume Kreatin futtere, gell.

kartoffel ich dörf ih nümä ih das topic luege.

du hassisch de uli höness sicher no mehr also ohne hin scho he