Es Auto miete +3 Monat

[mousch]

Han geschtr es Agebot becho vo eim, 550.- pro Monat, unbegrenzti km, irgendwie en VW Polo GTI oder sowas.

Was meined ihr?

I möcht mr keis chaufe momentan, willi kei Bock han uf Versicherig, Stürre etc, am liebschte eifach eis privat miete und mol paar Mönet bruche und luege obis würklech chan bruche, bin bisher immer guet ohni uscho aber jetzt chönti ab und zue guet eis bruche.

Falls öber gad es Agebot hed weri natürlech au nid abgneigt.

[Skeletor]

mobility keis thema?

[damian]

stimmt. mit 550 stutz chasch recht viel mobility bruche... wänns jede tag möchtisch bruche lohnts sich aber scho es eignigs zha...

[mousch]

Mobility wer scho früsch aber mueschs ja denn immer go hole an die Stadpunkt. Für mi wärs ide negschte 3 Mönet vorallem für is Training, Ichaufe, ev. zu paar Chunde etc..

[Skeletor]

es auto chaufe isch ebe geil.

[Skeletor]

oder lease. bisch ja selbständig jetzt.

[randy]

es eigenes auto, super

[Marco_in_motion]

tuen eis lease und setzes de Stüüre ab jetzt wo du Selbständig bisch...

[Herr Rossi]

leasing isch 100% arschloch, chauf eis und verchaufs nach paar monet wider. mues ja nid grad e ragete sii.

ich chauf mer immer für de winter es auto und verchauf es wider wenns früelig wird. das choschtet mich am wenigschte.
wenn kei geld hesch würdi eher ufs auto verzichte als für vil zvil gäld eis miete/lease.

oder doch de füüfer und s weggli?

[lakritz]

für das geld wo da usgisch chasch irgend es gschwür chaufe und wieder verchaufe und chunsch billiger.

[lakritz]

zb. de:

http://www.ebay.de/itm/Alfa-Romeo-147-a ... 1064715860

[Reinforced]

Unfall versicherig bruchsch ja glich odr wie isch die ufbaut?

[Tatsujin]

Für mi wärs ide negschte 3 Mönet vorallem für is Training, Ichaufe, ev. zu paar Chunde etc..

du mousch ebe zu de chunde, zum ga iichaufe und is training seckle. dasch na nature, de spirit ohni extra sprit. weisch wie blibsch den fit

[Marco_in_motion]

zb. de:

http://www.ebay.de/itm/Alfa-Romeo-147-a ... 1064715860

Das isch ja fast ab Werk

[Overdose]

chauf der en twizy

[damian]

tue NIE öppis lease. machs eifach nöd! miete isch guet und chaufe isch guet. aber nimm nie en kredit für privatgspäss uf!

[Skeletor]

isch ja fürs gschäft. du löli.

[Chäller]

550.- pro Monet für en polo gti ohni km-Beschränkig findi nöd vill. Sogar rächt es guets Agebot.

[Chäller]

tue NIE öppis lease. machs eifach nöd! miete isch guet und chaufe isch guet. aber nimm nie en kredit für privatgspäss uf!

Er chönnts ja gwerblich lease. 95% vode Gschäftsautos wo ide CH umefahred sind eh gleast...und es wär mer neu, dass die all in grosse Schwierigkeite deswäge stecked.

[Tatsujin]

Leisuren

[TypeJ]

tue NIE öppis lease. machs eifach nöd! miete isch guet und chaufe isch guet. aber nimm nie en kredit für privatgspäss uf!

Er chönnts ja gwerblich lease. 95% vode Gschäftsautos wo ide CH umefahred sind eh gleast...und es wär mer neu, dass die all in grosse Schwierigkeite deswäge stecked.

mümümümü, lease isch bös...
hallo ihr blinde, er isch selbstständig erwerbstätig, de isch lease was ganz anders

[Tatsujin]

lease mit ease.

[mousch]

Selbständig bini aber kein HR-Itrag...wichtig?

Anyway..I bruches würklech nur mau zum "teschte" und möglechscht eifach und unkompliziert halt...zahli halt chlei meh...Nerve spare > Geld usgse.

[Tatsujin]

ja machsch denfall mal. verluere chasch ja schier nix debii.

[Marco_in_motion]

Selbständig bini aber kein HR-Itrag...wichtig?

Anyway..I bruches würklech nur mau zum "teschte" und möglechscht eifach und unkompliziert halt...zahli halt chlei meh...Nerve spare > Geld usgse.

bruuchsch en Offer für günstig Autoversicherig?