Töff

[Supersonic]

findi zimli super und ich wott jetzt au endlich eine. Und zwar hani ä Bonneville T100 is Aug gfasst wil das scho länger es Tröimli vo eu isch.

Wer vo eu fahrt Töff, was hender fürtigi, weli hetteder gern und wie oder woane fahreder am liebste? Au scho Töfftoure gmacht? Ich bin interessiert!

Da no en Beld:

[Marco_in_motion]

Ha ganz früehner mal e Cagiva Mito gha als 125er und später, e 750er gsxr im 2004i, diä hani neu kauft, bi 2 Mönet dämit umebloched und ha sie dänn zur Sau gmacht.
Mittem erlös hani dänn ahgfange en honda lease. Isch frisch.
En Kolleg vo mir findet alti Schnäpper ebe au no rächt guet, hät e Norton es2 und isch immer am Schruube... immer.

[Herr Rossi]

ich fahre scho es wiili e suzuki vx800 jg 91. e super zueverlässige kardantourer. bi uf fascht 60'000 km obe. bis uf d miniblinker und d spiegle original. macht mer sehr fröid, isch au immer schön im winter chli öpis dra mache.

ha grad keis bild vo minere da, aber die da chundere sehr nöch (minus d satteltäsche)


bi am liebäugle mitere sachs roadster...


fahre de wider ab april, chönd mol es tüürli mache.
fahre am liebschte hügeligi schtreckene, zb dür ämmital. passfahre macht mer kei fröid, bi meh de cruiser

[feeshlee]

z1000 (2003).

es git hunderti, womer gfalle würdet.
- ducati streetfighter
- dä neu 1200er ktm duke
- mv augusta rivale

am beschte nackt und liecht und eckig.

das jahr wirdi 100pro d'390er duke go probiere. für dur dstadt rassle, muess dä hammer sii.

[feeshlee]

dä d'rivale:


streetfighter:


1200er superduke:


390er duke:

[Supersonic]

Natürlich völlig öpps anders als die Töff wo ich jetzt dra interessiert bin aber sie gsehnd also au sehr sehr geil uus und münd sich bestimmt au so fahre lah

Btw. was zahled ihr so im Unterhalt? Ich bin momentan no en Vespa 200er fahrer vo dem her isches saugünstig aber wie gsehts mit Service, Bereifig, Benzin, Versicherig etc. so uus bi eu? Klar variiert das immer starch aber verzelled doch mal

[Herr Rossi]

d diavel findi au rächt hübsch, aber e ducati wetti nieh meh fahre
e '95er vmax schtod au no ide nöchi bi eim...

töff

@supersonic
strasseschtür öppe 150.-, versicherig ca. nomol so vil. benzin chani nid pauschal säge.
gueti bechleidig isch s wichtigscht bevor uf e grossi schtigsch. choscht e rächte batz wenn chli öpis gschids wetsch. ha aber fascht alles vo ricardo & co

für bereifig zahli all 2 jahr 300.-, für süschtige underhalt pro jahr im schnitt ca. 150.-
mues aber au säge das mini vx extrem wartigsarm isch und sehr zueverlässig.

[zwirrlibatz]

eimal uf de latz gheit. das langt.

[Skeletor]

ich hoffe, dass mich diä Faszination niä packt.

[TypeJ]

ich hoffe, dass mich diä Faszination niä packt.

tod wär ich

[Herr Rossi]

ich bi froh hed si mich nid mit 20i scho packt

[Skeletor]

ich wär vor allem au pleite.

[zwirrlibatz]

oder töffwältmeischter.

[Andy]

Ich fahr Töffli!

[Reinforced]

Hallo ich fahre Moped.

[feeshlee]

pro jahr ohni benzin hani guet 1500 frengg chöschte. d'helfti isch service.
benzin isch ide warme saison ca. 23/wuche

[Mastler(P)]

eimal uf de latz gheit. das langt.

Quelle

[zwirrlibatz]

es isch tatsächli e glatti aglägeheit xi.

[feeshlee]

guggsdu: http://www.heise.de/autos/artikel/Reduk ... dergalerie" onclick="window.open(this.href);return false;

[Supersonic]

Sehr geil!

Btw. Hend ihr all ä Garage? Ich wott sie denn ebe nöd so gern dusse stah lah...

[Herr Rossi]

Mini Sugi schtot sit 23 Johr vo April bis November undeckt verusse. Ide Übergangszit tuesi abdecke. In Winter schtot si bim Nochber ide Garage.

[Supersonic]

Das isch rech verblüffend, aber ich denke d'Garage im Winter macht scho öppis uus.
Wo wohnsch du denn? Ide Stadt Züri findis ebe grad wieder chli andersch vo wege Randale und so Seich. Isch vilicht chli übertriibe aber Töff sind wükli no beliebti Ziel zum umkippe oder dragingge...

[feeshlee]

staht ide garasch. allzeitbereit, um ame schöne wintertag füregno z'werde. das jahr scho zweimal im winter mittem töff unnerwägs gsi, ich warmduscher. kollege sind das jahr vilich ein- oder zweimal nöd gfahre.

[Mastler(P)]

Töff sind wükli no beliebti Ziel zum umkippe oder dragingge...

wie das töhnt. fuck, i was fürre welt läbe mer?

[Supersonic]

Töff sind wükli no beliebti Ziel zum umkippe oder dragingge...

wie das töhnt. fuck, i was fürre welt läbe mer?

I einere ohni verdammte Aastand und Respekt und zwar scheiss egal öb Uusländer, Hardliner oder Seniore. Reg mi memal gruusig uuf.