OwnCloud und SSL

[Jones]

het öpär erfahrig?

hamer überleit, das uf mim raspberry z'installiere...
de muessi mini fotos / android backups nid uf amerika übere schicke...

denn isch mer aber dr gedanke cho, dassi ja das bi mim hoster (e chlini schwizer firma) direkt ufem server chönnt installiere.
schwups, paar klicks später isches gloffe. android app abeglade und scho chame easy bilder uf sini eigeni cloud tue.
problem isch, dass es nid verschlüsslet isch. ha itz mau uf dr website vom hoster es gratis ssl paket bsteut. muessi das denn no irgendwie aktiviere?

was dänket dir? doch lieber säuber ufem raspberry? dänke mi hoster het sini server besser gsicheret als ig us laie mi raspberry chönnt sichere. zudem hani so o vo uswärts grad zuegriff...

[Xinobrax2]

Ich han d Cloud ufem Raspberry...das mit SSL isch rel easy....ich bin da eifach amne Tutorial gfolgt: http://www.connect.de/ratgeber/so-insta ... 40246.html" onclick="window.open(this.href);return false;

Apropos synce...d OwnCloud Android App isch zimlich beschränkt...ich verwende mittlerwile s FolderSync. Mit dem chasch alles mögliche Synce und z.B. Ordnerpaar erstelle. Zum d Kontaktdate synce hani no s Davdroid.

[Uriel]

Ich bin au grad owncloud am teschte, aber ich glaub langsam, seafile pro isch besser. ich schriib wieder da ine, sobald ich mee weiss.

ds SSL Tutorial, a dem ich gfolgt bin, isch einiges komplexer gsi als das vom Xino, fallt mer grad uuf

[Xinobrax2]

Oh, seafile gset au nid schlecht us...
Aber wayne...zum Date synce verwendi eh sftp...insofern isch de Speed sowiso keis Problem. D Cloud verwendi nur für d Kontäkt und Termin...

[Jones]

muess mini SSL problem wohl mitem hoster direkt aluege...
funzt irgendwie nid wie erwünscht...

[Uriel]

Hesch grad irgend e Fehlermeldig? Was hesch genau iigee, wo d CA etc erfragt werded? Scho dr Name vo dr Domain, odr?

[Jones]

Ha im verwaltigstool ssl igschalte für die domain und denn im owncloud 'ssl erzwingen' aktiviert. Itz chuunt e meldig, z'zerifikat sig ungültig wenn uf d'site gah...
Chume doch nid drus...

[Uriel]

Ha im verwaltigstool ssl igschalte für die domain und denn im owncloud 'ssl erzwingen' aktiviert. Itz chuunt e meldig, z'zerifikat sig ungültig wenn uf d'site gah...
Chume doch nid drus...

Warnt dich dr Browser, dass ds Zertifikat ungültig isch? isches sowas http://docs.runmyprocess.com/images/Int ... irefox.png

Wenn ja: das isch normal, will du dis Zertifikat nüd vonere offizielle Stell hesch signiere laa. Sowas choschtet im normalfall mindestens 70 Stutz im Jahr und isch für sertig Privatzweck komplett sinnlos. Falls e anderi Fehlermeldig chunnt, denn isches ownCloud wo motzt. Au det chan ich dir wiiterhelfe: ds SSL Zertifikat mues vollständig usgfüllt sii: ich füll mini Zertifikat jewiils mit nonsense à la:
Land Indien
Name Raj Koothrappali
etc. etc.

[Jones]

ja genau sone fähler isches...



und weni ufs chrüzli drücke, chunnt das:



i chami denn aber trotzdem ilogge. d'adresszile isch und bliebt eifach immer rot. https steit aber...
chani dämfau dervo usgah, dass es verschlüsslet isch? chani das irgendwie überprüefe?
und isches denn via app o verschlüsslet wenni ufem web interface "https erzwingen" aktiviert ha?
und wo müssti es ssl zertifikat vollständig usfülle? ha das bim hoster im web interface nid gfunde...

[Xinobrax2]

D Zertifikat sind ane Domain kopplet. I dim Fall stimmts wohl nid überein...das chan verschideni Ursache ha. Verwalted din Hoster d Domain? Hesch d Cloud ufere Subdomain? Verwendisch en DynDNS Service? Kriegsch d Fehlermeldig au, wennt via IP druff zuegriffsch?

Spillt aber eigentlich kei Rolle, SSL set aktiv si. Wennt ganz sicher wotsch si chasches z.B. mitem Wireshark überprüefe. Eifach mal es paar Packet abfange und luege über wele Port si gönd und was si enthalted...

[Jones]

chunnt uf dr main oder subdomain. gloub a däm liegts nid...
ke dynDNS aktiv...


und weisch grad ob d'android app o über ssl kommuniziert?

[Xinobrax2]

Kei Ahnig, d App hani nüme....FolderSync isch wie gseit einiges praktischer. Eifach mal nach de apk google
Ich gange aber scho devo us, dass d App SSL verwendet wenns serversitig erzwingsch....susch wär das ganze ja zimlich nutzlos...

[Jones]

Ok lueg mau uf xda nach dr andere app...

Thanx

[Jones]

ha itz d'cloud nomau früsch installiert. dasmau uf d'domain vo mim hoster statt uf mini eigeni. somit isch der SSL zertifikat konflikt behoben. git mer eifach es bessers z'gfüehl wenns obe links grüen isch statt rot...

[Jones]

Foldersync funzt nid. Login geit nid... Mit http seit er 'anmeldung fehlgeschlagen' und mit https seit er 'method not alowed'

[Xinobrax2]

Hesch de richtig Pfad igäh? Wennt direkt uf d Cloud verwisisch gats nid. Bruchsch d Webdav Date:

https://xxx.url.bla/owncloud/remote.php/webdav" onclick="window.open(this.href);return false;

[Jones]

Ah sehr guet danke... Ha nur dr hostname igäh ohni webdav...

[Acid]

Ich bin au grad owncloud am teschte, aber ich glaub langsam, seafile pro isch besser. ich schriib wieder da ine, sobald ich mee weiss.

weisch scho meh?

[feeshlee]

isch SSL nöd das protokoll, für welles mer innere ahständige IT bude kündt wird, wämmers no benutzt?