Geo Lock bi PC Games umgha!!!

[agestuffer]

Wolfenstein chund in 2 Wuchä usä und mer lisst überall Züügs vo GeoLocked vo Siita Bethesda und dasmer das Game als US oder UK Import nid wird chönä in D/A/CH spilä!!!

Ich bin absolut kei PC Gamer, (min PC isch jetzt denn 10 Jahr alt, d.h. chönder üch sälber dänkä)....

Isches mit dem hie gmacht.. chani so de Geo-Lock ohni Problem umghä oder ghits besseri Lösigä??
http://www.chip.de/downloads/Hotspot-Sh ... 00785.html" onclick="window.open(this.href);return false;

Gruss Pitsch

PS: Ich bruchä dAntwort natürlich nid für mich, sondern für mini Chundä, bzw. mis Business

[Xinobrax2]

En VPN Dienst wär uf jede Fall e Möglichkeit. Obs mit dem Hotspot Shield VPN klapped isch wider e anderi Frag.

Ich kenn de Ufbau vom Spiel leider nid...entscheidend isch letztendlich wenn d IP abgfröget wird. Wenn si nur bim Starte vom Spiel, bim Erstelle vomene Account oder bi de Installation checkt wird chents ga. Sprich, für en Single Player Modus langet sones Tool wahrschinlich.

Bi Multiplayer hingege bruchsch Traffic und en guete Ping. Da sind die gratis VPN Dienst idR zimlich bescheide. Alternative wäred da chostepflichtigi Abüter wie hide.io oder torguard.net, die hend beidi au Server i de USA und em UK. Ob sich das für s Spiel lohnt weissi nid...früener oder spöter werded eh Cracks use cho wo de Lock umgönd.

[Moff]

du chasch dine chunde na kei antwort geh wills sonen fall na nie geh het bi steam.

grundsätzlich weissmer öppis bis dem neue geolock nanig: a) isch das nur eimalig bim unlock relevant oder b) wird das bi jedem start vom spiel überprueft?

wenn a) isch das ganze keis problem, es git unzähligi gratis VPN lösige womer das umgah chan, spotflux oder flyvpn zB.
hani mit beidem gueti erfahrige gmacht (unlocke games uf steam demit immer paar tag früener als ide ch usechämed.

falls b) chönt das gröberi problem geh. grundsätzlich müesstmer immer im vpn si wennmer s'spiel startet, under umständt wirds sogar prüeft sobald mer steam ufmacht und s'spiel wird denn uf irgend en art us de library permanent entfernt fallsmer nöd im vpn isch. wenn das de fall wär, wärs natürlich en katastrophe.

aber ebe, dini chunde chasch da leider na nüt säge, das en geolock i dere form hets vorher na nie geh, da chamer bis zum release nur spekuliere.

[Asskicker]

Isch das wieder s South Park Problem?

Game wird immer dümmer

[Moff]

Nei south park isch so gsi wie immer. Geo lock isch ganz was neus

[Master(G)]

Isch das wieder s South Park Problem?

Game wird immer dümmer

PC game wird immer dümmer... chauf der en PS4 US Version und guet isch.

[Herr Rossi]

@pitsch
info vo wog

um Spiel Wolfenstein: The New Order gab es ja in den vergangenen Tagen ja einige etwas verwirrende Informationen, was den Geo-Lock des Spiels betrifft. Bethesda hat nun heute dazu Stellung genommen.

Die englische PC-Version von Wolfenstein: The New Order wird demnach komplett uncut sein (inkl. Symbolik). Der in den Medien angesprochene Geo-Lock der UK-Version wird nach Aussage von Bethesda die Schweiz nicht betreffen, sondern ausschliesslich für Kunden in Deutschland und Österreich gelten. Dies einfach als kurze Entwarnung.

[Master(G)]

sehr guet!

[Moff]

es fragt sich ebe wieso im schwizer steam was vo ersetzte symbol staht wenners will chaufe. offizielle ussage sind ja schön und guet, aber scho hüfig irrefüehrend oder falsch gsi, grad wenns um zensierti games gaht.

[Herr Rossi]

http://de.bethblog.com/wolfenstein-the-new-order/" onclick="window.open(this.href);return false;

grad die beide ussage schpreched aber defür, dass s ungschnittne schpil ide schwiz problemlos cha aktiviert werde

Auf rechtliche Empfehlung hin und den Gepflogenheiten der Videospieleindustrie folgend, können wir die internationale Version des Spiels auch in Österreich nicht anbieten.

Mit Ausnahme der o.g. Beschränkungen, wird die internationale Fassung des Spiels weltweit spielbar sein.

am beschte mal direkt bim vertrieb vo bethesda la beschtätige:
http://bethsoft.com/de-de/contact" onclick="window.open(this.href);return false;

[Moff]

dass ide schwiz eigentlich ned müesst zensiert si isch klar, da sind hakechrüz ja ned verbote.
south park zB hetmer chönne zu 100% uncut im schwizer steam chaufe.

und bi wolfenstien staht det ebe grad direkt, dasses gschnitte isch, das macht stutzig und ich gah denn lieber uf nummer sicher

[Xinobrax2]

Isch au i de Schwiz teilwis verbote....chunt halt immer druff a wies agwendet wird. I Spiel, Dokus, Film usw. isches z.B. erlaubt. Sovili weiss wärs unter dene Umständ theoretisch au in Dütschland & Östrich erlaubt. D Entwickler zensiered das freiwillig, wohl au um eventuelle juristische Konsequenze vorzbüge.

Wie au immer, langsam aber sicher isch das so lächerlich, dasmers eh nüm chan ernst neh. Würd mi nid wundere, wenns i de kommende Jahr au in Dütschland kei derartigi Zensur me würd ge.

[Acid]

Isch au i de Schwiz teilwis verbote....chunt halt immer druff a wies agwendet wird. I Spiel, Dokus, Film usw. isches z.B. erlaubt. Sovili weiss wärs unter dene Umständ theoretisch au in Dütschland & Östrich erlaubt. D Entwickler zensiered das freiwillig, wohl au um eventuelle juristische Konsequenze vorzbüge.

Nei nei... diä zensiered das nid freiwillig. In Dütschland isches z.B. imene Film erlaubt, wiä z.B. im Indiandler Jones oder Schindlers Lischtä. Au binere Darstellig imene Gschichtsbuech oder binere Replika vonere Foti oder emene Dokument us derä Zit, wird das nid Zensiert.
Das will ebä s Verbot nid agwendet wird, wenns nid eigentlich ums Chrütz god, sondern wenn das Bestandteil isch vomene Dokumentarischä Inhalt, oder ebä vomene künstlerischä Inhalt vo kultureller Bedütig. Drum de Unterschied zwüsched Film und Games, Film werded als künstlerisch und kulturell Wertvoll betrachtet, während Games ebä diä Bedütig nid zuegsprochä wird.

Und so lang diä Iordnig so isch, isches schlicht verbotä. Es müesst also en Entwickler en Grundsatzentscheid erwürkä, dass au Games de Status überchömed wo Film händ. Wenns denn so wit wär, dörfdeds denn au Games mit Nazi Symbolik verchaufä.

Wie au immer, langsam aber sicher isch das so lächerlich, dasmers eh nüm chan ernst neh. Würd mi nid wundere, wenns i de kommende Jahr au in Dütschland kei derartigi Zensur me würd ge.

Also mich würds also scho wundere... sehr sogar.






Aber betreffend Steam... tüend diä denn nid blöd? Han letschti mol glässä dass eim au de Account chönd zwackä oder so.

[Moff]

accounts bi steam werded sehr selte bannt, nur wenn du dir zB finanzielle vorteil verschaffsch über VPN. aber sowit ich weiss isch au weg dem scho sit 2 jahr keine me bannt wurde.

ich unlocke immer per VPN games paar tag früener, das isch au gege d'regle, weg dem isch aber na gar nie eine bannt wurde. ich denke wennmer retail chauft und das denn über VPN unlocked git das kei problem.
d'frag isch aber nach wie vor öb das ide schwiz überhaupt nötig isch. ich han iets mal steams support kontaktiert.

[Xinobrax2]

Isch au i de Schwiz teilwis verbote....chunt halt immer druff a wies agwendet wird. I Spiel, Dokus, Film usw. isches z.B. erlaubt. Sovili weiss wärs unter dene Umständ theoretisch au in Dütschland & Östrich erlaubt. D Entwickler zensiered das freiwillig, wohl au um eventuelle juristische Konsequenze vorzbüge.

Nei nei... diä zensiered das nid freiwillig. In Dütschland isches z.B. imene Film erlaubt, wiä z.B. im Indiandler Jones oder Schindlers Lischtä. Au binere Darstellig imene Gschichtsbuech oder binere Replika vonere Foti oder emene Dokument us derä Zit, wird das nid Zensiert.
Das will ebä s Verbot nid agwendet wird, wenns nid eigentlich ums Chrütz god, sondern wenn das Bestandteil isch vomene Dokumentarischä Inhalt, oder ebä vomene künstlerischä Inhalt vo kultureller Bedütig. Drum de Unterschied zwüsched Film und Games, Film werded als künstlerisch und kulturell Wertvoll betrachtet, während Games ebä diä Bedütig nid zuegsprochä wird.

Ich han das jetzt mal naglese....und es stat i de meiste Artikel s gliche: Freiwilligi Selbstzensur.
Zwar stimmts, dass d Usnahmeregelig nur bi künstlerische Werk gilt, hani obe ja selber scho gschribe, aber wie das bi Spiel genau usgset isch bis hüt nonig eidütig greglet. S wär möglich, dass es Spiel mit Hakechrüz oni Konsequenze würd ufem Markt blibe. Genausoguet wärs aber au möglich, dass sich d Chäufer vom Spiel gemäss § 86a, Absatz 86 würded straffbar mache. In Dütschland wär uf jede Fall devo uszgah, dass gwüssi Organisatione, zu Recht oder zu Unrecht, degege würded vorgah. Sprich, obwohl d Lag unklar isch müessted d Entwickler mit Konsequenze rechne sofern si nid mit enormem Ufwand vor Gricht degege wetted vorgah. Da sich d Spieleindustrie gar nid ersch druff wot ilah werded d Spiel vorbügend zensiert. Jetzt chentmer höchstens no um d Definition vo "Freiwillig" i dem Zemehang diskutiere....si macheds freiwillig, aber nid freiwillig

[Acid]

Eidütig greglet villicht nid, aber es isch halt Usus das Spiel nid unter diä Usnahm falled... immer so gsi, und no niä anderscht.

Wenn öper also so Symbolik i de Spiel will ha, denn mueser e Änderig i derä Asichtswiis erwürkä. Villicht würder das schaffä imene Rechtsstritt, wener vo eim Gricht zum andere Gumpt. D Zensur und Verbotskultur isch i Dütschland jo au nid öpis wo irgendwelchi Splittergrupieriege wo irgendwelchi sälbsternannti Moralapostel im Züg umäwüetet... das sind eigentlich Organisationä wo im Staatlichä Uftraag verbütet und zensiered, und gäg diä bruchts denn halt scho relativ wasserdichti Argument, wemmer es bitz en Ussicht uf Erfolg will ha. Au wenns, wiämer z.B. bi beschlagnahmtä Film gsehd, i de letschtä Johr es Spürli vernünftiger wordä isch (det gots allerdins meh um Gwaltdarstellig, wo no Film verbotä sind vo vor 30 Johr, wo hüt vil "ab 12 Jahren freigegeben" Film brutaler sind (und uf jedä Fall ab 16... hani grad wieder denkt bi Only God Forgives) öp das mit Nazi Symbolik eifacher wär, weissi nid, aber bezwifles es bitz...).


Und klar... machä chamer alles wemer d Konsequenzä nid scheut. Aber e Verzicht unter massiver Strofadrohig (dass es Spiel eifach so ufem dütschä Markt würd bliibä, und niemert was dägägä würd machä, und evtl. denn d Chäufer no als einzigi Strofbahr währed, isch allerdings glaub ziemlich realitätsfern... wenn überhaupt, solang nid d Lag im Vorfeld klärt wordä wäri, würdmer so öpis nur imene langä Rächtsstritt duräbringä. Und bis de beändet wär, wür das Spiel mit Sicherheit vom Markt gno werdä... und uf was so en Publisher, Grossverteiler, Lädä sälber und d Chundä am schluss hockä bliebä würded, sälbscht bimene Erfolg, stächti wohl i de Sternä)) isch also würklich nur i de freischtä Definition vo freiwillig no als solches z Bezeichnä, würdi meinä.


Aber klar, villicht müssts mol ein machä, eifach zum überhaupt bewegig i diä Frog z bringä. So Publisher sind aber halt Gwünnorientierti Unternähmä, kei Freiheitskämpfer. Und diä Chlinä händ eh kei Chance... diä mached amigs nid mol e Prüefig will das scho z vil Gäld choschtet. Do verchaufedses grad lieber vo Afang a als ungeprüft.

[Xinobrax2]

Ich frag mich, ob sones Verfahre denn würklich so schlechti Ussichte uf Erfolg het...ich gsen jetzt z.B. vo de Darstellig her ken Unterschied zwüschet eme Film wie Iron Sky und eme Spiel wie South Park. Allerdings bin ich au nur Konsument und kein Jurist.

[Master(G)]

Spiel sind kei Kunst.
Wenns irgendwänn mal als das anerkännt werdet - was scho lang überfällig isch - denn wird au nix meh zensiert...
Freue mer eus uf de Tag X.

[Xinobrax2]

Es isch me als überfällig. Es guets Spiel vereint sämtlichi Künst zumene Gsamtkunstwerk. Bilder, Musig, Lyrik, Darstellig...sogar Architektur...also WTF? Was gits da no z diskutiere?

[Herr Rossi]

s "problem" isch, dass es schpil im gägesatz zum ne film interaktiv isch. e film gid alles vor, isch in sich gschlosse. bim ne schpil chasch dür dis handle under anderem au e symbolik beiflusse bzw verherrliche. wird no lang e schtritpunkt sii wenns ums thema zensur god.

[Mastler(P)]

Was gits da no z diskutiere?

[Acid]

Ich glaub es chund halt au vom "Dokumentarischä" her. Als erschts isch wahrschindlich d Frog cho, dörmer im Zämähang mitere Gschichtlichä Ufarbeitig Nazisymbolik abbildä, z.B. bi zitlichä Dokument bzw. abbildigä devo, wo voll devo sind, oder bi Fotenä, wo so Symbolik z gseh isch, Original Gägäständ (Uniformä, Waffä, Fahrzüg etc.). Und wemer seit das mues zuegloh si, wills halt tatsächlich eifach im Gschichtlichä Zämähang zeigt wird, und dass denn unbedingt dezuä ghört, mueses au i Dokumentarfilm zuelässig sii, und denn hedmer denkt, ja wenn ein en Film macht wo e gschichtlichi Darstellig beinhaltet, mueser doch au dörfä d Symbolik abbildä. Schlussendlich werded diä Film jo au als Ufarbeitig vo de Gschicht betrachtet. Und denn hedmer natürlich denn nid welä schwierig tuä, und denn jedä Film einzeln nach de Relevanz und künstlerischem Wert iteilä zum denn z sägä welä jetzt dörf und welä nid.

Uf Games isch das eifach niä übere gsprungä. Dörft natürlich au chli demit z tuä ha dasses bi denä Games wo zur Diskussion stönd eigentlich jo scho meh oder weniger um Ballerspiel god. Und au dassmer argumentiere chan, dass de eigentlichi spielinhalt (also quasi das wasmer meint das Spiel eigentlich usmacht...was natürlich falsch isch, aber trotzdem) dur e Zensur i derä Fom nid beiträchtigt sigi. (also dasses em Spielziel und somit de Spielmotivation nid abträglich sigi, wenn diä womer über de Hufä balleret halt kei Nazisymbolik händ... oder s Bluet ebä Grüen isch statt Rot).

D Argumentation fallt bimene Spiel halt sofort viel schwieriger, vor allem halt au wills halt nid so zum guete Ton ghört ebä zsägä dass s Bluet und d Gedärmä und umäflüügendi Gliedmassä, und dass Nazi Chrütz und Riichs Adler ebä doch nid nur Begleiterschienigä bi somenä Game sind, sondern absolut zentral.

[Herr Rossi]

...dass Nazi Chrütz und Riichs Adler ebä doch nid nur Begleiterschienigä bi somenä Game sind, sondern absolut zentral.

was aber au nur subjektiv betrachtet so isch

[Xinobrax2]

Natürlich chamer sich di ganz Regulierig so zrecht rücke demit si Sinn ergit. Muemer ja fasch bi dem Blödsinn...
Aber objektiv betrachtet isch de Unterschied halt eifach nid existent. Drum wärs ev. mal abracht das au juristisch z anerkenne.

Mir reded da ja nid vo Jugendschutz oder so....und ich denke au nid, dass usgrechnet "Nazis" sich Spiel chaufed wo si Nazis müend abknalle. Es gat um es Spiel ab 18ni. Obs für de Verlauf vom Spiel e Rolle spilt oder nid isch doch irrelevant. D Entwickler hend sich das nunmal so usdenkt und in monatelanger Arbet es Werk kreiert. Basta. Da mues doch niemert deher cho und sege "Das chömer üsem Volk nid zuemuete".

[Acid]

...dass Nazi Chrütz und Riichs Adler ebä doch nid nur Begleiterschienigä bi somenä Game sind, sondern absolut zentral.

was aber au nur subjektiv betrachtet so isch

Klar, wenns nid so isch, wirds aber ebä wieder schwieriger zum z argumentiere wieso denn so wichtig isch, dass diä im Spiel enthaltä sind unds nid e zensierti Version gid.

Und es isch halt irgendwo durä doch scho fascht immer so, dasses ebä e Rollä spillt. Und dassmer drum au nid gern diä zensierti Version spillt.

Ich mein es Wolfenstein spilltmer nunmal nid, willmer eigentlich s Gfühl hed es sig genau s glichä wiä es Super Mario. Es isch es Muschterbispiel wiä Brutalität und Nazisymbolik e Spielreihä ebä fascht scho bestimmä chan, und d Stimmig vom Spiel wär en anderi, wärs nid Brutal, und wärs nid es Exploitationfilm mässigs Naziregime womer wür Bekämpfä, inkl. Sachä wiä psycho Dökterli und strammä SS Fräuleins. Es isch ebä doch en grundlegende Bestandteil vom Erlebniss, öbs ohni diä Sachä schlächter oder besser wär isch e anderi Frog, uf jedä Fall aber wärs es völlig anders Spiel. Wiä de Xino au seit, d Entwickler packed ihres Spiel nid vo A-Z mit derä Symbolik voll, wills ohni eigentlich genau s glichä wäri. Nid z letscht isches au bi de Vermarktig vom Spiel komplett im Zentrum, das natürlich au nid, wills bim potentielle Chund überhaupt kei Effekt hetti.

Isch doch immer s Problem i de Argumentation... genau au bi de Killerspielproblematik.