Han ich mis Model 3 Board gad gschlisse?

[damian]

Ich han vorher mini Gunshooter wieder mal welä aaschlüsse.

Woni dä Jurrassic Park (Model 3) han welä aaschlüsse hani usversehe d'5V Spannig an 5V Output aagschlosse. Druf abe hät s'Board det aafange rauche. Dänn hanis abghänkt.

S'Spiel lauft aber immer no tadellos. Mit einere Uusnahm: D'Gun zielt nümm. D'Position isch immer ime egge vom Bildschirm. So dass wämmer schüsst, dasses zwar schüss abzieht (d.h. nöd nahladet), mer d'schüss aber nienets gseht...

Chan das ächt en zämehang ha, oder bin ich ächt eifach irgendwo zblöd gsi? Wills vorher ja gar nöd aagschlosse gsi isch chani nöd säge öbi s'board gad gschlisse han oder sust irgendwas nöd stimmt. Was sind euri vermuetige?

[boergi]

het s'gun I/O saft?
werd das vum 5V ourput bem board gspise oder direkt vum netzteil?

es foti vum setup wär no guet. so wies tönt hesch e churze uf em filter board gmacht. drum hets em board nüt (oder fascht nüt) gmacht.

[boergi]

step 1.5 hani süscht no es paar.
filter boards ou.

[damian]

direkt vom netzteil... s'Gunboard hät Saft

Föteli wär chli unübersichtlich, aber grundsätzlich ischs so:

S'Model 3 (dä 3.3V, 5V Stecker) und Gunboard (5V) hät Strom vome Umboute PC-Netzteil. Di Zuesätzlich 5V Spannig fürs Model 3 Board chunt vom JAMMA Netzteil -- Für was isch die eigentlich? Allerdings hani sgfühl dä Lieferet gar kei Saft, isch aber nötig fürd Erdig -- wänn dä Stecker nöd aagschlosse isch gönd d'Chnöpf nöd. Wänni mit dem JAMMA-Adapter-Kabel möcht s'Gunboard betriebe lüchtet det au d'LED nöd. Findi aber chli seltsam, will di normale 5V Jamma-Platine funktionieret alli und ich han au 2 Verschiedeni Model 3 zu JAMMA adapter und mit beidne vo dene hani irgendwie kei 5V.

All andere aaschlüss chömet vom Model3zuJAMMA Adapter. Resp. macht s'Bild und d'Guns no dä Umweg übers Gunboard.

[damian]

Etz hani gad gmerkt: Mis JAMMA Netzteil isch am arsch. Es git kei 5V Spannig use. Da das passiert isch während ich Virtua Fighter 3 über es PC Netzteil gspiese han, isch mer das gar nöd uufgfalle. Ich glaubs ich ersetz eifach mal s'JAMMA Netzteil und lueg denn namal.

[boergi]

was meinsch met zuesätzlech 5V fürs model 3? e separate aschluss am board?
5V spannige vu zwöi netzteil glichzitig nä esch gar ned optimau! hesch emmer querström wöu di netzteil ebe nie genau 5V händ.
under lascht schwankt das ganze sowiso..

ev hets der ou jetzt bem churzschliesse das jamma netzteil gno. s'pc netzteil het ev. e überlascht schutz und drum überläbt..

[damian]

ev hets der ou jetzt bem churzschliesse das jamma netzteil gno. s'pc netzteil het ev. e überlascht schutz und drum überläbt..

hm, das wär sehr guet möglich...

also ich han folgendes:

es pc netzteil mit eim aaschluss für dä breit stecker (i.e. 5V und 3.3V) und ein aaschluss für dä schmal stecker (5V)
und en jamma adapter mit 2 aaschlüss für dä schmal stecker (also 2x5V Aaschluss)

S'Jurassic Park brucht genau ein 5V/3.3V Stecker und ein 5V Stecker. Dänn müst ich die ergo beidi vom PC-Netzteil nä und s'Gunboard mit em JAMMA Adapter spiese.

Und bim House of the Death müesti beidi 5V Iigäng mit em JAMMA Adapter spiese und s'Gunboard mit em PC Netzteil.

Meinsch das isch ä gueti Idee so?
Alternativ chönti au es Kabel nä wo vom Mainboard zum Gunboard gaht für di 5V.

Was empfiehlsch?


PS. Es neus JAMMA Netzteil hetti eh brucht, da isch d'12V Spannig teils z'schwach gsi isch. Aber etz möchtis RICHTIG mache.

[damian]

ev hets der ou jetzt bem churzschliesse das jamma netzteil gno.

Ich glaubs ich hans mit em PC Netzteil churzgschlosse. D'5V Spannig hät glaubs scho vorher gfehlt. S'Netzteil isch eh scho chli am arsch gsi...

[boergi]

i würd de jamma adapter schlachte und denn aues met em PC Netzteil betribe.
oder natürli es richtigs model 3 netzteil.

[damian]

oder natürli es richtigs model 3 netzteil.

wo gits das? am beste eis wo au für model 2 gaht und für es gunboard au no gad...

[turntablism]

vilicht da
http://www.rs2006.co.jp/overseas.htm" onclick="window.open(this.href);return false;

[boergi]

wo gits das? am beste eis wo au für model 2 gaht und für es gunboard au no gad...

e jedem aute model 3 automat
i ha ev no nöime eis.

für model 2 würd i es jamma netztel nä min 15A uf 5V, lieber 20A

[damian]

häsch au di passende kabel derzue?

pachinko müesti denn ja au no hole...

chan aber erst ab mitti august...