Zelte i de schwiz

[turntablism]

dörf mer eigentlich i de berge überall sis zelt ufstelle und übernachte ?
will mal en tag go zelte, am liebschte i de berge, wär no nett wenns es seeli hätti.
chasch was empfehle ?

[Vyse]

Nei, eigentli nöd, aber wänn bitz absiits vom Wanderwäg gahsch und diis Züüg wieder mitnimmsch, ischs glaubs keis Problem (aber für öppis häts ja i dä Schwiiz all die SAC Hüttene).
Es Problem häsch eifach, wänns go Gwittere chonnt (hani zwar no nie i dä Berge erläbt).
Es isch imfall rächt creepy, wänn die warm Luft uus em Tal am Abig wieder berguuf zieht und die ganz Umgäbig iihüllt.

[thaeye]

gang is chlöntal

[turntablism]

im chlöntal bini vor öppe 2 jahr mal um de see gschpaziert. isch no schön gsi. gitts dört au en campingplatz ?

[thaeye]

logisch

[Herr Rossi]

Im chlöntal gits zwöi Plätz. Bim chline hets kei Strom, aber de findi recht super. De Campingwart isch e komische Kauz

[Supersonic]

Isch i jedem Kanton andersch greglet. Uuf jede Fall därfsch nie i Naturschutzgebiert und Füür mache därfsch au nöd wennd wild campe tuesch.

[turntablism]

will eh mal no uf de pilatus

isch mal öpper uf em camping international lido oder bachmattli gsi ?

[Tatsujin]

neinei, gwitter i de berge? giz glaubs nöd.

[Gurgelhals]

neinei, gwitter i de berge? giz glaubs nöd.

S'Hauptproblem vom Zälte i de Bärge: S'Gschleik. Die ganze Kilos vo de Campingusrüschtig isch so ziemlich s'letschte, wo'd uf Bergtoure au no uf em Buggel wotsch ha. Aber wänn'd kei Toure machsch und eifach anefahrsch, s'Zält ufschlahsch und wieder abfahrsch: Werum au nöd?

[geosnow]

glaub au nöd, gits niä. :typej:

[turntablism]

gschleik isch egal, da bini mi anders gwöhnt, han mal en 6 tägige track durch de abel tasman gmacht mit, am afang, ca. 30 kilo uf de hüfte

gege du bisch doch rigi spezialischt - gitts da au campings ?

[thaeye]

rigi campe? the lol

[turntablism]

was würsch denn empfehle ? im garte kackts mi ah

[thaeye]

uf de uetliberg, bim guisi im garte

[turntablism]

wenn uf de uetliberg denn nomal tower suite

[Herr Rossi]

Greina hed mer guet gfalle. Miteme Liechtzelt und chli pack skills wetsch nid unbedingt es riise gschleik haa.

[meyerli]

was würsch denn empfehle ? im garte kackts mi ah

chasch i mim garte... hesch de hallwilersee i de nöchi

[Bejita]

Nimm eifach immer es Boot mit, i däm dräcks Land cha sich im Summer überau e rissendä Fluss entwickle.

[turntablism]

aso ich finds es schöns land wenn d`sunne schiint und d`röschti schmöckt.
es böötli hani nöd aber flügeli chani vom götti chind stehle

[thaeye]

Nimm eifach immer es Boot mit, i däm dräcks Land cha sich im Summer überau e rissendä Fluss entwickle.

wieso blibt meh de im drecksland?

[Acid]

Es Problem häsch eifach, wänns go Gwittere chonnt (hani zwar no nie i dä Berge erläbt).

Immer chli überleggä, wmmer de Platz ussuecht.

Und je nach dem was unter "i de Bergä" meinsch au chli gfasst sii uf verschiedenigs, oder sehr guet d Wätterlagä studiere. Chan au im Auguscht en Nacht duräschneiä... (und ich mein jetzt nid im Hochgebirge... )

[calanda]

dörf mer eigentlich i de berge überall sis zelt ufstelle und übernachte ?
will mal en tag go zelte, am liebschte i de berge, wär no nett wenns es seeli hätti.
chasch was empfehle ?

davos uf de fluelapass, doet chasch überall zelte

[Xinobrax2]

Wilds campiere isch nid erlaubt...da hani selber scho es paar Erfahrige chöne sammle. Da das aber eh nur sehr wenig Lüt mached gits idR kei Problem. S schlimmschte woni bisher erlebt han isch gsi, dass d Polizei verbi cho isch go luege und denn fründlich gseit het, dases leider nid erlaubt seg. E Buess hets nid gä...und det hani sogar zmizt im Wald e risigi Hütte us Holz baut...Mit anderne Wort....eifach mal mache, passt scho.

Bezüglich Ort: eifach mal packe und loslatsche....di beschte Ort findsch oni Planig...

[geosnow]

uf em rigi richtig kulm häts chli viel lüt und isch au sehr "belebt". aber wenn bi vitznau richtig wissiflue uf gondle gahsch, chasch sicher bimene buur campä. http://www.wissifluh.ch/index.php/hotel" onclick="window.open(this.href);return false;