Arcade/Elektronik Problem...

[damian]

Min Egret 2 gaht nümm. Scho sit 2 Mönet, langsam bini uf entzug. S'Problem isch folgendes:

Zerst häts Netzteil kei Saft me gä, denn hani es anders aneta.
Dänn isch dä Spannigswandler kabutt gange, und ich han en neue kauft (100V, 5A).
Dänn isch mer d'Sicherig im Egret 2 kabuttgange und ich han si ersetzt.

Und jetzt isch folgendes:
Bildschirm tönt Normal, Netzteil gaht nöd, lüchtet au nöd..

Zerst hani mit em Phaseprüefer kei Phase chöne Mässe uf em Netzteil selber. (aber bim 5V uusgang häts mer aazeigt... Isch das normal?) Chammer Phase überhaupt Mässe wänn d'Phase no mit em Nulleiter verbunde isch, oder gaht das nur wänn d'Phase unverbunde isch?

Woni d'Phase und Nullleiter andersch ume as JAMMA Netzteil aagschlosse han hauts mer d'Sicherig vom Huus use (10A), ev. ischs aber au dä FI Schalter. D'Sicherig vom JAMMA Netzteil (3A) hauts mer nämli nöd use.

Das sött doch eigentli kei Rolle spiele wie Phase und Nulleiter aagschlosse sind, oder?


Drum isch mini Frag: Isch eifach s'JAMMA Netztei am Arsch oder hani ächt irgendwo i minere Verkablig es Problem. Also eigentli hani da ja nüt gmacht ussert di bestehende Käbeli vom alte Netzteil abgschnitte und anes neus Netzteio aneklemmt.

Ideas anyone? Und hät mer gad öpper es JAMMA Netzteil?

[turntablism]

hoffentlich brennt der denn d`hütte nöd no ab
isch s netzteil wo kaputt gange isch, s`originale (japanische) gsi und was für es neus hesch ine gmecht ?
hesch s`alte netzteil nöd welle flicke lah ?

[mastercello]

Hesch das neue Netzteil uf 110V igstellt?
Die meiste 3rd party Netzgrät chamer met em e Schalter vo 110V uf 230V umschalte.
Wie de Michi scho gfrogt hed, hesch weder es Original Taito Netzteil ibaut, oder es 08/15 Teil?

Phase und Nullleiter spielt eigentlech kei Rolle wies a schliessisch, osser du hesch es komisches Netzteil.

[damian]

ja, es isch uf 110v iigstellt. es hät sonen schalter und dä isch so dass mers "110v" gseht und nöd s'"220V".
d'phase und nulleiter sind mit em stecker zum spannigswandler korrekt verbunde.

[damian]

isch es 3rd party netzteil, isches aber au scho vorher gsi. s'originale isch scho länger mal kabutt gange...

[damian]

Ok, han namal nahgmässe:

Vom JAMMA Netzteil sind alli Kabel korrekt mit em JAMMA Stecker resp. em Stromkabel/Spannigswandler verbunde.

Wänn s'Netzteil nöd aagschlosse isch hauts mer au kei Sicherig use.

S'einzige woni chli komisch finde, isch dass ich bim Phase-Stecker wo ich is JAMMA Netzteil schrube kei Phase mässe chan.



Ich glaubs ich bruch eifach es anders JAMMA Netzteil und guet isch...

[mastercello]

Weiss ned genau was du mett "Phase mässe" meinsch.
Du musch am Igang vom Netzteil eifach 110V AC ha.

Glaubs es neus evtl. qualitativ bessers Netzteil und guet esch.

[damian]

Mit Phase mässe meini dä Phaseprüefer-Schrubezieher ad hochspannig hebe so dasser lüchtet. Dä müest ja eigentli lüchte wännen a die 100V anehebe....

Ahh *bing* nei will s'Hochspannig ja au no über dä Bildschirm und nöd nur dur min körper chan abgleitet werde. Alles klar... Dä Phaseprüefer funzt ja nur wänn ich en direkt ad hochspannig hebe und sust nüt anders a die hochspannig aagschlosse isch -- oder?

Ja neus Netzteil

[turntablism]

Was frisst denn de monitor ? 110 v ?
Lueg mal was was bim alte netzteil usechoo isch wo zum monitor gange isch...
Manche chassis schlucked 110 und 220. Anderi 115
Also obacht dass nöd verbraate tuesch !

[damian]

alles isch 100V wills egret 2 nur in japan git! isch au vorher so gsi dass alles a de 100V aagschlosse gsi isch...

[boergi]

Dä Phaseprüefer funzt ja nur wänn ich en direkt ad hochspannig hebe und sust nüt anders a die hochspannig aagschlosse isch -- oder?

falsch.

dä phaseprüefer esch für 230V usgleit. guet möglech das er be 110V ned mag uflüchte. (oder emu ned sichtbar be tagesliecht)
öb no ergend öppis anders agschlosse esch het gar nüt demet ztue.

nem es multimeter zum mässe. wennt keis hesch chouf eis. zum luege öb e spannig do esch oder ned chasch ruhig s'günschtigschte grät nä. mues jo ned würkli genau si.

vu hochspannig red me erscht ab 1000V.

[boergi]

Lueg mal was was bim alte netzteil usechoo isch wo zum monitor gange isch...

de monitor hanget a de netzspannig. je nachdem überne trenn-trafo.

das het gar nüt met em netzteil ztue. s'netzteil macht nut d'glichspannige für d'game hardware
aso +5V, +12V, -5V bemene jamma outomat.

[turntablism]

bim ne hantarex us netzteil hesch aber au 125 wo de monitor versorgt

de egret kenn ich nöd aber ich chönnti mal bi mim awsd luege, wird s gliich sii...

[boergi]

das tschingge züg esch haut chli komisch.

es stoht power input. es esch aber ganz klar e power output.

i nem ah das esch emene 230V cab. de moni esch aber für 135V AC usgleit. drum händs de trafo zum d'netzspannig z'wandle em netzteil ghüüs integriert. zuesätzlech no e sicherig und zwöi drü elkos zum filtere verboue.
das ganze esch aber bes ufs ghüs vum netzteil wo d'glichspannige macht trennt.

[boergi]

was ou no chönnt si esch das de moni met 135V DC louft. wär aber ungwöhnlech.

[damian]

dä phaseprüefer esch für 230V usgleit. guet möglech das er be 110V ned mag uflüchte. (oder emu ned sichtbar be tagesliecht)
öb no ergend öppis anders agschlosse esch het gar nüt demet ztue.

doch, dä gaht für 100V bis 250V und lüchtet au wännen direkt in spannigswandler stecke. So wies dä im lade erklärt hät funktioniert dä über d'ableitig vom mensch in bode. Han dänkt wänn no öppis aagschlosse isch denn leitets über das andere als über mich ab, will ich dä grösser widerstand han als di meiste elektronische grät. Oder isch das falsch überleit?


Wie tueni d'Wechselspannig mit em multimeter mässe? Wo muesi di beide Pol anehebe? Aber es wird scho ga, will s'Lämpli vom Netzteil lüchtet churz uf bevors mer denn d'sicherig (vom Huus) usehaut.

[turntablism]

du verursachsch en churzschluss wenns der d sicherige chlöpft im huus.
hesch alles richtig agschlosse , so wie vorane ?
ich mache immer föteli wenn ich was usenand nimm und wider zämesetze.
degauss isch au richtig verkablet ?

...aber zerscht mal.... was isch es für es chassis und röhre ? mach mal foti vo allne bezeichnige uf em chassis und monitor falls das möglich isch

[boergi]

doch, dä gaht für 100V bis 250V und lüchtet au wännen direkt in spannigswandler stecke. So wies dä im lade erklärt hät funktioniert dä über d'ableitig vom mensch in bode. Han dänkt wänn no öppis aagschlosse isch denn leitets über das andere als über mich ab, will ich dä grösser widerstand han als di meiste elektronische grät. Oder isch das falsch überleit?

jo das esch fausch.

de grossteli vom strom werd über di andere verbrucher go. e ganz chline über de.


aus modäu überlegig chasch wasserleitige nä.
chlises röhli -> es got wenig dure
grosses rohr -> es got vöu dure

wennt es becki über beidi glichzitig entlärsch fliesst dur s'chline ned eifach nüt me wöu s'andere grösser esch.
aber natürli vöu weniger.

spannig = druck uf em system
strom = wassermengi
wederstand = rohrdurchmässer

[boergi]

spannig = potenziaudifferänz.

auso emmer zwüsche zwöi pünkt.

spannig mässe tuet me auso zwüsche dene zwöi pünkt.
e dim fau wärde vermuetli beidi met AC beschriftet si. (am netzteil)

[damian]

du verursachsch en churzschluss wenns der d sicherige chlöpft im huus.
hesch alles richtig agschlosse , so wie vorane ?
ich mache immer föteli wenn ich was usenand nimm und wider zämesetze.
degauss isch au richtig verkablet ?

...aber zerscht mal.... was isch es für es chassis und röhre ? mach mal foti vo allne bezeichnige uf em chassis und monitor falls das möglich isch

s'chassis gaht no. nur s'JAMMA netzteil macht, dass d'sicherig usegheit, chan aber au dä FI schalter si...

[damian]

wo chauft mer am schnellste es JAMMA netzteil? hät öpper gad eis vorig?

[turntablism]

ha glaubs nur no es pc netzteil, das würdi aber nöd näh

[damian]

das hani au no. problem: -5v fehlt und d'spannig laht sich nöd reguliere. sust sinds eigentli qualitativ viel besser.

[turntablism]

probier doch eifach s pc netzteil us zum chäcke obs daraa liit ? -5 bruchsch ja nöd unbedingt für en tescht
edit: bisch sicher dass dis pcNT kei -5 macht ?

[damian]

also eifach so churz aastecke chammer das ja nöd...
müesti alles neu löte und d'chlammere woni gmacht han wägnä...
ich het ev no eis mit -5v, di meiste chönd das aber nöd...