Fark ja! Ich predige das sit Jahre. Drum chan ich s'Meischte aktuelle triple AAA Zeugs nöd spiele. Das "Design of Cool", vom Look bis zu de Inhält, isch zum Chörble und himmeltruurig. Grad die hochglobti next gen Power verschwändet so viel vo ihrem gsamte Potential. Paar Generatione früecher hämer Designentscheidige gha vo Perfect Dark, Deus Ex, Half Life, System Shock, Metroid, Silent Hill, Shadow of the Colossus, Stalker, Endless Ocean usw bis hii zu de Wiimote, wo eim dur ihre Muet zu Neu-, Anders- und Eigenartigkeit immer wieder überrascht und vieli aber au irritiert händ. Spielientwickler und Publisher händ doch tatsächli no gmeint gha, für de Erfolg muess es Spieli uffalle und us de Masse stäche. 08/15 hett als no-go Risiko golte und me hett das de Ränn- und Tschuttispieli überlah, will die logischerwiis i änge Gränze funktioniere müesse und das isch au keis Problem.
Werum muess dä Blockbustergrümpel sich ständig gägesiitig copypaste und "cool" sii? Cooli Knarre, cooli Moves, cooli Type, cooli Sprüch, cooli Explosione, coole Sound, cooli Bikes, cooli Tattoos, cool dies cool das. Wo sind Wälte, Charaktere und Stories wo sich en Dräck um das schere? Ich wüsst zbsp nöd eis neuers SciFi Spieli wo nöd strunzhageldumm isch... Dark/Demon's Souls hett zeigt, dass d'Lüüt Aspruch händ und nach einzigartige Spieli dürschtet. S'Grossartige dadran isch sis eigete Design und das alles Ungwohnte drin so muess sii will das Spieli nur so und nöd andersch funzt. Es chlaut nienets und isch i känere Beziehig "cool". Die neu Gen hett soviel Potential zu Diversität und doch gseht alles gliich beschisse us und spielt sich gliich beschisse. Schüsse und prügle und paar Gadgets umewerfe, das wärs gsi. Da hett eine wie de Swery türli en schwere Stand.
Ich han letschti husch de Perfect Dark duregspielt und hans nöd chöne glaube, wie wiit vorus dä de hütige vergliichbare Pengpengers isch. Jedes Level hett Idee, Gameplay, Waffle und Grätli für en ganze hütige FPS. Soviel Abwächslig i de Handligsort findsch au nienets und doch hetts en rote Fade. S'macht alles Sinn: es isch e eigeti Wält mitnere eiget usdänkte Story, egal wie cheesy. Aber cool isch es definitiv nöd. Me macht nüt nur deswäge. Alles was passiert isch logisch durdachte Inhalt.
Und chömed mir jetz nöd mit Indiegames.
To a lot of you, this will sound like nitpicking insanity. “Just play the game, idiot! Who cares about all these dumb little details?” you’re screaming at your monitor, red in the face. Well, I do, obviously. But beyond my own tedious appreciation for practical, considered design, it ultimately makes games better.
