Media Feeds - Media Catcher - RSS

[Acid]

mer hed jo eigentlich chönä miteme bestimmtä Link en Youtube Channel als Feed aboniere, und do bini erscht vor churzem aber sofort uf de gschmack cho, wills super isch YT am glichä Ort und au i de glichä Art chönä z managä wiä Podcasts.


Jetzt händs aber bi YouTube im April öpis gänderet, (API) und es isch i jedem Feed sones YouTube Help Video uftaucht, devicesupport irgendöpis.

D Feeds funktioniered zwar eigentlich no, dass heisst, diä neuä Videos werded immer no ufgfüehrt, aber einersits isch d Frog öb das plötzlich nüm so sii wird, und zweitens ordneds diä neuä Videos hinter dem devicesupport Video ii, also isch im catcher immer das Video vom April s Aktuellscht, was natürlich denn e Ordnig nach neuschtem Biitrag und so völlig unmöglich macht.



Bi YouTube schriibeds diesbezüglich unter RSS Reader mer söli de link vom Kanal neh, oder mer chöng OPML Datei abäladä.

Unterem Link vom Kanal findet min Catcher nüt, und diä OPML Datei findi nid.

Liehts ächt am Catcher (BeyondPod)?

[Xinobrax2]

Ja di neu API suckt. Ich han mir vores paar Wuche extra en RSS Fetcher gschribe wo Youtube Videos automatisch uf min Server ziet. De funktioniert jetzt natürlich au nüme...Ich mues i de kommende Tage eh mal luege wieni das chan fixe.

Ich nime mal a bi de neue API bruchsch denn eifach en Key um dich z idenifiziere...mit anderne Wort, mer mues sich irgendwo bi Youtube en Schlüssel generiere und de denn bi de Afrage übermittle. Bi de RSS Reader würdi das widerum vorussetze, dasmer de Key irgendwo chan iträge. Ob das denn tatsächlich gmacht wird wagi mal z bezwifle will die ja eigentlich eh nid uf Youtube usgrichted sind.

Danke Google.

[Xinobrax2]

Hüt hani mal mis Tool gfixt. Isch na relativ easy:

https://www.youtube.com/feeds/videos.xm ... =CHANNELID" onclick="window.open(this.href);return false;
https://www.youtube.com/feeds/videos.xml?user=USERNAME" onclick="window.open(this.href);return false;

[Acid]

Ah cool... han letschti au usägfundä das feedly au no youtube feeds generiert wo funktioniered, aber diä sind viel komplizierter.


Weisch du per zuefall öpis über fever (http://www.feedafever.com" onclick="window.open(this.href);return false;)? Hanmer mol überleit öbi versuech das uf min Server ztuä, denn hätti en "catcher" i de Wolkä ohni amene andere Zentrum zhangä. Und es gsehd au vo de Funktionä no interessant uus, mer chans aber nid teschtä ohni zchaufä.

[Xinobrax2]

Nope, nie testet...

[Acid]

Um nid en neuä Thread z eröffne mol Titel gänderet...


Ich bin jo uf em Wäg irgendwiä all mini Mediafeeds z konzentriere, bis uf Twitter (woni deswägä allerdings au chum meh inälueg) hani jetzt eigentlich s meischtä im obä erwähntä Fever uf em Server gsammlet, also RSS Feeds vo Blogs, Youtube/Vimeo Channels, Podcasts etc.

Funktioniert eigentlich so wit ganz guet, d Web Oberflächi isch übersichtlich und guet, und es git au Apps wiä z.B. Reeder womers chan ibindä.

Leider hets absolut kei Download Züg drin. Im Gägäsatz zumene Podcatcher muesi also immer jewils d Sitä bsueche, und det denn d Episodä go Abäladä.
S Hauptproblem wo allerdings bestohd isch, dass nid alli Podcast so sändet, dassmer denn durch es klickä uf en Link zunere Sitä vo derä Folg chund, und diä denn det chan abäladä. Teilwies chundmer uf e Sitä, wo d Übersichtsitä isch vom ganzä Podcast, und müesst denn diä einzel Folgä go sueche, oder no schlimmer uf e ganzi Übersichtsitä vonere grossä Sitä womer zerscht nidmol de entsprechend Podcast findet, oder uf zwar konkreti Sitä, wo aber kein Link ibundä händ, zum es MP3 oder so abäzladä.

Au bi de grossä Mediäsitä isches z.T. so, z.B. bim SRF hedmer bi de Audiopodcasts grad im Link womer im Fever überchund s MP3, mues also nur "Speicher unter..." nid mol e sitä bsueche. Bi de Videopodcasts chuntmer allerdings z.B. uf d Übersichtssitä vo de Sändig Dok, und chan det zerscht mol gar nüt abäladä.


Jetzt weisi gar nid wiä dass ich a das Problem söll herägo, bzw. es falltmer no nid mol i nach was dassi söll google. Seinzig wasmer in Sinn chund isch "MediaCatcher" oder so, aber det chumi denn zu Alternativä Downloadhelper, de hani scho, und bruch en für d Youtube Videos, und funktioniert au super, aber für s ander Problem brüchtimer das was ebä i denä Podcatcher ibaut isch, nur weisi nid was das isch und wiämer das nännt.


Natürlich chamer sägä, muesch halt d Podcasts imene für das gmachtä Programm aboniere, aber s Ziel wär jo ebä genau alles am glichä Ort zha, und do is ufeme Server han chanis au vo überall synchronisiert haltä. S Träumli wär natürlich dassmer mol öpis heräbrächti, wo diä ganzä Prozess Im Programm sälber chönt machä (Videos abäladä vo Youtube etc., Podcasts abäladä, PDFs vo de Artikel speichere etc.), aber für s erscht wäri au eifach mol Glücklich weni irgendwiä a diä erwähntä Podcasts herächo wür, d Umwäg bi de andere Sachä sind nid so tragisch.


Chanmer do öper en Input geh?

[Xinobrax2]

Ufff...chunt druff a wievil Ziit dasd wotsch dri stecke. Ich han mir für das en eigne RSS Reader gschribe. Bi Site wo nid direkt uf de Inhalt linked hani halt zuesätzlich no en Parser gschribe wo d Site fetcht und nach em passende Titel suecht. S Problem debi isch halt, dasd de Parser für jedi Website es biz muesch apasse...und wenn die mal ires CMS endered funktionierts wider nüme. Mit anderne Wort, mir isch kei ideali Lösig bekannt.

[Acid]

Oukey... no blöd. Aber Diä Podcatcher werded das jo chum für jedi einzel sitä einzel Programmiere? Oder händ diä eifach extrem komplexi Vorgäng im Hintergrund wo das automatisch mached?

Aber wemer jetzt mol anähmed dassis würd welä versueche, was wär de Usgangspunkt? Oder besser grad ganz loh, wenni nid mol weiss wo agfangä? Imene erschtä Schritt wür mir jo eigentlich de Teil langä, wo de Link nimmt, und ebä nid so behandlet wiä en normalä RSS Reader, sondern ebä es MP3 oder e Video erkennt.



Finds sowieso no erstuundlich dasses so öpis nid scho gid, bzw. ebä nur für diä einzelne Berich einzeln.

[Xinobrax2]

Kei Ahnig wie die das mached...hansmer nie aglueged...

Ich maches mit Node.js und em Feedparser Modul (https://www.npmjs.com/package/feedparser" onclick="window.open(this.href);return false;). D Medie tueni direkt inen HTML5 Player umleite, aber theoretisch chasches natürlich au eifach abelade. Für Youtube bruchsch zuesätzlich no s entsprechende Modul demit ad Video URL chunsch (https://www.npmjs.com/package/youtube-dl" onclick="window.open(this.href);return false;). Ev. chli overkill wennt susch nüt mit Javascript z tue hesch...ich mache so Zügs eigentlich nur wili Froid am Programmiere han...s Resultat rechtfertiged emel nid de Ufwand

[Acid]

Dankä mol für diä Inputs. Villicht isches Overkill, aber jetzt hätti zumindescht mol paar Ahaltspünkt und Begriff woni chönt ahluege, wenni villicht würklich will dehinder go. Irgendwenn müsstis irgendwiä sowieso mol schaffä echli i diä Wält iztauchä, en konkrete Awendigsfall hätti zumindescht.

[Xinobrax2]

Javascript wär uf all Fäll en guete Istig...chasch Websites mache, Server mit Node.js, Web-Apps mit jQuery, Games mit Unity oder sogar Plugins für Gnome und Cinnamon...e zimlich flexibli Sprach vergliche mit anderne.

[Acid]

Isch das aber nid eigentlich chli in Verruef cho im zämähang mit websites? Irgendwenn isch doch mol diä Phasä gsi eos gheissä hed mer sölli Javascript am beschtä usschaltä, oder bringi do öpis duränand?

[Xinobrax2]

Vilicht meinsch Java...

Grundsätzlich chan alles was im Browser usgfüert wird Lücke enthalte, also au Javascript. Die Kritik wos aber git beziet sich eher uf d Privatsphäre. Mit Javascript chunsch ad Infos über de User. Browser, Betriebssystem, IP und somit s Land, Region und und und. Also wennt halbwegs anonym wotsch surfe schaltisch Javascript am gschidschte grad mal ab. Aber für alles andere isch Javascript unverzichtbar. Vereifacht chentmer sege, Javascript het us em statische Internet (bzw. Websites) es dynamischs Medium gmacht het. Es sorgt z.B. defür, dasd Inhält in Echtziit chasch nalade oni dasd grad di ganz Site muesch aktualisiere. Google, Facebook, Twitter, Youtube...alles Javascript.