VPN frog

[mr.raw]

Wenn ich e VPN App tue starte...isch denn eifach nur s Grät sälber betroffe (wo die APP druffe isch) oder au sModem,,,bzw. sWLAN?
D.h ich möcht zbs. mit em PC irgend e US Sänder gniesse (TheCW zbs). isch es denn irgendwie au möglich zuesätzlich eme Tablet ufs Modem zuezgriffe um eso zbs. uff CBS zgoh? Oder bikunnt s Tablet die normali CH IP Adresse zueglieferet?

Falls nid möglich...länggt en USB WLAN Stick, um s Tablet eso könne "zverarsche"? Oder bikunnt de WLAN Stick au wieder die normali CH Adresse über?

[Xinobrax2]

Direkt betroffe isch nur s Grät wo d Verbindig zum VPN ufbaut. Somit hesch 2 Optione.

1. VPN Verbindig direkt ufem Router irichte
Bi de meiste Router chasch im Webinterface e VPN Verbindig irichte. Wennt Pech hesch isch das allerdings vom Abüter deaktiviert worde. Die lifered no gern kastrierti Firmwares und stüred alles zentral. Fallses aber gat wäred aschlüssend sämtlichi Grät im Heimnetzwerk via VPN online. Das isch z.B. ideal wennt vo dihei us sowiso dauerhaft verschlüsslet is Netz wotsch.

2. Uf allne Grät separat irichte
Vili VPN Abüter händ Apps für Android, iOS, Windows, Mac & Linux. Falls nid sets mit OpenVPN funktioniere, das gits au für sämtlichi Platforme. De Vorteil bi dere Methode isch, dasd au unterwegs via VPN online bisch und bi jedem Grät manuell chasch istelle weli Verbindig dasd grad wotsch. Manchi VPN Abüter hend allerdings au beschränkige was d Azahl vo de Grät betrifft. Ev. vorher mal abchecke, susch sperredsder no de Account

[mr.raw]

okidoki,,,danke fürd info.


de punkt isch:
Ich bruch für min 3DS e Düttschi IP Adresse - am beschte vo T-Online. Damit kha ich uffd Nintendo Zone surfe und eso vieli StreetPass Bsuecher empfange. Mittels eme Samsung Smartphone bikumm ichs aahne. D.h VPN App druff...Düttschland wähle, s Smartphone mit eme McDonalds Code freigäh und ins 3G Netz go ilogge. Lauft guet. Aber immer mit em Smartphone ins 3G go surfe...nid so mi Ding.

[Acid]

Also dass du nid direkt über dis Modem chasch per VPN is Netz wenn VPN nur ufem Computer igrichtet hed, isch jo beantwortet, aber ich glaub dini Frog isch au no gsi, öb über s VPN is netz chasch, wenn das uf dim Compi irichtisch, und denn mitem 3DS über de Compi is Netz gosch (also eigentlich zwüsched Modem und 3DS no de Computer isch, wo jo über VPN am Netz hänkt).

Nid dassder das mit Garantie chönt sägä, aber eigentlich müssts scho so sii, will de compi söt jo gar nid andersch mitem Netz verbundä sii, ussert natürlich s Signal wo witergleitet isch usserhalb vom System wo fürs VPN verantwortlich isch, aber einersits glaubi das nid, andersits bini do aber technisch z wenig versiert..

Hanmi geschter au gfrögt, öbmer no e zuäsätzlichi verschlüsselig/anonymisierig würd heräbringä, wemer mitem Computer über s Handy is Internet gohd, und jewils ufem Handy wiä au ufem Compi zwei verschiedeni VPNs igrichtet hed...

@Xino: Du bruchsch doch au Torguard, bruchsch du au d Android App? Irgendwiä hani s Gfühl diä funktioniert nid so rächt.

[Xinobrax2]

@Acid: Uf mim Handy lauft es Cyanogenmod. Das het en integrierte VPN Client und de lauft sowit ganz ok. Allerdings verwendi dä eher selte...