was hesch geschter gmacht?

[emP]

isch ebe scho so, vegetarischi ernährig zwingt d'lüüt bitzli fantasie ds bruuche.

'sch äbe scho au so das i jedem statement vomne Vegetarier es "ig bi scho chli gschider als di andere" muess mitschwinge.

Und ja sone gmües lasagne forderet eim us hobbychoch natürlich scho gwaltig

aber isch guet, ig gah itz wieder.

[Astroboy]

Das isch ja ou erwiese dass sie gschider si, und bessere Sex hei sie ou no grad.
Schad hani so gärn Fleisch .

[emP]

Das isch ja ou erwiese dass sie gschider si, und bessere Sex hei sie ou no grad.
Schad hani so gärn Fleisch .

OLOL, zämegfasst, si si die bessere Mönsche.

Ig denke z nächschtmal dra bim grille.

[Sylvara]

Und ja sone gmües lasagne forderet eim us hobbychoch natürlich scho gwaltig .

offebar scho.
lecker vegetarisch choche forderet übrigens nid nur "hobbychöch".
tuen doch mal weniger täubele und choch das rezept vom Vyse. nachher verzellsch üüs dini erfahrige. also falls du überhaupt chochsch.

[Chäller]

Ich han Milchriis gmacht gester. GEIL!

[Pandemonium]

pasta hani gha

[emP]

also falls du überhaupt chochsch.

OLOLOL. Ebe genau so züg MUESS cho.

[Sylvara]

nei, das chunnt eifach wenn mer eso züüg liest -

BTW: No ne ernschthafti Antwort: Das mit de Linse chani mer no vorstelle, das mittem Gmües eher nid (zieht viel z fescht Wasser, wird pampig).

und zwei sätz wiiter dervo rede, dasses halt für hobbychöch schaurig schwer isch lol....zu was macht dich das idemfall?
und kei angst, du darfsch eso viel fleisch esse, wie du wettsch. dass du würkli was vo choche verstahsch, bezwiifle ich eifach a dem gmesse, was du grundsätzlich so uselahsch. aber das isch ja keis problem für dich, odr.

Ignorance is bliss.

[emP]

eifach a dem gmesse, was du grundsätzlich so uselahsch.

z.B.?

, dasses halt für hobbychöch schaurig schwer isch lol....zu was macht dich das idemfall?

Ironie, kennsch das Konzept? Zu was machts mi dem Fall. Ja was wohl? Also hallo.

[emP]

Saucisson Vaudois im Römertopf. Mit Pastinake und Ur-Rüebli, tröchnete Bohne 'n shit.

[zwirrlibatz]

en gratäng form, detdrii langi dicki zucchini streife, drmit das wo folgt dadruf en bode findet.

die streife ca e stung imne guete öl plus no sojaöl mariniere, mit gwürz nach belieben.

dänn schampignons entstielt und überobsi, aso mit em fasch hohlruum gäg ufe, druf verteile.

d'schampistiels plus tomate plus rucola (oder bärlauch oder spinat oder alles) inere pfanne dünschte.

dänn suurrahm, ziege- und früschchäs (ich han petit chevre und hüttechäsgnoh) und thymian (oder was me will) driimische.

verrüehre und dänn i d'schampis i de form fülle.

honig drüber tröifle

in bachofe mit, ca 180°, 20min




biilag:

verschiedens, ehner hertknackigs gmües wie kohlrabi, sellerie, rübeli, rande i ehner grosse schiibe ufnes bläch lege (backpapier), guet würze und öle und im ofe "röschte". ufmene separate täller arichte für alli zum bediene.

riis, hirse oder couscous würd sicher au no drzue passe, han ich nöd gmacht.


dessert:

e paar fiige halbiere und mitmene sternanis belegge.

e paar fiige nur krüzt iischnide (wie de cervelat am spiess) und zimt drii schtöibe.

bi allne fiige en butterflocke drii/druf.

in ofe mit, öppe 10min

i de zwüscheziit nüss, zbsp wal- und mandelplättchen in butter churz aröschte.

dänn alles zäme ufen täller richte, plus ein zwei fette löffel mascarpone drzue und bitz honig drüber




dummerwiis kei foti gmacht.

[Mastler(P)]

dummerwiis kei foti gmacht.

aber dangg für es baar idee.

[zwirrlibatz]

biddeschön! service public!

[Sephi]

Birre mit Gorgonzola beleit und ab in Ofe. Denn derzue en Chugele Vanilleglace miteme Tropf Chürbischärnöl drüber.

[evo]

nit selber gmacht aber gässe:
s erschte hirschpfäffer vo dem jahr. super gsi.

kuriosität am rand: statt späzli hani rösti als bilag gha.

[Marco_in_motion]

Ich han Rehschnitzeli gmacht und hüt wirds Wildsau gäh.

Es wird super.

Fleisch ässe

[Sylvara]

orientalischs auberginemousse mit minze und nuss
gurkejoghurt mit knobli, korinthe und honig
gfüllti wiiblätter
marinierte feta mit frücht
rüehrei mit dattle
warms fladebrot

gester mal wieder sunntigsbrunch für frens gmacht deheime

[ritschi]

orientalischs auberginemousse mit minze und nuss

intriguing!

[Sylvara]

chasch süsch gern ds rezept ha
hans vor längerer zyt schomal uufgschriebe für kollege.

[Mastler(P)]

tu es!

[h4xX0r]

chasch süsch gern ds rezept ha
hans vor längerer zyt schomal uufgschriebe für kollege.

GIB REZEPT!

[ritschi]

i schickes de mim mami

[Sylvara]

I erspare euch jetz mal details und poste eifach ds grundrezept (traditionell chunnt no recht e grüselige, fermentierte chäs drii, aber das spar ich mir amigs. wer's gern stark wett, cha bitz feta drii tue).

Halim Bademjan (Auberginenmousse)
~Vorspeise für 4 Personen~
3 grosse Auberginen
4 EL Sauerrahm / Crème Fraiche
2 grosse Zwiebeln
4 Knoblauchzehen
4 EL Walnüsse, gehackt
4 EL frische Pfefferminze, gehackt
1 TL Kurkuma (Gelbwurz)
Salz, Pfeffer
Butter

Die Auberginen schälen und in ca. 1/2cm dicke Scheiben schneiden. Gut salzen und für ca. 2 Std. auf einem Abtropfblech / Löcherbecken "schwitzen" lassen, damit die Bitterstoffe auslaufen. Danach das Salz abwischen und die getrockneten Scheiben im heissen Öl auf beiden Seiten goldbraun und weich braten. Auf Haushaltspapier auskühlen lassen und das Öl gut abtupfen.
Nebenbei die Zwiebeln in feine Ringe schneiden und den Knoblauch fein hacken. Beides zusammen im Öl goldbraun rösten und das Kurkuma einrühren.

Die Auberginen in einer Schüssel mit dem Stabmixer oder der Gabel zerdrücken, so dass eine grobe Mousse entsteht. Die Zwiebeln, Knoblauch und 4 EL Sauerrahm dazu geben und gut mischen. Mit Salz und Pfeffer abschmecken.

Die Minze und Walnüsse fein hacken und in einer Pfanne mit wenig Butter kurz heiss anbraten. Danach zusammen mit etwas Sauerrahm als Topping auf der Mousse anrichten.

[Optional: 2 EL Tomatenpüree beimengen.]

...
Foto hani keis eigets, aber öppe so gsehts uus: http://2.bp.blogspot.com/-wTnYP_biOmI/T ... G_3614.JPG" onclick="window.open(this.href);return false;
schön ischs nid, aber derfür megafein mit fladebrot und bitz joghurt oderso.

[Mastler(P)]

frenig

[Sylvara]

härdöpfel-zucchini pfanne
spinat-ricotta plätzli