[Eltere] chind :)

[sam]

da im thread sölled sich doch die lüüz melde wo scho chind händ oder überchömed.

d`frau isch schwanger; wie finsch? wie isches so vater si? häsch bsunderi erlebniss gha? häsch en bueb wölle und es meitli becho; was denksch drüber? fotis wäred au no nice

[Tatsujin]

glückwunsch er frau

[sam]

häsch du chind oder wotsch?
ich glaub häsch mich falsch verstande^^
dfrag isch wie reagiered ihr wenn euri frau seit si seg schwanger, bzw. wie händ ihr reagiert;)
git ja gnueg fäll wos ungeplant passiert!

[Genfer]

Ich schrieb nochher öpis derzue...
so han weder meh zyt...muess nochli schäffel bis murn am 6h00 aber lauft nid viel...chond mer grad richtig he,he,he

Ich schrieb jetzt eifach mol so mini situation, erfahrig, ich bin jo eigentlich au no en junge vater (die chli wird ändi februar 2 jährig).

Bi euis isches esch wunschchind gsi.
Ich bin 34 gsi, d'frau glaubs 30, sie häd scho lang wälle aber mir isch dä zytpunkt nie guet gsi (isch ächli mann chranket ).
Mir sind scho lang ghürote (über 10 johr) vo däm her händ mer scho einiges gmacht und finanziel händ mer au kei sorge. Beziehig isch au super, vo däm her
händ mer au kei sorge. Dor das dass mer s'genf wohnet händ mer aber kei familie i der nöchi und das isch mängisch es problem.

Mir isch glich was für esch gschlächt s'chind häd, aber d'frau häd unsveräcke es meitli wälle und mir händ au eis übercho. Für d'frau
isches glaub scho no wichtig was für es gschlächt isch und chan je nach dem dänn scho enttüscht sie wenns nied get was sie sich wünscht.

Richtig dä bammel han ich erscht übercho won ich im vaterwärde kurs s'erscht mol im geburtssaal gsi bin und all die geburtshilfe werkzüg gseh
han. Und dän isches eigentlich (für ich zum glück) schlag uf schlag gange, well die chli isch fascht en monät zfrüe uf d'wält cho. Isch guet gsi
für mich well ich nüt han chöne öberlege wie geburt werd sie, wills eifach eso schnell gange isch. Am morge häd sie wehene gha, am 15h00 sind mir
im schpital acho, am 16h15 isch sie uf d'wält cho.

Nur d'schwangerschaft isch ächli müsahm gsi, d'frau häd eigentlich scho früh immer weder whene gha und dä chotzer und isch ab em 6. monät fascht
nur no im näscht gsi. Bin froh gsi wo das umegsi isch. D'frau isch ächli enttüscht gsi vor schwangerschaft, wills sies eigentlich nie häd chöne gnüsse.

Es got dän scho en moment bis mer wörklich ralisiert das das chline gschöpf zu euis ghört und mer jetzt ä familie sind. S'gfühl isch unbeschriblich schön
und mer vergisst alli strapaze.
Und dän wird das chindli sehr schnell grösser und somit au dr ufwand. Sobald sie ufschtod, wien es mötörli, lauft das maschineli
und dän gits erscht weder ä pause wänn sie am nomittag es nickerli macht. Und dänn weder bis zobig. Alles werd vertöplet, usenander gno, kaputgmacht,
verbisse, eifach en unglaubliche neugier und drang nach wüsse.
Das isch ä sehr intensivi zyt wo wunderschön aber au sini schatte site häd.

Schön isch natürli wänd all die fortschritt gsesch, alles isch zerschtemol, ahh die unschuld...
Hart isch för mich, wänn ich müed bin und muesch äm chind luege, dänn liget nerve scho mol blank. Grad so wänn ich am 04h45 afang schaffe bis am 13h45, ide nacht chum gschloffe, dänn hei gang und tochter übernimm und d'frau chunt erscht am 19h30 vom schaffe hei.
Au, das sind dän langi täg won ich eifach dure muess. Vor allem wän s'chline dän unzverrecke nid will is näscht...

Mängisch wäred mir dän scho froh wänd mir chöntet s'chline dä eltere gä und ächli pause mache, aber wie gseit, die sind ächli wit weg. Somit sind mir
eigentlich sit 2 johr nüm zämme in usgang. Bezihig chund scho ächli churz und sexläbe isch au ächli anderschter

Jetzt chund dänn s'zweit chind und alles wird nochli komplizierter
Aber es got immer irgendwie und die zyt got so unglaublich schnell ume. Also maximum gnüsse mit däne chline!
Nochher wott ich kei chind meh und überleg mir scho öb ich mich sell sterilisiere lo. Ich wott nur eimal innere Babyphase sie, däfür richtig.

Minn tipp isch s'chäfi (baby gitter)
Um das bin ich mängisch gottefroh gsi. Wänd ich eifach nömme magsch chasches för ä halbi schtund innesetzte und ä pause mache.
Nur muesch luege das s'chline gli (also scho nach eim monät) regelmässig inne tuesch damit's sich chan dra gwöne.

Ha,ha,ha es chindeled...


Ich muess nochli go schaffe

[sam]

du machsch mir angsch!

[Genfer]

Han en teil dinne...

[NERV]

Ich würd sie uf de Stell verlah bzw. uswandere bzw. untertauche.

[Genfer]

Wiso untertauche?!
Bisch doch en geborne vater. Mini tochter isch scho fän vo dine reportage
Und schpielzüg häsch au scho gnueg dihei!

Ich wünsch dir triling uf nächschti wynacht

[Andy]

Zom Glück hani Nome Sex mit nuttene.

[sam]

Zom Glück hani Nome Sex mit nuttene.

und ich bin froh bruch ich sonen scheiss nöd! lieber videospieli chaufe

[Genfer]

Zom Glück hani Nome Sex mit nuttene.

Ha,ha dä ganz stutz verhuered...

[geosnow]

lol, aber wiä de master g scho gxeit hät: für ihn isch sin sohn s allergröscht wos git. und denn chunt erscht gamen. das will was heisse.

[sam]

@genfer
merci für dis usführliche statement! finds guet bechunsch nomol es chind. si händs eifach liechter s`zweite. gits en bueb oder nomol es meitli? ja die ziit wenns chind da isch wird mega stressig. freu mich mega druf aber en gwüssi angscht isch halt scho da. kei ahnig aber ich denk me "wachst" denn relativ schnell ine. bi eus zeigt tendenz richtig meiteli; am 27.12 wüssemers denn vielicht definitiv. bin chli entüscht will ich unbedingt en bueb möcht. logisch isch vill wichtiger das chind gsund isch aber trotzdem...das leit sich denn spötischtens nach geburt. au für eus chunt keis einzelchind in frag aber wenns s`zweite wieder es meitli wird bin ich den scho arg entüscht.

[Tatsujin]

bin ich den scho arg entüscht.

lol und vo wem bisch den das? vor mueter natur?

[feeshlee]

bim erschte chind, wo min frau gseit hät, sie seg schwanger, isch min erschte gedanke gsi: puuh, endli.
mi sind nämli fasch es jahr am versueche gsi und ebe es bizzeli verchrampft...
bim zweite isch dänn nüm so viel druck da gsi.

[Reinforced]

mi sind nämli fasch es jahr am versueche gsi und ebe es bizzeli verchrampft...

das tönt als wärs mache vill ahsträngender als das wo nachher chunnt

[agestuffer]

No comment from my side!!!!

agestuffer

[sam]

bin ich den scho arg entüscht.

lol und vo wem bisch den das? vor mueter natur?

wenn so willsch ja aber no isches ja nöd so wiit

No comment from my side!!!!

agestuffer

schad

[evo]

ui chind. irgendwenn filicht. die nekscte 10 jahr wohl chuum

[O_O]

bim erschte chind, wo min frau gseit hät, sie seg schwanger, isch min erschte gedanke gsi: puuh, endli.
mi sind nämli fasch es jahr am versueche gsi und ebe es bizzeli verchrampft...
bim zweite isch dänn nüm so viel druck da gsi.

es jahr am probiere und nachher nensch es djimon.

[feeshlee]

hüt morge hettem am liebschte dä hals umdräiht.

[Vyse]

Wieso macht me überhaupt chinder?
Zum öpper innigscht chönne liebe? Es git gnueg, scho exischtierendi, nach Liebi bedürftigi Mänsche, wieso also en zuesätzliche züüge?
Zudem bruuchts e ordentlichi Portion Gliichgültigkeit, zum es Chind id Wält setze, suscht wür mes gar nöd übers Herz bringe.

...und wie gaht me mit dä Sterblichkeit um? Me weiss, dass sChind sterbe wird, genauso wie me sälber au, es isch fucking grausam so machtlos däre Tatsach uusglifered si. Und es git no hunderti, wiiteri Vorbehält, sich nöd fortzpflanze.

[feeshlee]

Wieso macht me überhaupt chinder?
Zum öpper innigscht chönne liebe? Es git gnueg, scho exischtierendi, nach Liebi bedürftigi Mänsche, wieso also en zuesätzliche züüge?
Zudem bruuchts e ordentlichi Portion Gliichgültigkeit, zum es Chind id Wält setze, suscht wür mes gar nöd übers Herz bringe.

...und wie gaht me mit dä Sterblichkeit um? Me weiss, dass sChind sterbe wird, genauso wie me sälber au, es isch fucking grausam so machtlos däre Tatsach uusglifered si. Und es git no hunderti, wiiteri Vorbehält, sich nöd fortzpflanze.

ich wüsst en verdammt gueti adrässe, wo du jetzt go klingle chöntisch, um genau die diskussion loszträtte. obwohl ich mier vorstelle chönt, dass sich dänn dini eltere aluege würded und säge: dä junior hät rächt...

[Vyse]

lol, evtl. Findi aber au unfair und Schuldgfühl iiflösse isch oft unberächtigt, will dä Chinderwunsch chann glaubs so starch werde, dass er alles andere im Läbe überwiegt.
Aber easy, ich möcht da nöd zvill ummezeukle, nur no eis: dAntwort uuf e Frag, wo cho wird.
Ich fühl mi eifach nöd verantwortlich für dä Fortbestand vo dä Mänschheit.

[feeshlee]

ich eigetli au nöd. aber irgendwie isch cool, dä chline sache biibringe, gseh, wie sie sich sälber e meinig zu sache bildet und trotzdem en teil vo dä eigene erfahrige und iidrück a ine wiitergeh.
mi mänsche erläbed sowieso immer gärn, wie sache wachsed